Nos meses de setembro e outubro a biblioteca municipal da Sagrada Familia celebra diversas actividades relacionadas coa astronomía e en varias delas a Agrupación Astronómica Coruñesa Ío está directamente implicada. Este é o programa completo do ciclo «Outono astronómico»:

Do 20 de setembro ao 5 de outubro: exposición «A contaminación luminosa: depende de nós» (Agrupación Astronómica Coruñesa Ío).

Xoves 20 de setembro ás 19:30: charla «A perda da escuridade» a cargo de Martin Pawley (Agrupación Astronómica Coruñesa Ío).

Xoves 27 de setembro ás 19:30: charla «Non perdas a curiosidade. Astronomía e mulleres invisibles e reivindicadas na ciencia» a cargo de Estíbaliz Espinosa.

Do 8 ao 26 de outubro: exposición de fotografía astronómica «Paisaxes estreladas» (Agrupación Astronómica Coruñesa Ío).

Martes 9 de outubro ás 18:00: contacontos «Pequenos astrónomos: caer de cu polo universo» con Estíbaliz Espinosa e Lucía Cobo.

Sábado 20 de outubro ás 11:00: proxección no planetario do programa «A noite é necesaria».

Xoves 25 de outubro ás 19:30: presentación do libro «Introdución ás relatividades de Einstein» de Ramón Vilalta (Edicións Xerais).

Sábado 27 de outubro ás 12:00: observación solar no Parque de Vioño (Agrupación Astronómica Coruñesa Ío).