Charla impartida polos socios da Agrupación Ío Moncho Méndez e Rubén Díez. Aberta a todo o público, con entrada a recoller na Casa das Ciencias ese mesmo día.

Xornada divulgativa sobre contaminación luminosa, preservación da escuridade natural nocturna e posta en valor do patrimonio ambiental e cultural da noite. A xornada contará coa participación do cronobiólogo Juan Antonio Madrid e a astrofísica Eva Villaver. En breve, máis información.

Palestra sobre astronomía arredor dos textos de Rosalía de Castro a cargo de Martin Pawley, co gallo do quinto aniversario do nomeamento da estrela Rosalíadecastro.

Charla conmemorativa do quinto aniversario do nomeamento da estrela Rosalíadecastro a cargo de Martin Pawley.

O 23 de febreiro é o Día de Rosalía, un día con estrela. Podes descargar aquí o póster en PDF que deseñou Marta Cortacans para a Agrupación Ío para imprimilo e difundir así esta efeméride que une as letras e as ciencias: Póster 23-F Día de Rosalía – Un día con estrela (137 KB)

Se formas parte dun centro educativo ou cultural, biblioteca, museo ou similar, e precisas unha copia en papel do póster (tamaño A3), escríbenos ao correo info [at] agrupacionio.com.