Question 1

Boletín IAU de divulgación da astronomía: Outubro #2

Accepted Answer

Boletín IAU de divulgación da astronomía
Outubro #2
Neste boletín:
0) Nota editorial
1) Anúncianse os proxectos gañadores dos premios Astronomy@Home e as mencións de honra
2) Convocatoria de propostas “Baixo un mesmo ceo”
3) Novas NOC: Exipto, Turquía e Polonia
4) Semana Mundial do Espazo 2021: Contribucións NOC
5) Únete ás últimas campañas de 2021 de “Globe at Night”
6) A “Gaveta de Astrofísica” de Canarias
7) Dispoñíbeis as gravacións da presentación da conferencia “Global Hands-On Universe 2021”
8) Lanzamento do telescopio espacial Webb da NASA en decembro de 2021
9) Actividades destacadas
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Outubro foi un mes bastante intenso con varios eventos anuais importantes relacionados coa astronomía e o espazo, como as 100 Horas de Astronomía, a Semana Mundial do Espazo e a Noite Internacional de Observación da Lúa. Ao longo do mes destacamos numerosos eventos realizados polas nosas e nosos NOC da IAU e outras comunidades nacionais de todo o mundo. Queremos dar as grazas a todas as persoas polos diversos programas desenvolvidos e por compartiren estas iniciativas das que beneficiaron tanto estudantes como público xeral, centrándonos especialmente en grupos desfavorecidos en lugares remotos, persoas maiores e mulleres e nenas. Moitas grazas polos vosos esforzos.
En agosto de 2021 iniciamos un novo trienio até 2024. Xa recibiron o seu nomeamento oficial as e os novos representantes nacionais e queremos construír unha rede de divulgación máis representativa a nivel internacional. Animamos encarecidamente a todas as persoas que practican astronomía de forma profesional ou amadora a contactardes coa nosa rede NOC e unirvos aos nosos comités de divulgación nacionais da IAU en todo o mundo. Por favor, visitade as páxinas das coordinacións nacionais de divulgación da IAU do voso país, poñédevos en contacto coas e cos representantes e unídevos aos comités nacionais. Se o voso país non ten representante, valorade a posibilidade de asumirdes vós a coordinación nacional de divulgación.
Neste número queremos destacar os proxectos gañadores dos Premios Astronomy@Home, a iniciativa “Gaveta de Astrofísica” nas Illas Canarias e animámosvos a unirvos ás dúas últimas campañas de Globe at Night (GaN) para 2021.
Desexámosvos os ceos máis despexados e boa saúde,
Lina Canas, en nome do equipo da Oficina IAU para a Divulgación da Astronomía
1) Anúncianse os proxectos gañadores dos premios Astronomy@Home e as mencións de honra
Os premios Astronomy@Home 2020 recibiron máis de 400 eventos entre abril e agosto de 2020 en todo o mundo. Os 50 eventos seleccionados de 31 países diferentes distribúense en cinco categorías de premios.
Máis información: https://www.iau.org/public/iauoutreachaward/
2) Convocatoria de propostas “Baixo un mesmo ceo”
A convocatoria &#8220;Baixo un mesmo ceo&#8221; apoia proxectos arredor do Día Internacional dos Pobos Indíxenas que se celebra o 9 de agosto de 2022 co aval das Nacións Unidas. Os proxectos deben utilizar a astronomía cultural, a divulgación e a comunicación da astronomía para recoñecer o coñecemento indíxena e respectar os sistemas de aprendizaxe indíxenas cun enfoque baseado no dereito á aprendizaxe indíxena.
A convocatoria está aberta a todas as persoas e favoreceranse proxectos liderados por comunidades indíxenas. As propostas deben enviarse en liña antes das 23:59 na túa hora local do 31 de decembro de 2021.
Máis información: https://www.iau.org/public/oao/under-one-sky/
3) Novas NOC: Exipto, Turquía e Polonia
a) Ortogonalidade do Sol nos templos exipcios
O 19 de outubro de 2021, o Instituto Nacional de Investigación de Astronomía e Xeofísica (NRIAG) acolleu o evento &#8220;Ortogonalidade do Sol no Templo de Abu Simbel&#8221;, sobre un fenómeno único en que o Sol está perpendicular á estatua de Ramsés II no templo de Abu Simbel no sur de Exipto.
Máis información: https://sites.google.com/oao.iau.org/iauoaonews/latest-stories/nocegyptoct2021
b) V Escola de Astronomía Azarquiel (Online)
A V Escola de Astronomía de Azarquiel celebrarase en liña entre o 15 e o 19 de novembro de 2021. Adicarase a promover os intercambios culturais, salvar a brecha entre Oriente e Occidente, promover a docencia de nivel avanzado en Astronomía e motivar futuras actividades de investigación.
Podes ler o anuncio completo aquí: http://azarquielschool.online/
c) Retransmisión das charlas de dous premios Nobel
A Sociedade Astronómica Polaca fixo unha retransmisión pública das charlas de dous premios Nobel. Estas charlas foron as conferencias convidadas do 40º Encontro da Sociedade Astronómica Polaca. As charlas están dispoñíbeis en inglés.
Prof. Reinhard Genzel – Probas do paradigma dos buratos negros masivos: https://www.youtube.com/watch?v=9cd3lDhpRQk
Prof. Barry C. Barish &#8211; Comprender o noso universo con ondas gravitacionais: https://www.youtube.com/watch?v=h_jgyL8CtHg
4) Semana Mundial do Espazo 2021: Contribucións NOC
O Coordinador Nacional de Divulgación (NOC) da IAU para Alxeria, Mourad Hamdouche, informou de que a Asociación de Astronomía Sirius e a Asociación Africana de Astronomía, en colaboración co NOC de Alxeria, organizaron a conferencia en liña &#8220;Mulleres Alxerinas en Astronomía&#8221; para destacar as mulleres inspiradoras no campo da ciencia espacial e coñecer máis sobre os retos aos que se enfrontan e as leccións aprendidas para as xeracións futuras.
A Coordinadora Nacional de Divulgación (NOC) da IAU para Bahrein, Myriam Alqassab, celebrou a Semana Mundial do Espazo 2021 cun vídeo que destaca os logros das mulleres árabes no espazo e na astronomía. Podes ver o vídeo en Youtube: https://youtu.be/wY72bUNmxgs.
O Coordinador Nacional de Divulgación (NOC) da IAU para Etiopía, Alemiye Mamo, en colaboración coa Sociedade Etíope de Ciencia Espacial e o Instituto Etíope de Ciencia e Tecnoloxía Espacial, organizou un evento onde mulleres investigadoras e líderes que traballan en diferentes sectores do espazo en Etiopía compartiron as súas experiencias e discutiron os desafíos aos que se enfrontaron e como os superaron. O evento incluíu conferencias maxistrais e unha mesa redonda. Máis de 200 participantes asistiron ao evento e a maioría foron estudantes.
5) Únete ás últimas campañas de 2021 de “Globe at Night”
“Globe at Night” é unha campaña internacional de ciencia cidadá para concienciar o público sobre o impacto da contaminación luminosa que convida as persoas participantes a medir o brillo do ceo nocturno e enviar as súas observacións. As últimas datas para a campaña de 2021 son do 27 de outubro ao 5 de novembro e do 25 de novembro ao 4 de decembro de 2021.
Para saber máis: https://www.globeatnight.org/6-steps.php
6) A “Gaveta de Astrofísica” de Canarias
A relación de Canarias coa astrofísica é íntima: o arquipélago acolle un centro de investigación internacional e dous observatorios líderes a nivel mundial. En 2016 naceu &#8220;Gaveta de Astrofísica&#8221;, unha sección de divulgación quincenal publicada en “El Día”, o xornal máis importante do arquipélago con 128.000 lectores diarios. Co lema &#8220;Cada dúas semanas, investigación de vangarda feita en Canarias ou por persoas canarias en todo o mundo&#8221;, o obxectivo desta sección é achegar a ciencia ao seu verdadeiro propietario, o público en xeral, e dar a coñecer as e os investigadores locais que viven nas illas ou no estranxeiro. O repositorio &#8220;Gaveta de Astrofísica&#8221; é un caixón (que é o que significa &#8220;gaveta&#8221; en español) cheo de pezas de investigación de vangarda explicadas polas persoas que as fixeron, sen intermediarias.
Se entedes castelán e queres consultar máis sobre a &#8220;Gaveta de Astrofísica&#8221;, aquí tes as ligazóns aos máis de 120 artigos publicados até o momento: https://adrianadelorenzocaceres.wordpress.com/gaveta-de-astrofisica/
7) Dispoñíbeis as gravacións da presentación da conferencia “Global Hands-On Universe 2021”
As gravacións da conferencia “Global Hands-On Universe” de 2021 son un gran recurso para profesorado, estudantes, educadoras e educadores e profesionais da ciencia. Máis de cen vídeos (conferencias, presentacións, obradoiros) están dispoñíbeis na canle de Youtube de GHOU, incluíndo bastantes charlas das persoas que exercen as Coordinacións Nacionais de Divulgación da IAU.
Visita a canle de YouTube de GHOU aquí: https://www.youtube.com/playlist?list=PLmJNKv0Pbs3Md8LrMFEqzDttM7L9vmUQ5
8) Lanzamento do telescopio espacial Webb da NASA en decembro de 2021
O Telescopio Espacial James Webb da NASA está previsto que se lance o 18 de decembro. Será o principal observatorio do espazo profundo durante a próxima década e explorará todas as fases da historia cósmica, desde dentro do noso sistema solar até as galaxias observábeis máis afastadas do universo primitivo, e todo o que hai no medio.
Para obter máis información sobre a misión e outros recursos, visita o sitio web: https://www.nasa.gov/webb e https://www.webb.nasa.gov/index.html
9) Actividades destacadas
Eventos en 2021
a) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
b) SciAccess 2021
Lugar: virtual
Cando: 12 e 13 de novembro de 2021
Sitio web: https://sciaccess.org/
c) Astronomía Máis Alá dos Sentidos Comúns para a Accesibilidade e a Inclusión
Lugar: virtual
Cando: o 17 e 18 de novembro de 2021
Sitio web: https://accefyn.com/microsites/nodos/astroco/ii-workshop-on-astronomy-beyond-the-common-senses-for-accessibility-and-inclusion/
d) Ensino e Divulgación Pública da Astronomía: compartindo en liña as mellores prácticas
Lugar: virtual
Cando: do 18 ao 20 de novembro de 2021
Sitio web: https://astrosociety.org/get-involved/events/asp2021-a-virtual-conference/conference-overview.html
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Chinés (Simplificado): https://sdas.wh.sdu.edu.cn/info/1657/1261.htm
Tradución grazas ao Dr Chen Cao, Sociedade Astronómica Shandong (SDAS) de China.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 2

Entrevistando a Jocelyn Bell

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 3

As tres Leis de Kepler do movemento planetario

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 4

Boletín IAU de divulgación da astronomía: Outubro #1

Accepted Answer

Boletín IAU de divulgación da astronomía
Outubro #1
Neste boletín:
0) Nota editorial
1) Publicada en liña a versión 2.0 do caderno “Grandes ideas da astronomía”
2) Abertas as solicitudes para o premio de doutoramento IAU 2021
3) Divulgación para Proxectos de Desenvolvemento
4) Boletín do Grupo de Traballo sobre Mulleres na Astronomía da IAU
5) Xogo internacional de Caza de Código Astrofísico
6) Colabora escribindo para Astrobites
7) ALMA celebra 10 anos da súa primeira imaxe cun concurso para poñerlle nome ás súas antenas
8) Encontro da Sociedade Astronómica do Pacífico sobre &#8220;Ensino da astronomía e mediación co público: compartindo as mellores prácticas en liña&#8221;
9) Actividades destacadas
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
A edición 2021 das 100 Horas de Astronomía concluíu con éxito grazas ao apoio da comunidade astronómica global e das nosas e dos nosos NOC da IAU que, do 1 ao 4 de outubro de 2021, celebraron &#8220;Todas as persoas xuntas baixo un mesmo ceo&#8221; en máis de 60 países. Prestade atención porque en breve anunciaremos os proxectos gañadores da Edición Especial Telescopios para todas as persoas.
A convocatoria de propostas &#8220;Baixo un mesmo ceo&#8221; está aberta actualmente para apoiar proxectos arredor do Día Internacional dos Pobos Indíxenas do Mundo que se celebra, con aval da ONU, o 9 de agosto de 2022. Non perdas a oportunidade de presentar a túa solicitude até o 31 de decembro de 2021.
Neste número destacamos o lanzamento da segunda edición do folleto “Grandes ideas da astronomía” e do sitio web dedicado, o Xogo Internacional de Caza do Código Astrofísico e animámosvos a colaborardes con Astrobites.
Desexámosvos os ceos máis despexados e boa saúde,
Lina Canas, en nome do equipo da Oficina IAU para a Divulgación da Astronomía
1) Publicada en liña a versión 2.0 do caderno “Grandes ideas da astronomía”
Que significa que alguén teña un sólido coñecemento básico de astronomía? Esta é a pregunta que inspirou o proxecto “Grandes ideas da astronomía: unha proposta de alfabetización astronómica”, que deu lugar a un caderno de once &#8220;Grandes ideas&#8221; publicado en maio de 2019. Agora lanzouse unha nova versión do recurso, xa non só como caderno senón tamén en forma de sitio web. Esta versión está dispoñíbel en varios idiomas.
Podes ler aquí o anuncio completo da IAU: https://www.iau.org/news/announcements/detail/ann21058/
2) Abertas as solicitudes para o premio de doutoramento IAU 2021
A IAU convida a presentar solicitudes para o seu Premio de Doutoramento 2021, un premio que celebra os logros destacados realizados a nivel mundial por investigadores e investigadoras que fan doutoramentos en astrofísica. O premio outórgase anualmente en cada unha das nove Divisións da IAU, incluída a División C de Educación, Divulgación e Patrimonio, en recoñecemento ao traballo de tese máis notábel realizada o ano anterior.
Máis información: https://www.iau.org/news/announcements/detail/ann21057/
3) Divulgación para Proxectos de Desenvolvemento
a) Vídeos de astronomía para nenas e nenos en lingua urdú
O proxecto Kainaat Kids é unha canle de Youtube que produce vídeos de astronomía en urdú (con subtítulos en inglés), dirixidos a nenos e nenas de 10 a 16 anos. Os vídeos de Kainaat Kids están escritos, producidos e narrados por persoas que se dedican á astronomía e a comunicación de Paquistán, o que fan que sexan máis identificábeis para o seu público obxectivo.
Máis información: https://www.astro4dev.org/2021/09/28/what-is-our-sun-made-up-of-kainaat-kids-urdu-video/
b) Equipo de estudantes de Bangladesh desenvolve unha aplicación de astronomía interactiva
O proxecto Pothikrit está a desenvolver unha aplicación de astronomía interactiva para popularizar a astronomía e a educación científica entre as novas xeracións de Bangladesh e de todo o mundo. As persoas usuarias tamén aprenderán sobre os desafíos urxentes da Terra a través da visión da astronomía. A aplicación lanzarase en bengalí e inglés.
Máis información: https://www.astro4dev.org/2021/10/04/bangladeshi-student-team-developing-interactive-astronomy-app
4) Boletín do Grupo de Traballo sobre Mulleres na Astronomía da IAU
O Grupo de Traballo (WG) de Mulleres en Astronomía (WiA) da Unión Astronómica Internacional (IAU) está preocupado pola situación das mulleres na astronomía en todo o mundo e traballa en crear conciencia, comunicar as preocupacións e reunir mulleres e homes para romper a brecha de xénero na astronomía.
Podes ler a última edición do boletín do GT aquí: https://sites.google.com/view/iau-women-in-astronomy/home/iau-wia-ensemble-magazine-newsletter?authuser=2
5) Xogo Internacional de Caza de Código Astrofísico
O Xogo internacional de Caza de Código Astrofísico é un xogo en liña que promove as habilidades dixitais e o pensamento computacional ao tempo que difunde coñecemento sobre lugares de todo o mundo (observatorios, centros de investigación, planetarios, fitos históricos etc.) onde é posíbel observar o ceo e dar sentido ao Universo. Foi desenvolvido polo INAF xunto coa Universidade de Urbino e Digit Srl e lanzado o 24 de setembro de 2021 durante a Noite Europea das Persoas Investigadoras.
Podes acceder á emisión en directo especial das 100 Horas de Astronomía aquí: https://www.youtube.com/watch?v=ygVLD4Gz-xE
e ao sitio web do Xogo Internacional de Caza de Código aquí: https://play.inaf.it/en/international-code-hunting-game/
6) Colabora escribindo para Astrobites
Astrobites é desde 2010 unha revista diaria de literatura astrofísica escrita por estudantes de posgrao en astronomía. O seu obxectivo é presentar cada día un artigo interesante nun formato breve que sexa accesíbel para estudantes de grao en ciencias físicas que teñan interese na investigación activa. Astrobites busca novas e novos estudantes de posgrao que se unan ao proxecto. As e os solicitantes deben ser estudantes de posgrao na actualidade. A solicitude debe presentarse até o 5 de novembro de 2021.
Máis información: https://astrobites.org/apply-to-write-for-astrobites/?fbclid=IwAR0lzSxSIAGWNBWEBhIz2OIFbsOprIomL8dES9oYj2iMZ3EBNoYotp2Pl40
7) ALMA celebra 10 anos da súa primeira imaxe cun concurso para poñerlle nome ás súas antenas
Hai dez anos, o 3 de outubro de 2011, o Atacama Large Millimeter/submillimeter Array (ALMA) abriu oficialmente as súas portas á comunidade astronómica co lanzamento da súa primeira imaxe: a colisión das Galaxias Antena, que demostrou o seu potencial e sinalou o inicio dunha década de éxitos na astronomía. Hai un mes comezaron as celebracións do seu décimo aniversario coa recollida de suxestións de nomes por parte do público para as 66 antenas de ALMA.
O resultado da votación está dispoñíbel aquí: https://www.almaobservatory.org/en/almanames/10th-anniversary-of-the-first-alma-image/
Podes ler máis sobre o décimo aniversario nesta ligazón: https://alma-telescope.jp/en/news/almanamesvote-202109
8) Encontro da Sociedade Astronómica do Pacífico sobre &#8220;Ensino da astronomía e mediación co público: compartindo as mellores prácticas en liña&#8221;
Científicas e científicos, profesionais da comunicación científica e da mediación co público en astronomía (e campos relacionados) poden participar no &#8220;Encontro virtual da Sociedade Astronómica do Pacífico sobre ensino e mediación co público: compartindo as mellores prácticas en liña&#8221; do 18 ao 20 de novembro de 2021.
Máis información: https://astrosociety.org/get-involved/events/asp2021-a-virtual-conference/conference-overview.html
9) Actividades destacadas
Eventos en 2021
a) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
b) SciAccess 2021
Lugar: virtual
Cando: 12 e 13 de novembro de 2021
Sitio web: https://sciaccess.org/
c) Astronomía Máis Alá dos Sentidos Comúns para a Accesibilidade e a Inclusión
Lugar: virtual
Cando: o 17 e 18 de novembro de 2021
Sitio web: https://accefyn.com/microsites/nodos/astroco/ii-workshop-on-astronomy-beyond-the-common-senses-for-accessibility-and-inclusion/
d) Ensino e Divulgación Pública da Astronomía: compartindo en liña as mellores prácticas
Lugar: virtual
Cando: do 18 ao 20 de novembro de 2021
Sitio web: https://astrosociety.org/get-involved/events/asp2021-a-virtual-conference/conference-overview.html
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Chinés (Simplificado): https://sdas.wh.sdu.edu.cn/info/1657/1261.htm
Tradución grazas ao Dr Chen Cao, Sociedade Astronómica Shandong (SDAS) de China.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 5

Exoplanetas: Na procura de novos mundos

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 6

Boletín IAU de divulgación da astronomía: Setembro #2

Accepted Answer

Boletín IAU de divulgación da astronomía
Setembro #2
Neste boletín:
0) Nota editorial
1) 100 horas de astronomía 2021
2) Convocatoria Especial para o Simposio Kavli-IAU sobre Clima e Cambio Climático nos Planetas
3) Resumos das Sesións das Oficinas da IAUReunión familiar 2021
4) Festas tradicionais relacionadas coa Astronomía
5) Esquema de financiamento dos NOC 2021-2022
6) O Universo virtual máis grande gratuito para que calquera o explore
7) A Asociación Americana de Observadores de Estrelas Variables (AAVSO) celebra o seu 110 aniversario
8) Conferencia SciAccess 2021
9) Actividades destacadas e repositorio de recursos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Preparádevos para celebrar as 100 Horas de Astronomía do 1 ao 4 de outubro. Temos máis de 120 eventos en 47 países rexistrados no noso calendario de eventos de divulgación da IAU. Todas as actividades rexistradas son elixíbeis para gañar un dos dez telescopios doados por “Stars Shine for Everyone” (SSVI). Os primeiros 100 eventos recibirán agasallos da nosa oficina, incluíndo as últimas edicións impresas do CAPjournal.
Se che entusiasma a divulgación da astronomía e che gustaría participar activamente nun grupo global e diverso de persoas, animámoste a que te unas ao noso equipo en Toquio propoñéndote para a nosa praza de subdirección. O prazo remata o 30 de setembro de 2021.
Lanzamos a convocatoria de propostas &#8220;Baixo un mesmo ceo&#8221; para apoiar proxectos no Día Internacional dos Pobos Indíxenas que se celebra o 9 de agosto de 2022 co aval das Nacións Unidas. Podes solicitalo até o 31 de decembro de 2021.
Neste número destacamos a convocatoria especial para o Simposio Kavli-IAU sobre o clima e o cambio climático nos planetas, a publicación dos resumos das sesións da Reunión das oficinas IAU 2021 e convidámosvos a compartir detalles sobre as festas tradicionais e culturais relacionadas coa astronomía do voso país ou rexión.
Desexámosvos os ceos máis despexados e boa saúde,
Lina Canas, en nome do equipo da Oficina IAU para a Divulgación da Astronomía
1) 100 Horas de Astronomía 2021
Xa estamos preparadas e preparados para celebrarmos as 100 Horas de Astronomía. Do 1 ao 4 de outubro de 2021, o mundo celebrará que vivimos &#8220;Baixo un mesmo ceo&#8221; inspirándose en como se xuntou a nosa comunidade durante un tempo no que o contacto físico non foi posíbel, e en moitos lugares aínda non é posíbel. Consulta as máis de 100 iniciativas en 47 países e atopa un evento preto de ti no noso calendario de eventos de divulgación da IAU:
https://www.iau.org/public/oao-events/
Non atopas ningunha actividade preto de ti? Case todas as actividades están en liña e son accesíbeis para todas e todos. Como o idioma pode ser unha barreira, animamos á nosa diversa comunidade a realizar actividades nos seus propios idiomas nativos.
Podes atopar as nosas actualizacións diarias nas nosas canles de redes sociais coas actividades rexistradas.
2) Convocatoria especial para o Simposio Kavli-IAU sobre o clima e o cambio climático nos planetas
A IAU convida a lanzar propostas para o primeiro Simposio Interdisciplinar de Kavli-IAU, que estará dedicado ao cambio climático e o clima nos planetas e está previsto que teña lugar a finais de 2022 ou principios de 2023. O obxectivo do simposio é reunir científicas e científicos que estudan unha ampla gama de procesos planetarios para comprender mellor o posíbel futuro do clima na Terra. As propostas completas deben enviarse ao secretario xeral da IAU antes do 15 de novembro de 2021.
Para saber máis: https://iau.org/news/announcements/detail/ann21052/
3) Resumos das sesións da reunión das oficinas da IAU 2021
A Reunión das Oficinas da IAU celebrouse en liña do 20 ao 22 de xullo de 2021, reunindo as redes globais das catro Oficinas da IAU: as coordinadoras e coordinadores nacionais de educación astronómica (NAEC), as coordinadoras e coordinadores nacionais de divulgación (NOC) e as oficinas rexionais e centros de coñecemento lingüístico de astronomía para o desenvolvemento (ROADs) e (LOADs). A organización estivo dirixida pola Oficina de Astronomía para a Educación da IAU.
Podes atopar os resumos da sesión aquí:
https://www.iau.org/static/publications/iau-offices/session-summaries-IAU-offices-family-meeting-2021.pdf
4) Festivais tradicionais relacionados coa astronomía
Entendendo a importancia da astronomía nas festas tradicionais de todo o mundo e a importancia xeral da astronomía na cultura, recollemos unha lista de festas tradicionais de todo o mundo relacionadas coa astronomía. Cun forte arraigo nas nosas tradicións compartidas, pretendemos unir diferentes países a través dos seus intereses culturais e históricos compartidos polo ceo e os acontecementos astronómicos.
Aquí fornecemos dous exemplos:
&#8211; O Festival de Tanabata tamén se coñece como o &#8220;Festival das Estrelas&#8221;. Tanabata é un festival de verán en Xapón, no que a rapazada e os adultos piden desexos e miran as estrelas.
&#8211; Tsukimi significa &#8220;mirar a lúa&#8221; e é unha tradición xaponesa (que se remonta a máis de mil anos) de celebrar festas especiais para ver a lúa no outono.
Colabora connosco e fainos saber as festas e tradicións culturais que tes no teu país ou rexión relacionadas coa astronomía: https://forms.office.com/r/6JMGJu5NuA
5) Esquema de financiamento dos NOC 2021-2022
As Coordinadoras e Coordinadores Nacionais de Divulgación da IAU (NOC) son as e os representantes a nivel nacional da Oficina IAU para a Divulgación da Astronomía (OAO). A rede actúa como punto de contacto para a divulgación da astronomía nun país ou territorio. As e os NOC apoian a implementación de proxectos OAO da IAU a nivel nacional, comparten novas e eventos de astronomía no seu país e unen a IAU coas comunidades locais. No proceso, reciben apoio divulgativo da OAO da IAU, como o acceso ao réxime de financiamento NOC e unha conexión coa rede global NOC.
Para saber máis sobre a rede NOC: https://www.iau.org/public/noc/
Máis información acerca do Esquema de financiamento dos NOC: https://iau.org/public/oao/nocs_funding/
6) O universo virtual máis grande, de balde para que calquera poida exploralo
Un equipo internacional de investigadoras e investigadores xerou todo un universo virtual e púxoo a disposición de todas as persoas. Uchuu (que significa &#8220;espazo exterior&#8221; en xaponés) é a simulación máis grande e realista do Universo até a data. A simulación de Uchuu consta de 2,1 billóns de partículas nun cubo computacional con 9,63 millóns de anos luz de lado. Investigadores e investigadoras de Xapón, España, Estados Unidos, Arxentina, Australia, Chile, Francia e Italia crearon Uchuu usando ATERUI II, o supercomputador máis potente do mundo dedicado á astronomía.
Podes ler o comunicado de prensa do Observatorio Astronómico Nacional de Xapón (NAOJ) aquí:
https://www.nao.ac.jp/en/news/science/2021/20210910-cfca.html
Podes atopar as simulacións de Uchuu aquí: http://skiesanduniverses.org/Simulations/Uchuu/
7) A Asociación Americana de Observación de Estrelas Variábeis (AAVSO) celebra o seu 110 aniversario
A Asociación Americana de Observación de Estrelas Variábeis (AAVSO) é unha organización científica e educativa sen ánimo de lucro de astrónomos afeccionados e profesionais con interese nas estrelas que cambian de brillo: as estrelas variábeis. A AAVSO celebra este ano o seu 110 aniversario.
Máis información: https://www.aavso.org/participate
8) Conferencia SciAccess 2021
As inscricións da conferencia “SciAccess 2021” xa están abertas. Terá lugar os días 12 e 13 de novembro. A conferencia SciAccess 2021 estará dedicada a promover a inclusión da discapacidade, a diversidade e a equidade nas CTEM. Se che interesa compartir algún traballo, ideas, experiencias ou prácticas relacionadas coa CTEM accesíbel, envía a túa proposta antes do 24 de setembro.
Máis información sobre a conferencia aquí: https://sciaccess.org/
9) Actividades destacadas
Eventos en 2021
a) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
b) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
c) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
d) SciAccess 2021
Lugar: virtual
Cando: 12 e 13 de novembro de 2021
Sitio web: https://sciaccess.org/
e) Astronomía Máis Alá dos Sentidos Comúns para a Accesibilidade e a Inclusión
Lugar: virtual
Cando: o 17 e 18 de novembro de 2021
Sitio web: https://accefyn.com/microsites/nodos/astroco/ii-workshop-on-astronomy-beyond-the-common-senses-for-accessibility-and-inclusion/
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 7

O ceo de outono

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 8

Boletín IAU de divulgación da astronomía: Setembro #1

Accepted Answer

Boletín IAU de divulgación da astronomía
Setembro #1
Neste boletín:
0) Nota editorial
1) Posto de traballo na IAU: subdirección da Oficina IAU para a Divulgación da Astronomía
2) Convocatoria de propostas “Under One Sky”
3) Anunciadas as imaxes gañadoras do Concurso de Astrofotografía da IAU OAE
4) Rematan as sesións de traballo da XXXI Asemblea Xeral
5) O responsábel de prensa da IAU, Lars Lindberg Christensen, recibe o premio Klumpke-Roberts 2021
6) Novas NOC: Colombia e República Dominicana
7) Concurso “Catch a Star” 2022
8) Segundo Obradoiro sobre Astronomía Máis Alá dos Sentidos Comúns para a Accesibilidade e a Inclusión
9) Actividades destacadas
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Alégranos moito anunciar o lanzamento da convocatoria de propostas &#8220;Under One Sky&#8221; (Baixo un mesmo ceo) grazas ao apoio do Observatorio de Leiden e ao Premio de Comunicación NWO 2020. Esta convocatoria pretende apoiar proxectos ao abeiro do Día Internacional dos Pobos Indíxenas que conmemora Nacións Unidas e terá a súa próxima edición o 9 de agosto de 2022. Os proxectos deben utilizar a astronomía cultural, a divulgación e a comunicación da astronomía para poñer en valor o coñecemento dos pobos orixinarios e respectar os sistemas de aprendizaxe indíxenas cun enfoque da educación destes pobos baseado nos dereitos. A convocatoria está aberta a todo o mundo e valoraranse en especial os proxectos liderados por comunidades indíxenas.
No último número anunciamos o lanzamento do Proxecto Global de Divulgación da IAU &#8220;100 horas de astronomía&#8221; de 2021. Queremos darlles as grazas a todas as persoas que xa enviaron actividades e eventos ao noso calendario IAU de eventos de divulgación. Xa temos case 100 actividades rexistradas entre o 1 e o 4 de outubro (estas actividades recibirán agasallos da OAO, incluídas edicións en papel do CAPjournal).
Neste número, queremos felicitar ás persoas gañadoras do concurso de astrofotografía da Oficina IAU de Astronomía para a Educación e o responsábel de prensa da IAU, Lars Lindberg Christensen, gañador do premio Klumpke-Roberts 2021. Tamén queremos animarvos a presentar candidaturas á nosa praza de subdirección e que vos unades ao noso equipo en Toquio.
Por último, mais non menos importante, unhas palabras de agradecemento aos nosos coordinadores e coordinadoras de divulgación nacional que, de xeito continuo, comparten con nós iniciativas de divulgación da astronomía, de captación de público e de comunicación nas súas rexións e comunidades. Moitas grazas, os vosos esforzos son unha inspiración para nós e para a comunidade global.
Desexámosvos os ceos máis despexados e boa saúde,
Lina Canas, en nome do equipo da Oficina IAU para a Divulgación da Astronomía
1) Posto de traballo na IAU: subdirección da Oficina IAU para a Divulgación da Astronomía
A Oficina IAU para a Divulgación da Astronomía abriu o procedemento para contratar unha persoa para o posto de subdirección. Se che entusiasma a divulgación da astronomía e queres participar activamente cun grupo global e diverso de persoas, únete ao noso equipo en Toquio presentando a túa candidatura á nosa praza de subdirección. O prazo remata o 30 de setembro de 2021.
Máis información: https://www.iau.org/news/announcements/detail/ann21050/
2) Convocatoria de propostas “Under One Sky”
A convocatoria de propostas &#8220;Under One Sky&#8221; (Baixo un mesmo ceo) apoia proxectos ao abeiro do Día Internacional dos Pobos Indíxenas do Mundo, unha efeméride anual das Nacións Unidas cuxa próxima edición terá lugar o 9 de agosto de 2022. Os proxectos deben empregar a astronomía cultural, a divulgación e a comunicación da astronomía para poñer en valor o coñecemento dos pobos orixinarios e respectar os sistemas de aprendizaxe indíxenas cun enfoque da educación destes pobos baseado nos dereitos. A convocatoria está aberta a todo o mundo e valóranse en especial os proxectos liderados por comunidades indíxenas. As propostas deben enviarse en liña até as 23:59 (da vosa) hora local o 31 de decembro de 2021.
Máis información: https://www.iau.org/public/oao/under-one-sky/
3) Anunciadas as imaxes gañadoras do Concurso de Astrofotografía da IAU OAE
O Concurso de Astrofotografía da Oficina de Astronomía para a Educación (OAE) recibiu case 700 imaxes de 57 países. As fotos gañadoras xa están dispoñíbeis baixo a licenza internacional Creative Commons Attribution (CC BY) 4.0. Isto permite o seu uso gratuíto sempre que se acredite a autoría debidamente. Estas imaxes serven como un recurso educativo aberto para beneficio de docentes e estudantes de todo o mundo.
Máis información: https://www.iau.org/news/announcements/detail/ann21047/
4) Rematan as sesións de traballo da XXXI Asemblea Xeral
As sesións de traballo da XXXI Asemblea Xeral da Unión Astronómica Internacional (IAU) remataron o 26 de agosto. As reunións virtuais e as sesións previas á asemblea xeral, incluído o programa &#8220;A IAU Hoxe&#8221;, xa se poden ver a través de YouTube. En particular, agora pódese acceder ao segundo conxunto de presentacións previas á asemblea xeral do 26 de agosto que non se emitiu correctamente en YouTube. As sesións científicas da XXXI Asemblea Xeral terán lugar en Busan en agosto de 2022.
Para saber máis: https://www.iau.org/news/pressreleases/detail/iau2106/
5) O responsábel de prensa da IAU, Lars Lindberg Christensen, recibe o premio Klumpke-Roberts 2021
Felicitamos o responsábel de prensa da IAU, Lars Lindberg Christensen, por recibir o premio Klumpke-Roberts 2021, anunciado pola Sociedade Astronómica do Pacífico (ASP) o 24 de agosto de 2021. Este prestixioso premio, que antes recibiron figuras como Carl Sagan e Isaac Asimov, recoñece persoas que fixeron contribucións excepcionais para a comprensión e a valoración pública da astronomía.
Máis información: https://www.iau.org/news/announcements/detail/ann21051/
6) Novas NOC: Colombia e República Dominicana
a) XIX Encontro da Rede de Astronomía de Colombia
O XIX Encontro da Rede de Astronomía de Colombia (RAC) 2021 co título &#8220;Los cielos estrellados como patrimonio de la humanidad&#8221; celebrarase en liña do 15 ao 17 de outubro de 2021 (o encontro será en español).
Máis información: https://rac.net.co/
O noso agradecemento ao noso NOC de Colombia, Andrés David Torres Cañas, por compartir a nova.
b) Convenio de cooperación asinado co Ministerio de Xuventude
O 6 de agosto asinouse o primeiro acordo de cooperación co Ministerio de Xuventude da República Dominicana. A través deste acordo, a comunidade astronómica está a establecer canles para obter apoio loxístico en actividades de divulgación da astronomía, astronomía para a educación e astronomía para o desenvolvemento utilizando infraestruturas nacionais e tirar vantaxe de achegar a astronomía á poboación nova do país.
O noso agradecemento ao noso NOC na República Dominicana, Manuel Grullon, por compartir a nova.
7) Concurso “Catch a Star” 2022
Xa abriu a súa convocatoria o concurso “Catch a Star” 2022 (Atrapa unha estrela). Un gran número de equipos de diferentes países europeos participan nesta convocatoria compartindo traballos de investigación realizados nas súas aulas. “Catch a Star” 2022 comezará o 1 de novembro de 2021 e o prazo límite para enviar os proxectos remata o 28 de febreiro de 2022.
Podes obter máis información sobre o concurso aquí.
8) Segundo Obradoiro sobre Astronomía Máis Alá dos Sentidos Comúns para a Accesibilidade e a Inclusión
O segundo “Obradoiro sobre Astronomía Máis Alá dos Sentidos Comúns para a Accesibilidade e a Inclusión” celebrarase virtualmente os días 17 e 18 de novembro de 2021. Trátase dunha reunión interdisciplinaria coa participación de xente que se dedica á astronomía, á educación e/ou son especialistas en discapacidade. Este obradoiro ofrece a oportunidade de promover novas estratexias, traballar por obxectivos específicos, compartir experiencias e debater sobre aplicacións recentes.
Podes obter máis información sobre o obradoiro nesta ligazón.
9) Actividades destacadas
Eventos en 2021
a) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
b) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
c) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
d) Astronomía Máis Alá dos Sentidos Comúns para a Accesibilidade e a Inclusión
Lugar: virtual
Cando: o 17 e 18 de novembro de 2021
Sitio web: https://accefyn.com/microsites/nodos/astroco/ii-workshop-on-astronomy-beyond-the-common-senses-for-accessibility-and-inclusion/
Recursos en liña
I) MOOC de nivel universitario en Radio Astronomía creado polo EPFL (Instituto Federal Suízo de Tecnoloxía en Lausana) e o Observatorio Surafricano de Radio Astronomía:
&#8220;Radio Sky I&#8221; &#8211; https://www.edx.org/course/radio-sky-1
&#8220;The Radio Sky II: Observational Radio Astronomy&#8221; &#8211; https://www.edx.org/course/the-radio-sky-ii-observational-radio-astronomy
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 9

Aprende a orientarte coas estrelas en 3 minutos!

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 10

A Agrupación Astronómica Coruñesa Ío organiza unha conferencia sobre Antonia Ferrín e outras mulleres astrónomas

Accepted Answer

-Terá lugar na Domus o venres 17 de setembro ás 19:30 horas con entrada gratuíta e capacidade limitada.
-As invitacións repartiranse por orde de chegada desde as 19:00 horas.
Este venres 17 de setembro ás 19:30 terá lugar na Domus unha conferencia sobre Antonia Ferrín Moreiras, recoñecida astrónoma galega, e moitas outras mulleres astrónomas que fixeron grandes achegas neste campo. Antonia é unha muller inspiradora que fixo avanzar a comunidade universitaria en canto a perspectivas de xénero e que supón un modelo a seguir para todas aquelas rapazas que desexen aprender sobre astronomía.
Impartirá a conferencia Josefina Ling, profesora de Astronomía na Universidade de Santiago de Compostela e investigadora no observatorio Ramón María Aller. Josefina realiza ademais unha gran actividade divulgativa en temas relacionados coa contaminación luminosa e o papel da muller na astronomía, entre outros.
Esta actividade gratuíta está organizada pola Agrupación Astronómica Coruñesa Ío en colaboración cos Museos Científicos Coruñeses. Para asistir é preciso recoller na entrada da Domus unha invitación desde media hora antes de que comece a conferencia.  As prazas son limitadas en cumprimento dos protocolos COVID-19. É obrigatorio o rexistro de datos á entrada e o uso de máscara durante todo o tempo que se permaneza no museo.

Question 11

Fotografando Xúpiter e Saturno co telescopio

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 12

Salvemos a noite

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 13

Propuesta de alegaciones para la consulta pública del PRD de eficiencia energética y reducción de la contaminación lumínica

Accepted Answer

Sentímolo moito, ista entrada atopase unicamente en Español.

Question 14

Notas sobre a reforma do RD de eficiencia enerxética e redución da contaminación luminosa

Accepted Answer

Notas sobre o proxecto de &#8220;Real Decreto por el que se aprueba el Reglamento de ahorro y eficiencia energética y reducción de la contaminación lumínica en instalaciones de alumbrado exterior y sus instrucciones técnicas complementarias&#8221; (PRD, 16/07/2021) e da súa &#8220;Memoria de análisis de impacto normativo&#8221; (MAIN, 16/07/2021).
0. Resumo
Este proxecto, no que atinxe á redución da contaminación luminosa, baséase nun enfoque regulamentario obsoleto que se mostrou ineficaz para o cumprimento dos obxectivos proclamados. O proxecto contempla de forma practicamente exclusiva medidas (moi insuficientes) aplicábeis a instalacións individuais e renuncia a establecer límites á deterioración dos valores naturais da noite. Non se marcan valores límite do brillo artificial do ceo e tampouco dos indicadores de efectos ambientais ou de saúde pública. Non incorpora a necesidade explícita de limitar as emisións acumuladas totais do territorio, elemento chave para calquera política eficaz de control da contaminación luminosa. O proxecto, que reproduce o ineficaz esquema conceptual do RD 1890/2008 aínda vixente, contén ademais novas disposicións que impulsarán o aumento da superficie iluminada, contradicindo os seus obxectivos.
1. Notas xerais
1.1. O obxectivo específico da regulación é o aforro e eficiencia enerxética e redución da contaminación luminosa. A fixación de valores máximos de emisións luminosas e de consumos de potencia entra claramente dentro do ámbito natural do mesmo. Porén, o texto do proxecto impón frecuentemente valores mínimos de emisións e consumos, contrarios ao seu fin inicial.
1.2. Mentres que os límites superiores de emisións e consumos van sistematicamente acompañados de especificacións que permiten evitalos facilmente, os requisitos mínimos preséntanse como obrigatorios case sen excepcións.
1.3. Os niveis superiores de emisións indicados no proxecto son claramente superiores aos recomendábeis, e boa parte deles carecen de base científica ou son contrarios ao que recomenda o coñecemento actual.
1.4. O proxecto regula materias fóra do seu ámbito de competencia, igual que o RD actualmente vixente, ao establecer requisitos de niveis mínimos para a iluminación viaria funcional, ambiental e mesmo ornamental, e especificar cando e en que condicións debe procederse a esta, materias que deben ser obxecto de regulación por parte das administracións competentes neses temas. Carece de fundamento o intento reiterado de xustificar esta intromisión competencial baixo o argumento de que é un regulamento de seguridade industrial que afecta a aspectos puramente técnicos do uso seguro dos produtos de iluminación.
1.5. O conxunto xeral de disposicións contidas neste proxecto non ten relación lóxica cos obxectivos proclamados. Pola contra, promove directamente o aumento da contaminación luminosa ao favorecer, e en varios casos impoñer, o aumento da superficie iluminada total e o uso de fontes de CCT superior á recomendábel.
1.6. O proxecto non representa avances reais respecto ao tremendamente deficitario RD vixente, e mantén cláusulas de contido ambiguo que foron cuestionadas publicamente de forma continuada estes últimos anos, polo que a súa repetición neste texto non pode atribuírse a un mero erro.
1.7. O proxecto carece de disposicións minimamente críbeis sobre verificación e control das instalacións no que respecta á contaminación luminosa, pois limítanse a comprobacións do cumprimento do regulamento de baixa tensión e dun reducidísimo número de parámetros fotométricos, máis un catálogo de deficiencias a comprobar clamorosamente incompleto en termos científico-técnicos.
1.8. O proxecto ignora o inxente volume de resultados de investigación científica obtidos no últimos vinte anos nos ámbitos dos enfoques para a redución da contaminación luminosa e dos seus efectos sobre o medio ambiente e a saúde humana.
1.9. O proxecto ignora as recomendacións científico-técnicas da UE nesta materia así como as recentes resolucións do Parlamento Europeo, e sitúa o marco lexislativo do estado español por detrás da lexislación europea en aspectos fundamentais.
Salvador Bará (USC / Agrupación Astronómica Coruñesa Ío)

Question 15

Boletín IAU de divulgación da astronomía: Agosto #2

Accepted Answer

Boletín IAU de divulgación da astronomía
Agosto #2
Neste boletín:
0) Nota editorial
1) Mensaxe da IAU sobre a comunidade científica en Afganistán
2) Apunta as datas para celebrar 100 Horas de Astronomía en todo o mundo!
3) As sociedades astronómicas de Nepal e Brunei asinan o acordo para formalizar os seus 15 anos de asociación
4) Novas NOCs: Bulgaria, Iraq, Palestina, Sri Lanka
5) Enquisa da Rede do Ceo Nocturno á comunidade astronómica aféccionada
6) Capturar a Escuridade. Os gañadores de 2021
7) International Observe the Moon Night 2021
8) STEM XR : Obradoiro interdisciplinar de colaboración sobre comunicación científica en mundos virtuais
9) Actividades destacadas. Repositorio de recursos para eventos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín de divulgación da astronomía da IAU
0) Nota editorial
Prezados amigos, amigas e colegas,
Acabamos de rematar este ano as reunións da Asamblea Xeral 2021 da IAU, totalmente virtual debido á pandemia. Podes ver todas as sesións principais dispoñíbeis en YouTube, incluídas as sesións previas á reunión &#8220;A IAU HOXE&#8221; onde podes atopar unha visión xeral das actividades clave nas que estivo involucrada a IAU durante o pasado trienio e as charlas da premio Nobel Andrea Ghez e Volker Springel, gañador do premio Gruber, entre outros.
Do 1 ao 4 de outubro celebraremos as 100 Horas de Astronomía. Para esta edición e baixo o tema &#8220;Todas as persoas xuntas baixo un mesmo ceo&#8221; queremos destacar os dez telescopios regalados en colaboración con Stars Shine for Everyone / Universidade de Leiden. As primeiras cen actividades rexistradas no noso calendario de divulgación da IAU recibirán agasallos da Oficina de Divulgación Astronómica, incluídas as edicións impresas de CAPjournal. Así que planifica con antelación e únete ás celebracións das 100 Horas de Astronomía en todo o mundo!
Neste número, queremos destacar o acordo que asinaron as coordinacións nacionais de divulgación de Nepal e Brunei para unha colaboración e apoio continuos entre as súas institucións; convidámoste a que te inspires polas actividades realizadas pola nosa comunidade NOC e animámoste a participar na enquisa Night Sky Network dirixida á comunidade de astronomía afeccionada.
Por último, mais non é menos importante, unha palabra de agradecemento para os nosos tradutores e tradutoras e a súa enorme dedicación ao facer o noso boletín máis accesíbel ás súas comunidades ao traducilo ao xaponés, galego, portugués, árabe, francés, español e italiano. Moitas grazas.
Desexámosvos o ceo máis despexado e a mellor saúde!
Lina Canas, en nome do equipo da Oficina IAU para a Divulgación da Astronomía
1) Mensaxe da IAU sobre a comunidade científica en Afganistán
A Unión Astronómica Internacional (IAU) está profundamente preocupada polos acontecementos actuais en Afganistán e teme consecuencias adversas para a súa comunidade científica, sobre todo o acceso continuado das mulleres á ciencia e o acceso á educación para as nenas. A raíz da situación potencialmente mortal na que se atopan os nosos colegas homes e mulleres, a IAU quere animar a todas as persoas asociadas de calquera país a denunciar públicamente calquera acción que puidera poñer en perigo o seu benestar e a realizar calquera acción protectora dos e das colegas con necesidades en Afganistán. A IAU tamén anima encarecidamente ás nosas socias e socios nacionais a axudar sempre que sexa posíbel neste momento tan difícil para Afganistán.
Máis información: https://www.iau.org/news/announcements/detail/ann21044/
2) Apunta as datas para celebrar 100 Horas de Astronomía en todo o mundo
Do 1 ao 4 de outubro de 2021, a Oficina IAU para a Divulgación da Astronomía continuará coa tradición de celebrar as 100 Horas de Astronomía. O evento deste ano terá por tema &#8220;Baixo un mesmo ceo&#8221; inspirándose en como se xuntou a nosa comunidade durante un tempo no que o contacto físico non foi posíbel (e en moitos lugares aínda non o é). Animámoste a organizar ou participar en eventos ao longo destas 100 horas, xa que hai moitas posibilidades creativas durante estas 100 Horas de Astronomía. De forma segura e inclusiva, comparte o teu evento no noso calendario de eventos de divulgación global da IAU.
Máis información:  https://www.iau.org/public/oao/100-hours-of-astronomy/
3) As Sociedades Astronómicas de Nepal e Brunei asinan un acordo para formalizar os seus 15 anos de asociación
A Sociedade Astronómica de Brunei Darussalam (PABD) e a Sociedade Astronómica de Nepal (NASO) asinaron un acordo para dar a coñecer e implementar en colaboración catro áreas clave no campo da astronomía: (i) implementar proxectos de ciencia cidadá baseados en datos como o programa Asteroid Search; (ii) establecer redes de comunicación coordinadas nos dous países; (iii) facilitar as actividades de captación de fondos para apoiar a execución dos proxectos e (iv) apoiar o desenvolvemento da astronomía entrambos países noutras áreas de interese mutuo como a astronomía cultural. Ambas comunidades desexan aprender astronomía unha da outra e crear ligazóns duradeiras.
Para saber máis:
https://english.onlinekhabar.com/astronomical-societies-in-nepal-and-brunei-agree-upon-15-year-partnership.html
Querémoslles dar as grazas aos nosos NOC de Brunei e Nepal, Hazarry Hj Ali Ahmad e Suresh Bhattarai, por compartir esta nova.
4) Novas NOC: Palestina, Iraq, Sri Lanka e Bulgaria
a) Novas de Palestina
Durante os meses de xullo e agosto, o noso NOC en Palestina Dawoud Tarawa e a Sociedade Astronómica Palestina levaron a cabo varias iniciativas de divulgación en Belén, Hebrón, Ramala e Xerusalén. As actividades consistiron en noites astronómicas, cursos de formación e campamentos para observar a chuvia de meteoros das Perseidas. Os eventos reuniron a máis de 600 participantes de todos os grupos de idade.
Querémoslle dar as grazas ao noso NOC para Palestina, Dawoud Tarawa, por compartir a nova.
b) Noticias de Iraq
Celebrouse un campamento astronómico na antiga cidade de Ur na gobernación de Dhi Qar, ao sur de Iraq, con motivo da chuvia de meteoros das Perseidas. Neste campamento participaron varios equipos afeccionados á astronomía con conferencias sobre a historia da astronomía en Ur.
Querémoslle dar as grazas ao noso NOC para Iraq, Ali jaber Al-Edhari, por compartir a nova.
c) Noticias de Sri Lanka
O noso NOC de Sri Lanka, Dhanushka Amaradasa, contribuíu á tradución dun cómic chamado &#8220;Ada&#8217;s Adventures in Science&#8221; ás súas linguas locais: cingalés e tamil. O equipo quere agradecerlles a Bahthiya Senavirathne e Fathima Nafla a asistencia prestada na tradución do libro e a Edward Gómez, Laura Sorvala e Alice Hopkinson por darlles a oportunidade de contribuír a este proxecto.
O libro é unha mestura de artes e ciencias que pode inspirar os nenos e as nenas sobre a ciencia e darlles empoderamento para facer ciencia: https://www.adacomic.uk/comics/
Querémoslle dar as grazas ao noso NOC de Sri Lanka, Dhanuska Subath Amaradasa, por compartir a nova.
d) Novas de Bulgaria
O 26 de xullo, 32 estudantes tiveron a oportunidade única de facer preguntas directamente ao grupo de astronautas a bordo da Estación Espacial Internacional. A conexión histórica de vídeo foi a culminación dun evento dun día que consistiu en obradoiros e palestras relacionadas coas CTEM para crianzas e persoas adultas, incluída a participación do primeiro astronauta búlgaro Georgi Ivanov. A conversa co grupo de astronautas en órbita retransmitiuse en directo: https://www.youtube.com/watch?v=RHTNEh4kaF4&t=2850s
Querémoslle dar as grazas ao noso NOC de Bulgaria, Lyuba Slavcheva-Mihova, por compartir a nova.
5) Enquisa de rede de ceo nocturno á comunidade de astronomía afeccionada
Cada 5-10 anos, a Rede do Ceo Nocturno publica unha enquisa á comunidade astronómica afeccionada, analizando específicamente como a nosa comunidade involucra ao público, pero tamén abrangue temas como os intereses, onde obter a súa información e como se organizan os clubs.
Enche aquí o formulario: https://www.surveymonkey.com/r/GSMBFT9 e comparte as túas experiencias en astronomía afeccionada incluíndo cambios de club, necesidades de divulgación e as túas áreas de interese.
Queremoslle dar as grazas a Vivian White por compartir a nova.
6) Fotografías gañadoras de Capture the Dark 2021
A fotografía é unha das ferramentas máis poderosas na defensa do ceo escuro. A Asociación Internacional do Ceo Escuro (IDA) organizou recentemente o segundo concurso anual de fotografía Capture the Dark, que recibiu 1122 inscricións de 66 paises. As fotos premiadas foron recoñecidas pola súa habilidade técnica, composición, conexión co tema da categoría e por seren impactantes.
Máis información: https://www.darksky.org/2021-capture-the-dark-winners/
7) International Observe the Moon Night 2021
O 16 de outubro, todas as persoas da Terra están convidadas a aprender sobre ciencia e exploración lunar, participar en observacións celestes e honrar as conexións culturais e persoais que existen coa Lúa. Asiste ou organiza un evento virtual ou presencial ou únete desde calquera lugar no que esteas como observador individual. A inscrición xa está aberta.
Máis información: https://moon.nasa.gov/observe-the-moon-night/
8) STEM XR: Obradoiro interdisciplinario colaborativo sobre comunicación científica en mundos virtuais 
STEM XR é un obradoiro de colaboración gratuito e totalmente virtual (do 1 de outubro de 2021 ao 1 de xaneiro de 2022) patrocinado pola Sociedade Americana de Astronomía no que se reúnen equipos interdisciplinarios de profesionais da divulgación científica, tecnoloxía e mundos creativos para exploraren formas novas e experimentais de comunicación científica en mundos virtuais.
Podes rexistrarte aquí: https://stemxr.org
Queremoslle dar as grazas a Alexander Kaurov por compartir a nova.
9) Actividades destacadas e repositorio de recursos en liña
a) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
b) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
c) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.
11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 16

Boletín IAU de divulgación da astronomía: Agosto #1

Accepted Answer

Boletín IAU de divulgación da astronomía
Agosto #1
Neste boletín:
0) Nota editorial
1) Benvida aos nosos novos coordinadores e coordinadoras de divulgación nacional da IAU
2) II Conferencia Ceos Escuros e Tranquilos para a Ciencia e a Sociedade
3) Boletín da Oficina IAU de Astronomía para o Desenvolvemento
4) Novas NOC: “Mohakash Khelaghor”, Obradoiro de astronomía para nenos e nenas
5) Curso en liña de astronomía e astroturismo
6) Comunidade de divulgación inclusiva da IAU
7) Prácticas en redes sociais da Europlanet Society
8) Simulación de medidas astronómicas antigas con Stellarium
9) Repositorio de actividades e recursos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín de divulgación da astronomía da IAU
0) Nota editorial
Prezados amigos, amigas e colegas,
Encántanos anunciarvos os novos e novas representantes de divulgación nacional para o próximo trienio. Cada tres anos volve nomearse a nosa rede de coordinación nacional de divulgación da IAU. O noso foco para as candidaturas de 2021 (para o período 2021-2024) estivo en ampliar a nosa representación de comités NOC en países xa presentes nas nosas redes de divulgación con énfase no xénero e o equilibrio xeográfico e de grupos subrepresentados. Queremos aproveitar esta oportunidade para agradecerlle á anterior rede NOC a súa dedicación e as numerosas contribucións á divulgación, comunicación e implicación do público nas súas comunidades nacionais.
Neste número do boletín destacamos o próximo final dos prazos de rexistro para a II Conferencia de Ceos Escuros e Tranquilos para a Ciencia e a Sociedade; animámosvos a ler o último boletín da IAU OAD; a que vos unades á nosa comunidade de divulgación inclusiva da IAU e a descubrir moitas outras novas que a comunidade comparte connosco.
Por último, mais non menos importante, queremos enviar un cálido agradecemento e despedida á nosa compañeira Izumi Hansen, que dirixe este boletín desde 2020. Os nosos mellores desexos para os seus futuros proxectos.
Desexámosvos os ceos máis despexados e boa saúde,
Lina Canas, en nome do equipo da Oficina IAU para a Divulgación de Astronomía
1) Benvida aos nosos novos coordinadores e coordinadoras de divulgación nacional da IAU
Desde principios de 2021 estamos no proceso de nomear os nosos novos e novas NOC para o período 2021-2024. Sempre que comezamos un novo trienio é triste separarnos de moitos dos nosos colegas, amigas e amigos. Queremos darlles as grazas e desexarlles todo o mellor para a viaxe que lles queda por diante e asegurarlles que sempre estaremos en contacto.
Ao mesmo tempo, tamén arelamos fortalecer a nosa colaboración cos novos e novas NOC e darlles apoio nas súas inspiradoras accións de divulgación, comunicación e involucración do público que levan a cabo coas súas comunidades.
Nas próximas semanas, previas á Asemblea Xeral da IAU 2021 (este ano só comprende sesións de traballo), presentaremos o conxunto de representantes NOC (nomes novos ou xa coñecidos) que se unirán a nós no próximo trienio.
Podes seguir todas as nosas actualizacións no noso Facebook e Twitter e aproveitar para coñecer a nosa rede NOC a través das súas páxinas oficiais aquí.
2) II Conferencia Ceos Escuros e Tranquilos para a Ciencia e a Sociedade
A Oficina de Asuntos do Espazo Exterior da ONU, o IAC e a IAU teñen o pracer de acoller a segunda conferencia sobre Ceos Escuros e Tranquilos para a Ciencia e a Sociedade, que terá lugar do 3 ao 7 de outubro de 2021 en La Palma (Canarias, España). A reunión, gratuíta, celebrarase tanto en liña como presencialmente.
O prazo de inscrición para a asistencia presencial remata o 15 de agosto de 2021 e o prazo de inscrición para a asistencia en liña remata o 15 de setembro de 2021
Máis información: https://iau.org/news/announcements/detail/ann21043/
3) Boletín da Oficina IAU de Astronomía para o Desenvolvemento
Publicouse o último boletín da oficina IAU OAD correspondente ao período de xaneiro a xuño de 2021. Podedes atopar (1) un artigo sobre a ameaza que representa a COVID-19 para o financiamento científico básico; (2) os 10 anos de Astronomía para o Desenvolvemento; (3) novas parcerías, reunións destacadas (con ligazóns a gravacións) e próximos eventos e (4) outras actualizacións da IAU e das súas oficinas, das oficinas rexionais da OAD e dos proxectos da OAD (con ligazóns a recursos e eventos)
Máis información: https://www.astro4dev.org/2021/07/30/iau-oad-newsletter-28-january-june-2021/
4) Novas NOC: “Mohakash Khelaghor”, Obradoiro de astronomía para nenos e nenas
O obradoiro foi organizado polo Coordinador Nacional de Divulgación (NOC) de Bangladesh, Farseem M. Mohammedy, conxuntamente coa Sociedade Astronómica de Bangladesh (BAS), a Sociedade de Divulgación da Ciencia de Bangladesh (SPSB), o Museo Nacional de Ciencia e Tecnoloxía e o programa de sensibilización sobre o universo.
Máis información: https://sites.google.com/oao.iau.org/iauoaonews/latest-stories/mohakash-khelaghor
5) Curso en liña de astronomía e astroturismo
Equipos da Universidade de Namibia e da Universidade de Oxford desenvolveron un novo curso introdutorio en liña sobre astronomía e astroturismo. O programa foi deseñado para guías turísticos como principal público obxectivo, mais calquera se pode rexistrar. Non é preciso coñecemento previo para participar.
O curso constará de cinco sesións de 1,5 horas e impartirase os martes ás 4 da tarde CAT (hora de África central, UTC + 2) a través de Zoom e é de balde.
O prazo para inscribirse remata o 18 de agosto de 2021. Para saber máis e rexistrarvos, completade o seguinte formulario: https://forms.gle/c6okSDfttXCvLmTo8
Queremos darlles as grazas a Hannah Dalgleish e Meghan Hughes por compartir a noticia.
6) Comunidade de divulgación inclusiva da IAU
O subgrupo sobre Divulgación Inclusiva do Grupo de Traballo IAU de Astronomía para a Equidade e a Inclusión dá a benvida a todas e todos os que se queiran unir á súa &#8220;Comunidade IAU de Divulgación Inclusiva&#8221; en Facebook. O obxectivo deste grupo é facilitar o desenvolvemento e a difusión de prácticas inclusivas en actividades de divulgación da astronomía en todo o mundo. Únete ao grupo, comparte as túas experiencias e aprende dos demais!
Podes acceder ao grupo aquí: https://www.facebook.com/groups/iauinclusiveoutreach
7) Prácticas en redes sociais da Europlanet Society
Europlanet busca membros da comunidade dispostos a apoiar o seu equipo de comunicación durante o EPSC 2021 a través dos seguintes programas de prácticas:
-Prácticas en Redes Sociais: as persoas seleccionadas para as Prácticas en Redes Sociais apoiarán o equipo de RRSS na cobertura das sesións en directo durante a reunión.
-Prácticas en medios: as persoas seleccionadas para as prácticas en medios apoiarán o equipo da oficina de prensa na preparación dos materiais para os medios.
As solicitudes deberán presentarse o 16 de agosto de 2021.
Para saber máis: https://www.europlanet-society.org/european-planetary-science-congress/epsc-2021-social-media-and-media-internships-call/
8) Simulación de medidas astronómicas antigas con Stellarium
Este conxunto de actividades en liña, usando unha combinación de Google Earth e o software Stellarium, leva as usuarias e usuarios a facer unha viaxe arredor do mundo e tamén no tempo, explorando civilizacións antigas que lle revelarán os seus métodos para usar o Sol, outras estrelas e a Lúa para atopar direccións. En xeral estas persoas adquiren unha experiencia que as motiva a conectarse máis coas marabillas do ceo. Axeitado para calquera persoa que teña unha comprensión básica da ciencia (a partir dos 14 anos).
Tamén podes atopar un conxunto de tarefas de Stellarium que simulan as achegas da astronomía antiga e medieval: https://www.mysciencewalks.com/stellarium-resources.html e unha plataforma en Google Earth e Stellarium para ensinar a navegación celeste básica: https: //www.mysciencewalks.com/navigating-with-the-stars.html.
Queremos darlle as grazas a Vassilios Spathopoulos e á IAU OAD por compartir estas novas.
9) Actividades destacadas e repositorio de recursos en liña
a) Conferencia Global Hands on Universe (GHOU) 2021
Lugar: virtual
Cando: do 23 ao 27 de agosto de 2021
Sitio web: https://handsonuniverse.org/ghou2020/
b) STEM XR: Obradoiro interdisciplinario e colaborativo sobre comunicación en mundos virtuais
Lugar: virtual
Cando: do 1 de outubro de 2021 ao 1 de xaneiro de 2022
Sitio web: https://stemxr.org
c) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
d) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.
11) Contribucións ao boletín de divulgación da astronomía da IAU
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 17

Como fotografar a Vía Láctea co móbil

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 18

Charla de Begoña Vila sobre o Telescopio Espacial James Webb

Accepted Answer

-Terá lugar na Domus o xoves 19 de agosto ás 19:30 horas con entrada gratuíta e capacidade limitada. As invitacións repartiranse por orde de chegada desde as 19:00 horas.

Baixo o título «O Telescopio Espacial James Webb: mirando cara atrás no tempo», a enxeñeira principal de sistemas do Centro Espacial Goddard da NASA Begoña Vila compartirá os seus traballos sobre o telescopio máis grande e complexo nunca lanzado ao espazo o vindeiro xoves 19 de agosto ás 19:30 h na Domus. Cun espello composto doutros máis pequenos, un parasol grande que se abrirá en órbita e instrumentos que funcionarán a -230°C, o Telescopio Espacial James Webb (JWST) axudará a ver a infancia do noso Universo e a descubrir planetas candidatos para a vida. Nesta charla, Vila afundará na nova etapa da exploración espacial que se abre grazas ao JWST, que entrará en órbita en novembro de 2021.
Esta actividade gratuíta está organizada polos Museos Científicos Coruñeses e a Agrupación Astronómica Coruñesa Ío. Para asistir é preciso recoller na entrada da Domus unha invitación desde media hora antes de que comece a conferencia, rexistrarse e portar máscara durante todo o tempo que se permaneza no museo.
A doutora Begoña Vila Costas é a encargada de dous dos instrumentos do JWST, un deles o Fine Guidance Sensor, responsábel da orientación e estabilidade do observatorio. Tamén está encargada das operacións dos instrumentos do JWST despois do seu lanzamento. Ao longo da súa traxectoria, Vila recibiu múltiples recoñecementos como a NASA Exceptional Public Achievement Medal, en 2016, ou o Premio María Josefa Wonenburger da Xunta de Galicia, en 2017. Begoña Vila é ademais unha activa divulgadora científica sobre o JWST e os programas CTEM, entre outros temas.

Question 19

VLOG: Observando Saturno desde a cidade

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 20

Que telescopio merco? Tipos, características e consellos

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 21

A Agrupación Astronómica Coruñesa Ío organiza unha charla sobre as pioneiras da astronomía

Accepted Answer

– Celebrarase o xoves 5 de agosto ás 19:30 na Domus da Coruña, con entrada gratuíta até completar espazo.
– Con esta actividade regresa o ciclo de conferencias “Coruña científica”, que conta co apoio do Concello da Coruña.
Logo da pausa obrigada pola pandemia, a Agrupación Astronómica Coruñesa Ío recupera o ciclo de conferencias “Coruña científica” este xoves 5 de agosto na Domus da Coruña. A astrofísica galega Olga Suárez, responsábel da Oficina de Educación e Divulgación do Observatorio da Costa Azul, impartirá unha charla co título “El universo de la mano de las pioneras de la astronomía”. Cando pensamos nos grandes personaxes que contribuíron a construír os nosos coñecementos do Universo, véñennos rapidamente á cabeza nomes de grandes homes. Mais&#8230; houbo grandes mulleres? Somos capaces de citar algunha? Por que é tan difícil atopar estes nomes femininos? Durante a charla, a relatora revisará diversos aspectos dos nosos coñecementos actuais do Universo, apoiándose nos descubrimentos feitos polas mulleres ao longo da historia.
Olga Suárez estudou Física na Universidade de Santiago de Compostela e doutorouse en Astrofísica na Universidade de Vigo cunha tese sobre as estrelas na etapa evolutiva posterior á Rama Asintótica de Xigantes (post-AGB, polas siglas en inglés). Traballou no Instituto Nacional de Técnica Aeroespacial entre 2002 e 2007, ano en que foi contratada como post-doc polo Observatorio da Costa Azul, en Niza, onde desde 2010 é directora da Oficina de Educación e Divulgación. Desde esta Oficina deseñan materiais de divulgación e desenvolven proxectos educativos e formativos para docentes e estudantes, que mesmo fan posíbel a colaboración directa entre mozos e mozas dos institutos co persoal científico do observatorio. Como investigadora, os seus intereses céntranse no estudo da evolución das estrelas “vellas”, nomeadamente a transición da etapa post-AGC á fase de nebulosa planetaria.
A asistencia á conferencia é gratuíta, mais as prazas son limitadas en cumprimento dos protocolos COVID-19,e non se fai reserva previa, de forma que o acceso se fará por orde de chegada unha vez feito o pertinente rexistro de datos e até completar a capacidade. É obrigatorio o uso de máscara.

Question 22

Boletín IAU de divulgación da astronomía: Xullo #2

Accepted Answer

Boletín IAU de divulgación da astronomía
Xullo #2
Neste boletín:
0) Nota editorial
1) Anunciados os proxectos gañadores de Telescopios para todas as persoas 2021
2) Bolsa Visitante IAU OAD
3) Novas NOC: vídeos de astronomía de Trinidad e Tobago
4) Space Scoop
5) Inscríbete na Conferencia GHOU
6) Anunciados os resultados dos concursos Dark Skies Rangers 2021
7) Subvencións a proxectos de educación e divulgación da Royal Astronomical Society
8) Convocatoria do plan de financiamento e premio Europlanet 2021
9) Repositorio de actividades e recursos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Neste boletín presentamos dous proxectos relacionados co recoñecemento ás actividades de divulgación. En primeiro lugar, a Oficina IAU para a Divulgación da Astronomía (IAU OAO) e os nosos socios Sterren Schitteren Voor Iedereen (As estrelas brillan para todas as persoas) anunciamos os proxectos premiados da campaña Telescopios para todas as persoas 2021. Este ano medrou moito a participación e agradecemos o entusiasmo que vemos cara a este proxecto. Se aínda non o fixeches, bótalle un ollo a como se usarán os telescopios unha vez que cheguen aos seus destinos. En segundo lugar, outro incríbel proxecto que anunciou os seus resultados son os Concursos Dark Skies Rangers 2021 con NUCLIO en Portugal. A sensibilización sobre o ceo nocturno é moi importante para a nosa oficina, polo que nos alegra ver a tantas mozas e mozos de todo o mundo aprendendo e concienciando sobre o impacto que a contaminación luminosa ten nos nosos ceos escuros.
Este boletín tamén contén dous recursos que poden resultar útiles. Un é unha serie de vídeos de astronomía da nosa coordinadora de divulgación nacional da IAU para Trinidad e Tobago, a doutora Shirin Haque, e o outro é Space Scoop, un sitio web de novas de astronomía para nenos e nenas que a nosa institución anfitrioa, o Observatorio Astronómico Nacional de Xapón, está orgullosa de apoiar financeiramente.
Por último, hai unha serie de oportunidades para que os e as profesionais da divulgación da astronomía desenvolvan as súas habilidades ou proxectos. O primeiro son dous plans de financiamento europeos para apoiar proxectos de divulgación da astronomía. A outra é a Conferencia Global Hands-on Universe, destinada a persoas interesadas na educación en astronomía e que permite que coñezamos outra xente con intereses similares. Hai máis información sobre todas estas oportunidades a continuación.
Desexámosvos os ceos máis despexados e boa saúde,
Lina Canas e Izumi Hansen, en nome do equipo da Oficina IAU de Divulgación de Astronomía
1) Anunciados os proxectos gañadores de Telescopios para todas as persoas 2021
A Oficina IAU para a Divulgación da Astronomía e Sterren Schitteren Voor Iedereen (As estrelas brillan para todas as persoas) anunciaron os 12 proxectos galardoados no programa Telescopios para todas as persoas 2021. Os proxectos premiados están espallados polos cinco continentes e levarán a astronomía a diversas comunidades subdesenvolvidas facendo uso do telescopio que obtiveron.
Para saber máis: https://www.iau.org/public/telescopecollaboration/
2) Bolsa Visitante IAU OAD
A Oficina IAU de Astronomía para o Desenvolvemento (IAU OAD) acolle periodicamente a bolseiros e bolseiras visitantes para colaboraren coa IAU OAD. Acéptanse propostas de xeito continuo e actualmente operan todas en forma remota.
Máis información: https://www.astro4dev.org/2021/07/20/remote-fellowship-at-iau-office-of-astronomy-for-development/
3) Novas NOC: vídeos de astronomía de Trinidad e Tobago
En resposta á pandemia, a coordinadora nacional de divulgación da IAU en Trinidad e Tobago, a doutora Shirin Haque, creou uns vídeos sobre astronomía tanto para nenos e nenas como para persoas adultas no Caribe de fala inglesa, incluída unha serie con preguntas enviadas pola rapazada e outra con profesionais da astronomía.
Máis información: https://www.youtube.com/user/caribscience/videos
4) Space Scoop
Space Scoop achega as últimas novidades sobre astronomía a nenas e nenos de todo o mundo en 33 idiomas. O proxecto está apoiado por diversas organizacións e proxectos de astronomía para que a rapazada poida coñecer os últimos desenvolvementos nesta ciencia.
Máis información: http://www.spacescoop.org/en/
5) Inscríbete na Conferencia GHOU
A Conferencia Global Hands on Universe (GHOU) de 2021 celebrarase de novo virtualmente para docentes, estudantes, educadores e educadoras e outros científicos e científicas con interese na educación en astronomía. A inscrición pecha o 10 de agosto de 2021. A conferencia gratuíta celebrarase do 23 ao 27 de agosto de 2021.
Máis información: http://handsonuniverse.org/ghou2021/
6) Anunciados os resultados dos concursos Dark Skies Rangers 2021
En Portugal NUCLIO anunciou os resultados dos Concursos Dark Skies Rangers 2021. Estes concursos anuais de escritura e debuxo axudan a crear conciencia sobre o impacto da contaminación luminosa e a importancia de preservar o ceo nocturno.
Para saber máis: http://dsr.nuclio.pt/concursos-dsr-2021/
7) Subvencións a proxectos de educación e divulgación da Royal Astronomical Society
A Royal Astronomical Society (RAS) acepta solicitudes para o seu programa de subvencións de pequeno importe para proxectos de Educación e Divulgación até o 15 de agosto de 2021. Estas subvencións globais teñen como obxectivo apoiar actividades de divulgación pública relacionadas coa astronomía ou a xeofísica.
Máis información: https://ras.ac.uk/awards-and-grants/outreach/education-outreach-small-grants-scheme/
8) Convocatoria do plan de financiamento e premio Europlanet 2021
A Europlanet Society acepta solicitudes para o seu programa de financiamento e premio de divulgación 2021. As solicitudes admítense até o 18 de agosto de 2021. Tanto o plan de financiamento como o premio están deseñados para apoiar proxectos europeos que dean a coñecer ao público as ciencias planetarias.
Máis información: https://www.europlanet-society.org/calls-for-europlanet-outreach-funding-scheme-and-prize-2021/
9) Actividades destacadas e repositorio de recursos en liña
a) Simposio de verán da Sociedade Astronómica do Pacífico
Onde: virtual
Cando: do 23 ao 27 de xullo de 2021
Sitio web: https://scipep.org/conference/
b) Comunicar o Futuro: Envolver o Público na Ciencia Básica
Lugar: virtual
Cando: 27 e 28 de xullo de 2021
Sitio web: https://scipep.org/conference/
c) Conferencia Global Hands on Universe (GHOU) 2021
Lugar: virtual
Cando: do 23 ao 27 de agosto de 2021
Sitio web: https://handsonuniverse.org/ghou2020/
d) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
e) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU de Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: https://docs.google.com/document/d/1yko0aYt8OMK9g8KDA_m1hq5ik5xVEEI1UE7Y2GhGl70/edit#heading=h.kecmyoqyl8e9
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.
11) Contribucións ao boletín da Oficina IAU de Divulgación da Astronomía
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 23

Fenómenos astronómicos: edición verán de 2021

Accepted Answer

Vídeo do canal de Youtube AstroXabi do noso compañeiro Xabier Pérez Couto.

Question 24

Boletín IAU de divulgación da astronomía: Xullo #1

Accepted Answer

Boletín IAU de divulgación da astronomía
Xullo #1
Neste boletín:
0) Nota editorial
1) Xa están dispoñíbeis as gravacións da conferencia virtual CAP 2021
2) Obradoiro Ceos Escuros e Tranquilos para a Ciencia e a Sociedade
3) Novas NOC: Obradoiro de astronomía náutica en Sri Lanka
4) Proxecto de ciencia cidadá para atopar galaxias &#8220;medusa&#8221;
5) Concurso fotográfico “Na Lúa de novo!”
6) Concurso de astrofotografía IDA &#8220;Capture the Night&#8221;
7) Blog “Wondrous Astronomy”
8) Proxecto &#8220;Un ceo, unha postal&#8221; con AWB
9) Repositorio de actividades e recursos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Pode que o notarades: estamos a ter unha tempada moi intensa para a divulgación da astronomía. E neste boletín informativo ofrecemos un petisco do que está a suceder en todo o mundo.
En primeiro lugar hai algunhas actualizacións das reunións relacionadas coa IAU. As gravacións da primeira conferencia virtual Comunicar astronomía co público (Conferencia CAP) xa están dispoñíbeis en liña. O tema deste ano foi &#8220;Comunicar a astronomía co público na era das crises globais&#8221;, polo que hai moitas charlas (e moita inspiración) relevantes para esta era da pandemia. En segundo lugar, anunciouse o segundo obradoiro Ceos escuros e tranquilos para a ciencia e a sociedade, sobre o cal podes atopar máis información a continuación.
Tamén destacamos un novo obradoiro da oficina NOC en Sri Lanka, que tratou sobre o patrimonio cultural da astronomía náutica entre o país insular e os Países Baixos.
Neste boletín tamén hai dous concursos fotográficos que aceptan inscricións gratuítas, incluído un cos nosos socios On the Moon Again! para o seu evento do 16 ao 18 de xullo de 2021. Estes concursos de fotos están abertos a calquera persoa que teña cámara, así que anímate e comproba como podes participar.
Por último neste boletín hai dous proxectos e un recurso para as persoas entusiastas da astronomía. O primeiro proxecto permite que científicos e científicas cidadás atopen galaxias &#8220;Medusas&#8221; e o outro permite que a xente explore a conexión entre astronomía e arte a través das postais. O recurso é un blog bilingüe sobre astronomía e arte.
Ás veces é difícil incluír todo neste boletín, polo que consulta o noso Facebook ou Twitter se usas estas redes sociais para coñecer eventos que non collen neste boletín.
Desexámosvos os ceos máis despexados e boa saúde,
Lina Canas e Izumi Hansen, en nome do equipo da Oficina IAU de Divulgación de Astronomía
1) Xa están dispoñíbeis as gravacións da conferencia virtual CAP 2021
Xa están dispoñíbeis en liña os vídeos das conferencias, as charlas plenarias e outros contidos da Conferencia Virtual CAP 2021. Esta última edición da Conferencia Comunicar Astronomía co Público reuniu comunicadores e comunicadoras de astronomía de todo o mundo baixo o tema &#8220;Comunicar astronomía co público na era das crises globais&#8221;.
Aquí está a listaxe das charlas coas ligazóns de vídeo correspondentes: https://www.communicatingastronomy.org/cap2021-videos/
Gravacións na canle de Youtube CAP: https://www.youtube.com/IAUCAP
2) Obradoiro Ceos Escuros e Tranquilos para a Ciencia e a Sociedade
A Unión Astronómica Internacional (IAU) colabora de novo coa Oficina de Asuntos do Espazo Exterior das Nacións Unidas (UNOOSA) e o Instituto de Astrofísica de Canarias (IAC) no obradoiro Ceos Escuros e Tranquilos para a Ciencia e a Sociedade. A reunión gratuíta celebrarase do 3 ao 7 de outubro de 2021 en liña e en La Palma, España. Os resumos deben enviarse antes do 15 de xullo de 2021.
Máis información: https://iau.org/news/announcements/detail/ann21043/
3) Novas NOC: Obradoiro de astronomía náutica en Sri Lanka
O NOC de Sri Lanka até finais de agosto, Thilina Heenatigala, e o coordinador que o substituirá logo desa data, Dhanushka Subath Amaradasa, realizaron un taller en liña sobre astronomía náutica a principios deste ano con escolares en Sri Lanka. O obradoiro foi recoñecido recentemente por The Netherlands Online Cultural Challenge 2020.
Para saber máis: https://www.universiteitleiden.nl/en/news/2021/07/bridging-sri-lanka-and-the-netherlands-through-astronomy
Grazas a Thilina Heenatigala por compartir esta nova.
4) Proxecto de ciencia cidadá para atopar galaxias &#8220;medusa&#8221;
Toda a xente está invitada a unirse á investigación do Instituto Max Planck de Astronomía para identificar as galaxias &#8220;medusa&#8221; en simulacións que axuden aos investigadores e investigadoras a comprender mellor como se forman as galaxias. O proxecto está dispoñíbel en inglés, alemán e hebreo.
Máis información: http://www.mpia.de/5697481/news_publication_16946467_transferred
5) Concurso fotográfico “Na Lúa de novo!”
“Na Lúa de novo!” convoca un concurso fotográfico para o evento global de observación do 16 ao 18 de xullo de 2021. As persoas que desexen participar poden facer unha foto da Lúa durante o evento e publicala en liña para obter premios, incluído un telescopio dos nosos parceiros do proxecto “Telescope for All” Sterren Schitteren Voor Iedereen (As estrelas brillan para todas as persoas).
Máis información: https://www.onthemoonagain.org/contest
6) Concurso de astrofotografía IDA &#8220;Capture the Night&#8221;
A International Dark-Sky Association (IDA) acepta envíos para o seu concurso de astrofotografía &#8220;Captura a noite&#8221;. As fotos pódense enviar até o 23 de xullo de 2021.
Máis información: https://www.darksky.org/capturethedark/
7) Blog “Wondrous Astronomy”
Wondrous Astronomy é un blog bilingüe sobre temas de astronomía tanto para adultos como para escolares. As publicacións están dispoñíbeis en marathi e inglés.
Para saber máis: http://simplifiedastronomy.blogspot.com/
Grazas a Sonal Thorve por compartir esta nova.
8) Proxecto &#8220;Un ceo, unha postal&#8221; con AWB
Astrónomxs sen fronteiras (AWB) solicítalle á xente de todo o mundo que envíe unha postal coa súa visión artística do ceo. O proxecto ten como obxectivo xuntar persoas de todos os países que lidaron co illamento e a falta de contacto durante o último ano. Os traballos aceptaranse até o 31 de agosto de 2021.
Máis información: https://my.astronomerswithoutborders.org/programs/astroarts/new-page
9) Actividades destacadas e repositorio de recursos en liña
a) Simposio de verán da Sociedade Astronómica do Pacífico
Onde: virtual
Cando: do 23 ao 27 de xullo de 2021
Sitio web: https://scipep.org/conference/
b) Comunicar o Futuro: Envolver o Público na Ciencia Básica
Lugar: virtual
Cando: 27 e 28 de xullo de 2021
Sitio web: https://scipep.org/conference/
c) II Obradoiro Ceos Escuros e Tranquilos para a Ciencia e a Sociedade
Lugar: virtual / La Palma, Illas Canarias, España
Cando: do 3 ao 7 de outubro de 2021
Sitio web: http://research.iac.es/congreso/quietdarksky2021/pages/home.php
d) Obradoiro Shaw-IAU Astronomía para a Educación
Lugar: virtual
Cando: do 12 ao 15 de outubro de 2021
Sitio web: https://astro4edu.org/siw2021/
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU de Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: http://bit.ly/2xlNyCR
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.
11) Contribucións ao boletín da Oficina IAU de Divulgación da Astronomía
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 25

Este verán asociarse á Ágrupación Ío ten premio!

Accepted Answer

Este verán asociarse á Agrupación Astronómica Coruñesa Ío ten premio. Desde agora e até fin de existencias, as persoas que se dean de alta como socias recibirán un calendario 2021 como agasallo, en colaboración co proxecto de divulgación da astronomía Ceos Galegos. Podedes saber máis sobre como asociarvos nesta ligazón. Aproveitade a ocasión!

Question 26

Solo estrellas en el cielo

Accepted Answer

Sentímolo moito, ista entrada atopase unicamente en Español.

Question 27

Hechizo de Luna

Accepted Answer

Sentímolo moito, ista entrada atopase unicamente en Español.

Question 28

Boletín IAU de divulgación da astronomía: Xuño #2

Accepted Answer

Boletín IAU de divulgación da astronomía
Xuño #2
Neste boletín:
0) Nota editorial
1) Postúlate para o posto de oficial de divulgación internacional coa IAU OAO
2) Enquisa do alumnado da International School for Young Astronomers
3) Premio de doutoramento da Unión Astronómica Internacional
4) Novas NOC: &#8220;Xornadas de iniciación á astronomía en Togo&#8221;
5) Novas NOC: Apertura da Oficina de Difusión, Educación e Investigación en Astronomía en Moçambique
6) Colaboradora da IAU OAO premiada por un proxecto de ciencia cidadá
7) Carta aberta de Astronomers for Planet Earth
8) Convocatoria 2021 dos premios Dark Sky
9) Repositorio de actividades e recursos en liña
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Para moita xente no hemisferio norte, coma nós no Xapón, onde está a Oficina IAU de Divulgación da Astronomía (IAU OAO), chega o verán. Neste período de clima cálido, queremos dedicar un momento para lembrar a todo o mundo a importancia de hidratarse e tomar precaucións nas zonas con tempo extremo.
Este número do boletín de divulgación da astronomía contén moitas actualizacións relacionadas coa divulgación da IAU, incluíndo unha chamada a ex-alumnos e alumnas da International School for Young Astronomers e as persoas que veñen de obter un doutoramento. Tamén é o último número antes de comezar a revisar as solicitudes para o posto de oficial de divulgación internacional o 15 de xullo, polo que por favor, envía a solicitude ou comparte a información coas persoas que poidan estar interesadas en unirse á oficina IAU OAO.
Ademais, compartimos algunhas noticias das coordinacións nacionais de divulgación da IAU en Moçambique e Togo. Se podes, esperamos que te unas a estes grandes eventos para as comunidades de divulgación da astronomía destes países.
Por último, con respecto ás altas temperaturas, incluímos información de Astronomers for Planet Earth sobre a súa carta aberta a institucións e grupos de astronomía sobre o papel da astronomía na mitigación do cambio climático. En liña coa concienciación sobre a Terra, este número achega información sobre os premios International Day-Sky Association 2021. Agardamos que compartas estes elementos con calquera que teña interese nestes temas.
Desexámosvos os ceos máis despexados e boa saúde,
Lina Canas e Izumi Hansen, en nome do equipo da Oficina IAU de Divulgación de Astronomía
1) Postúlate para o posto de oficial de divulgación internacional coa IAU OAO
Quedan unhas semanas para presentar unha solicitude para o posto de Oficial de Divulgación Internacional na Oficina IAU de Divulgación da Astronomía. A convocatoria está aberta a calquera persoa do mundo, requírese o coñecemento do inglés e valórase o do xaponés. O proceso de selección comezará despois do 15 de xullo de 2021.
Máis información: https://iau.org/news/announcements/detail/ann21032/
2) Enquisa do alumnado da International School for Young Astronomers
O alumnado da IAU International School for Young Astronomers (ISYA) do período 1967-2014 está convidado a enviar un informe sobre a súa experiencia en ISYA á Oficina IAU para Astrónomos e Astrónomas Xoves antes de finais de xuño de 2021.
Os informes deben enviarse aquí: https://nettskjema.no/a/isya
3) Premios de doutoramento da Unión Astronómica Internacional
As persoas que obtiveran o seu doutoramento en época recente poden presentarse ao premio de doutoramento da Unión Astronómica Internacional. O premio recoñece os excelentes logros científicos en astrofísica de todo o mundo a través de cada división da IAU, incluída a división C sobre divulgación, educación ou patrimonio. Os doutores e as doutoras deberon obter o título desde o 16 de decembro de 2020 para participaren no premio.
Máis información: https://iau.org/science/grants_prizes/phd_prize/
4) Novas NOC: &#8220;Xornadas de iniciación á astronomía en Togo&#8221;
Doh Koffi Addor, coordinador de divulgación nacional da IAU para Togo, convida ao público á conferencia en liña &#8220;Les journées de découverte de l&#8217;astronomie au Togo&#8221; (&#8220;Xornadas de iniciación á astronomía en Togo&#8221;), organizada pola Asociación de Astronomía Togolesa (ATA). O evento terá lugar os días 22 e 23 de xullo de 2021 en francés. É necesario inscribirse mais é de balde.
Máis información: https://docs.google.com/forms/d/e/1FAIpQLScN23EoTMoIbkb1Zp54zwkMKeOmKQrB6sPTxE6XLpTrpjxZPw/viewform
5) Novas NOC: Apertura da Oficina de Difusión, Educación e Investigación en Astronomía en Moçambique
O coordinador nacional de divulgación da IAU en Mozambique Claudio Paulo formou un novo equipo e abriu o Escritório de Divulgação, Educación e Pesquisa em Astronomia de Moçambique na Universidade Eduardo Mondlane. Claudio forneceu a oficina con ordenadores, telescopios e outros recursos para mellorar a divulgación da astronomía entre o público do país. O equipo inaugurou a oficina organizando un evento de divulgación pública para o Día dos Asteroides.
Podes coñecer o equipo NOC Mozambique aquí: https://sites.google.com/oao.iau.org/iauoaonews/national-pages/Mozambique
6) Colaboradora da IAU OAO premiada por un proxecto de ciencia cidadá
Kumiko Usuda-Sato, colaboradora da NAOJ coa Oficina IAU de Divulgación da Astronomía, xunto cos seus compañeiros do Telescopio Subaru do Observatorio Astronómico Nacional de Xapón (NAOJ), foi premiada en 2021 na categoría de Ciencia e Tecnoloxía polo Ministerio de Educación, Cultura, Deportes, Ciencia e Tecnoloxía de Xapón. O recoñecemento valora o seu traballo de creación do proxecto de ciencia cidadá &#8220;GALAXY CRUISE&#8221;.
Máis información: https://subarutelescope.org/en/news/topics/2021/06/15/2965.html
7) Carta aberta de Astronomers for Planet Earth
O colectivo Astronomers for Planet Earth escribiu unha carta aberta chamando ás institucións astronómicas de todo o mundo a dar un exemplo de mitigación da crise climática. Os astrónomos e as astrónomas, así como o profesorado e os e as estudantes de astronomía poden asinar a carta.
Para saber máis: https://astronomersforplanet.earth/open-letter
8) Convocatoria 2021 dos premios Dark Sky
A International Dark-Sky Association (IDA) abriu a súa convocatoria para as candidaturas aos premios Dark Sky 2021. Estes premios teñen como obxectivo recoñecer e celebrar os logros de persoas e grupos comprometidos coa misión IDA de protexer a noite contra a contaminación luminosa. Acéptanse candidaturas até o 20 de xullo de 2021.
Máis información: https://www.darksky.org/2021-ida-award-nominations

9) Actividades destacadas e repositorio de recursos en liña
a) Reunión anual da Sociedade Astronómica Europea
Onde: virtual
Cando: do 28 de xuño ao 2 de xullo de 2021
Sitio web: https://eas.unige.ch/EAS_meeting/
d) Simposio de verán da Sociedade Astronómica do Pacífico
Onde: virtual
Cando: do 23 ao 27 de xullo de 2021
Sitio web: https://scipep.org/conference/
e) Comunicar o Futuro: Envolver o Público na Ciencia Básica
Lugar: virtual
Cando: 27 e 28 de xullo de 2021
Sitio web: https://scipep.org/conference/
Podedes atopar recursos gratuítos para a divulgación da astronomía en liña aquí: https://docs.google.com/document/d/1RgKVmO-JkuiWMV55syx3EwUS2-hnYcJ72Ks3HLKex2A/edit?usp=sharing
10) Boletín da Oficina IAU de Divulgación da Astronomía noutros idiomas
O noso boletín ten tradución aos seguintes idiomas:
Árabe: https://stargazersbh.wixsite.com/bsac/iau
Traducións grazas aos membros do Club de Observación Astronómica de Bahrain.
Español: http://asafile.blogspot.jp/p/blog-page_12.html
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés: https://haitiastronomie.blogspot.com/p/bulletin-dinformationde-luai-sur.html
Traducións grazas a Rulx Narcisse da Sociedade Astronómica Haitiana.
Galego: http://agrupacionio.com/gl/tag/boletin-iau
Traducións grazas a Martin Pawley da Agrupación Astronómica Coruñesa Ío en España.
Italiano: https://www.astronomiamo.it/DivulgazioneAstronomica/Newsletter-IAU/last
Traducións grazas a Eleonora Piromalli de AstronomiAmo en Italia.
Portugués (europeo): https://drive.google.com/drive/folders/1wN1txv57CLoDbLEEwNjStBMk6CrlkTxu?usp=sharing
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés: http://bit.ly/2xlNyCR
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados (http://www.jaaa-astro.jp/jaaa-ml.html) ou á Sociedade Xaponesa pola Educación e Divulgación da Astronomía (http://www.tenkyo.net/).
Se queredes traducir o noso boletín ao voso idioma, por favor escribídenos a public@oao.iau.org.
11) Contribucións ao boletín da Oficina IAU de Divulgación da Astronomía
Estamos sempre na busca de noticias sobre divulgación astronómica en todo o mundo para incluílas no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 29

¿Cuántas estrellas vemos en el cielo? 2ª parte

Accepted Answer

Sentímolo moito, ista entrada atopase unicamente en Español.

Question 30

¿Cuántas estrellas vemos en el cielo? 1ª parte

Accepted Answer

Sentímolo moito, ista entrada atopase unicamente en Español.

Mantente actualizado