Observación de fauna nocturna e das estrelas do ceo de inverno organizada polo Grupo Naturalista Hábitat. A Agrupación Ío colabora guiando a observación astronómica. Cómpre inscrición previa.

Proxección na Filmoteca de Galicia dos seguintes filmes: “L. Cohen” (James Benning, 2016), que rexistra a eclipse de Sol total de 2017 dende unha granxa en Oregón, EEUU; e “Eventide” (Sharon Lockhart, 2022) que amosa o movemento dun grupo de persoas nunha praia de Suecia mentres avanza a escuridade da noite e o ceo se poboa de estrelas. A sesión será presentada polo socio da Agrupación Astronómica Coruñesa Ío e crítico de cinema Martin Pawley.

Conferencia co título “Excesso de luz”, dentro do ciclo “Aqui, o Universo” organizado pola Culturgest en parcería co Instituto de Astrofísica e Ciências do Espaço (IA). A palestra ten como tema a polución luminosa, o impacto da luz artificial sobre a saúde e a natureza mais tamén sobre o patrimonio inmaterial, cultural e científico asociado á paisaxe das estrelas. Participa Raul Cerveira Lima, do Instituto de Astrofísica e Ciências do Espaço (IA), Universidade de Coimbra e Politécnico do Porto, e Martin Pawley (Agrupación Astronómica Coruñesa Ío), con Maria Serrano, comunicadora de ciência e membro da Rede de Comunicação de Ciência e Tecnologia de Portugal – SciComPt. como moderadora. Máis información no web da Culturgest e do IAstro.

O 23 de febreiro é o Día de Rosalía, un día con estrela. Podes descargar aquí o póster en PDF que deseñou Marta Cortacans para a Agrupación Ío para imprimilo e difundir así esta efeméride que une as letras e as ciencias: Póster 23-F Día de Rosalía – Un día con estrela (137 KB)

Se formas parte dun centro educativo ou cultural, biblioteca, museo ou similar, e precisas unha copia en papel do póster (tamaño A3), escríbenos ao correo info [at] agrupacionio.com.