Que: Neste obradoiro aprenderemos a montar e utilizar un planisferio celeste, unha ferramenta sinxela que permite identificar as estrelas e constelacións visibles no ceo segundo a data e a hora. Un planisferio é un mapa do ceo formado por discos xiratorios que nos axudan a recoñecer que parte do firmamento podemos observar en cada momento do ano. Durante a actividade, cada participante montará o seu propio planisferio e aprenderá a utilizalo para localizar algunhas das principais constelacións visibles desde Galicia, comprendendo tamén como cambia o ceo ao longo das noites e das estacións.
Organiza: Asociación Cultural Adro de Vilaño
Cando: Sábado 16 de maio de 2026 ás 17:00h
Onde: Centro Sociocultural de Vilaño (A Laracha)