Question 1

La contaminación lumínica mata

Accepted Answer

Sentímolo moito, ista entrada atopase unicamente en Español.

Question 2

Boletín da Oficina IAU para a Divulgación da Astronomía: Febreiro #2

Accepted Answer

Boletín da Oficina IAU para a Divulgación da Astronomía
Febreiro 2023 #2
Neste boletín:
Nota editorial
Asunto destacado: Mulleres e nenas na astronomía
1) Enquisa global IAU OAO sobre iniciativas arredor da contaminación luminosa
2) Galileoscopio: un universo de oportunidades para a educación
3) Os equipos NOC/NAEC de Xapón anuncian unha charla e debate sobre as mulleres na astronomía
4) Convocatoria de participación global na Investigación sobre Educación Científica en Ensino Secundario
5) Enquisa do ISC e da UNESCO sobre a comunicación científica
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía en linguas diferentes do inglés
10) Contribucións ao boletín da Oficina IAU para a Divulgación da Astronomía
Nota editorial
Prezadas amizades e colegas,
Temos o orgullo de anunciar a continuación do noso proxecto de divulgación global “Mulleres e Nenas na Astronomía”. No asunto destacado desta entrega describimos as moitas formas en que a xente pode participar. Por suposto, a celebración de Mulleres e Nenas na Astronomía esténdese moito máis alá do período que vai do 11 de febreiro ao 8 de marzo (podedes ver, por exemplo, a charla especial que organiza o NOC/NAEC para Xapón). A OAO esfórzase por involucrar e honrar ás minorías de xénero en materias CTEM en todos os nosos programas. Por favor, aproveitade estas oportunidades e unídevos á conversa sobre o que significa para vós a equidade de xénero.
Tamén adiantamos o noso proxecto de divulgación global “Ceos escuros e tranquilos” e esperamos que nos axudedes na busca de todos os esforzos mundiais para combater a contaminación luminosa.
Este boletín tamén presenta algunhas oportunidades interesantes para persoas dedicadas á educación e a comunicación científica, incluíndo descontos en Galileoscope, postos de emprego e prácticas e unha oportunidade para participar na investigación.
Dámoslles as grazas ás Coordinacións Nacionais de Divulgación (NOC) da IAU. Moitas máis persoas das aquí citadas seguen activas nas súas comunidades e participan directamente nos nosos programas. A rede NOC dá vida á misión e á visión da OAO.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: Mulleres e nenas na astronomía
O proxecto “Mulleres e nenas na astronomía” apoia eventos que recoñecen o papel de todas as mulleres no avance da ciencia e anima a todas as persoas a considerar carreiras na astronomía. A Unión Astronómica Internacional fomenta as actividades durante todo o ano, con especial atención entre os dous días internacionais adoptados polas Nacións Unidas: o Día Internacional da Muller e a Nena na Ciencia o 11 de febreiro e o Día Internacional da Muller o 8 de marzo.
Con cada nova edición, o proxecto “Mulleres e nenas na astronomía” esfórzase por crecer e mellorar. Queremos afirmar claramente que as mulleres trans son mulleres. Invitamos a todas as persoas a participar neste programa e destacar as experiencias individuais e compartidas que poden axudarnos a crecer cara a un futuro mellor e máis inclusivo nos campos CTEM.
Convidámosvos a participar neste programa. Aquí tedes algunhas ideas:
-Solicitade un evento “Meet the IAU Astronomers” para discutir a inclusión de xénero en áreas CTEM!
-Navega pola sección de actividades da IAU OAO para obter ideas que podedes facer na vosa comunidade.
-Tedes a vosa propia idea para unha actividade? Enviádea!
-Unídevos ou organizade un evento. Tedes máis información no noso calendario de eventos.
-Participade no concurso de carteis “Descubre xente que fai astronomía”.
-Se facedes astronomía ou facedes educación ou divulgación astronómica, compartide as vosas historias aquí.
-Seguídenos en Twitter e Facebook para saberdes máis sobre xente que fai astronomía en todo o mundo, actividades e proxectos inclusivos, compartir recursos, eventos, etc. E non esquezades unirvos á conversa usando os cancelos #WomenInAstronomy #WomenInSTEM #AstroMulleres
1) Enquisa global IAU OAO sobre iniciativas arredor da contaminación luminosa
Como preparación do noso proxecto de divulgación global “Ceos escuros e tranquilos” deste maio, a IAU OAO está a compilar información sobre como se aborda en todo o mundo a loita contra a contaminación luminosa. Nesta enquisa, pedímosvos que proporcionedes información breve sobre as iniciativas no voso país e que acheguedes formas prácticas de que a xente poida involucrarse neste esforzo. Isto vai dende cambiar as lámpadas por LED, asinar unha petición, colaborar cos concellos ou unirse a un grupo de presión&#8230; o que creades que é máis relevante para a vosa comunidade. Usaremos esta información como parte dun recurso global sobre contaminación luminosa e como forma de promover iniciativas globais para protexer os nosos ceos escuros e tranquilos.
2) Galileoscope: un universo de oportunidades para a educación
O kit de telescopio educativo Galileoscope, desenvolvido para o Ano Internacional da Astronomía 2009, aínda está en produción. Explore Scientific, o novo fabricante, vende o Galileoscope cun desconto de máis do 50% no prezo de venda para cantidades de 10 ou máis unidades. Para usar nos próximos eclipses solares, Explore Scientific desenvolveu un filtro solar e un parasol para o Galileoscope que permite a observación segura do Sol. Tedes máis información no sitio web de Galileoscope. Ademais, esta páxina ofrece recursos gratuítos para docentes, incluíndo guías de actividades e ideas de actividades na aula.
3) Os equipos NOC/NAEC de Xapón anuncian unha charla e debate sobre as mulleres na astronomía
Cando pensas en &#8220;persoas que cambiaron a astronomía&#8221; en quen pensas? Copérnico, Galileo, Kepler ou Hubble? Todos son homes, non si? De feito, durante séculos as mulleres tiveron pouca presenza na ciencia en xeral e na astronomía en particular. Mais isto non significa que as mulleres non fixeran achegas. Na súa charla &#8220;Mulleres na Astronomía&#8221;, a profesora doutora Yaël Nazé trazará os camiños percorridos por mulleres científicas que realizaron traballos importantes. A conferencia tamén presentará os seus descubrimentos sobre os principais temas da astrofísica moderna, como a materia escura, os púlsares e moitas outras áreas da astrofísica.
Este evento terá lugar presencialmente o sábado 22 de abril de 14:30 a 16:30 UTC+9 no Instituto Francés de Kansai en Kioto. A entrada é gratuíta con interpretación simultánea do francés ao xaponés. As prazas son limitadas, polo que debedes reservar aquí a vosa praza (é necesario facelo con antelación). Para obterdes máis información, consultade o seu sitio web en xaponés e francés.
4) Convocatoria de participación global na Investigación sobre Educación Científica en Ensino Secundario
En Xapón, as directrices nacionais do currículo de secundaria que entraron en vigor este ano aínda obrigan a que o alumnado escolla entre física, química, bioloxía e xeoloxía. Porén, para resolver os diversos problemas aos que se enfronta a sociedade moderna, incluíndo a ciencia, a tecnoloxía e o medio ambiente global, non é suficiente con que o alumnado elixa unha educación xa separada: requírese unha educación científica integrada.
Un equipo de investigación do Observatorio Astronómico Nacional de Xapón (NAOJ) quere deseñar un novo currículo para a educación científica nas escolas secundarias xaponesas que aborde a necesidade emerxente de comprensión científica interdisciplinar. Para iso, realizarán un estudo comparativo para comprender a comunicación científica noutros países, mais precisan a vosa axuda. Podedes atopar a súa enquisa rápida aquí.
5) Enquisa do ISC e da UNESCO sobre a comunicación científica
O International Science Council (ISC) a través do seu proxecto “Public Value of Science” coa Cátedra UNESCO de Comunicación Científica para o Ben Público está a preparar un informe para responsábeis políticos e líderes de investigación sobre a concienciación científica: comprender a confianza, a ciencia e os públicos. Unha das ferramentas de investigación que reseña este informe é unha enquisa que leva 15-20 minutos responder orientada a persoas que participan na comunicación científica. Se queredes contribuír, completade a enquisa antes do 3 de marzo.
6) Novas NOC
a) Arxentina
O equipo NOC de Arxentina celebrou o Día Xuliano: o día e a hora (24 de febreiro ás 12:00 UTC) no que o Calendario Xuliano sinala 2460000. Continuarán ao longo do ano con actividades relacionadas co tempo, a súa medición e a importancia que ten na astronomía.
b) Barbados
O equipo NOC de Barbados puido capturar esta fermosa foto do cometa verde, C/2022 E3 (ZTF).
c) Bolivia
O equipo NOC de Bolivia tamén capturou unha imaxe do cometa verde. Podes atopar a imaxe aquí e unha reportaxe completa (en castelán) aquí.
d) Francia
Para o Día Internacional da Muller e da Nena na Ciencia o 11 de febreiro, o equipo NOC de Francia elaborou un mosaico para celebrar as mulleres na astronomía. Con máis de 100 perfís, o mosaico celebra as palabra eliminada astrónomas francesas en Francia e no estranxeiro. Consulta máis información aquí.
e) Libia
O NOC de Libia Amjed Khurwat prepárase para lanzar o primeiro campamento espacial de Libia en marzo. O campamento ten como obxectivo reunir a mocidade entusiasta das ciencias espaciais de diferentes rexións de Libia e involucrala en desafíos científicos, observacións astronómicas e conferencias.
f) Portugal
O equipo NOC de Portugal e o socio da OAO, o Instituto de Astrofísica e Ciencias Espaciais (IA), acolleron actos presenciais en homenaxe ao Día Internacional da Muller e a Nena na Ciencia 2023 en Lisboa, Coimbra e Porto. As actividades incluíron charlas informais con persoas que se dedican á investigación, observacións con telescopios, obradoiros, presentacións e unha visita a un espectroheliógrafo. Para máis información, consultade a súa páxina web.
g) Trinidad e Tobago
A NOC de Trinidad e Tobago Shirin Haque acolleu unha edición especial de &#8220;The Wormhole&#8221;, unha serie web dedicada a compartir o asombro e a marabilla da vida, do Universo e de todo. Este episodio moi especial contou coa doutora Breezy Ocana-Flaquer, unha astrónoma da República Dominicana que actualmente é profesora adxunta na Universidade de San Diego en California. É cofundadora de Caribbean Astronomy for Inclusion e traballa co seu equipo para poder achegar a astronomía tamén ás persoas con discapacidade. Esta é a súa historia, en conmemoración do día de Mulleres e Nenas na Ciencia de 2023. Para verdes o episodio, consultade esta ligazón.
7) Oportunidades
a) Únete ao Equipo Supernova da ESO!
-Posto de especialista en educación en Garching, Alemaña. As persoas seleccionadas estarán encargadas de liderar o proxecto &#8220;Fomento da educación científica temperá en ESO Supernova en cooperación con Forscherstation&#8221;, que ten como obxectivo reforzar e ampliar a oferta educativa de ESO Supernova, especialmente para crianzas de 3 a 12 anos, persoas que se dedican á educación e docentes de primaria. O prazo de presentación de solicitudes remata o 3 de marzo de 2023. Para obterdes máis información, consultade o sitio web en inglés e alemán.
-Posto de prácticas en ESO Supernova: este contrato de prácticas de seis meses é unha excelente oportunidade para quen queira adquirir máis experiencia coas actividades presenciais de divulgación e aprender a traballar nun centro científico ou nun museo. Búscase unha persoa recentemente graduada en ciencias ou actualmente matriculada nun programa de mestrado en comunicación científica que domine o inglés e o alemán. Podedes consultar todos os detalles sobre o posto e como presentardes a solicitude na web de contratación da ESO (ver &#8220;ESO Supernova Internship&#8221;). A data de inicio é flexíbel e o proceso de solicitude é continuo.
b) Posdoutoramento en Astrobioloxía e Comunicación Científica na Universidade de Leiden
O Observatorio de Leiden e o Departamento de Comunicación Científica e Sociedade da Universidade de Leiden ofrecen un contrato posdoutoramento en astrobioloxía e comunicación científica. O posdoutoramento examinará o papel dos medios de comunicación na comunicación científica eficaz e a súa contribución á comprensión pública da orixe da vida e da astrobioloxía. Pódese atopar información adicional nesta ligazón.
c) Candidaturas abertas aos premios ASP
A Sociedade Astronómica do Pacífico convida a propoñer candidaturas para varios premios de educación, divulgación e investigación en astronomía. Tede en conta que poden nomear e seren nomeadas persoas de calquera país, non precisan ser membros da ASP. Para saber máis consultade esta ligazón. O prazo de presentación de candidaturas remata o 15 de marzo.
d) Curso gratuíto de astronomía cultural na Europa medieval e moderna
O curso centrarase na Europa medieval e moderna e as súas formas culturais de comprensión, teoría e práctica da astronomía entre os séculos XIII e XVII. Para obterdes máis información sobre como rexistrarse, consultade este folleto.
8) Recursos interesantes
a) Novo “Space Scoop” [Contido en inglés]
Space Scoop produce artigos sobre as novidades en astronomía e ciencia espacial nunha linguaxe fácil de entender. Non perdades as súas actualizacións semanais que inclúen historias de moitas das axencias espaciais do mundo. Obtén o Triple Scoop aquí, aquí e aquí. Se queredes axudar a que Space Scoop se traduza a máis idiomas do mundo, envíade un correo electrónico a info@unawe.org
b) Novo vídeo sobre Mirza Ghalib, Xulio César e os cometas de Kainaat Studios [Contido de audio en urdú/hindi, subtítulos en inglés]
Kainaat Studios é unha organización sen ánimo de lucro con sede nos Estados Unidos que ten como obxectivo proporcionar materiais educativos de astronomía de alta calidade para o mundo de fala urdú/hindi. Acompañade neste vídeo o astrofísico e CEO de Kainaat Studios, Salman Hameed mentres explora non só a historia dos cometas, senón tamén a ciencia detrás da cor do cometa verde, C/2022 E3 (ZTF).
9) Traducións do boletín da Oficina IAU para a Divulgación da Astronomía do inglés a outros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.

10) Contribucións ao boletín da Oficina IAU para a Divulgación da Astronomía
Queres facer achegas ao boletín informativo da Oficina IAU para a Divulgación da Astronomía? Estamos sempre na procura de material sobre divulgación e comunicación da astronomía de todo o mundo para incluíla no noso seguinte boletín. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Por favor, enviade as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 3

¿Es este el gobierno que acabará con la noche?

Accepted Answer

Sentímolo moito, ista entrada atopase unicamente en Español.

Question 4

El momento es ahora

Accepted Answer

Sentímolo moito, ista entrada atopase unicamente en Español.

Question 5

Boletín da Oficina IAU para a Divulgación da Astronomía: Febreiro #1

Accepted Answer

Boletín da Oficina IAU para a Divulgación da Astronomía
Febreiro 2023 #1
Neste boletín:
Nota editorial
Asunto destacado: CAPjournal &#8211; Edición especial sobre planetarios
1) Convocatoria para a participación global na investigación sobre educación científica nos centros de ensino secundario
2) Space Scoop: noticias de todo o universo
3) A “Guía do Autoestopista” para a educación astronómica, a divulgación pública e a comunicación
4) Global Sky Clubs
5) Crosspost do Boletín IDL: Leiden apaga as luces para ver as estrelas
6) Actualizacións das Coordinacións Nacionais de Divulgación (NOC) da IAU
7) Oportunidades
8) Recursos interesantes
9) Boletín da Oficina IAU para a Divulgación da Astronomía en linguas diferentes do inglés
10) Contribucións ao boletín da Oficina IAU para a Divulgación da Astronomía
Nota editorial
Prezadas amizades e colegas,
Cando foi a última vez que ampliastes os vosos horizontes? Quizais lestes algo nun libro ou xornal que vos permitiu imaxinar un novo camiño. Quizais tivestes unha conversa con alguén que compartiu algo que desafiou a vosa forma de pensar. Ou mellor aínda, quizais experimentastes algo completamente novo que abriu a vosa mente a novas posibilidades.
Neste Boletín, atoparedes moitas oportunidades para ampliardes un pouco máis os horizontes. En Space Scoop podedes explorar cuestións sobre proporcións astronómicas nunha linguaxe sinxela de entender. Podedes escoitar a persoas expertas discutir sobre a confianza na ciencia ou asistirdes a unha conferencia sobre educación e divulgación pública. Os clubes de astronomía poden colaborar co persoal científico do Observatorio Las Cumbres para crear novos coñecementos sobre o noso Universo. Mesmo podedes aprender máis sobre a comunicación científica ou atopar formas de afondar no coñecemento científico a través da arte.
As nosas Coordinacións Nacionais de Divulgación (NOC) da IAU realizan este tipo de traballo todos os días. Agradecemos moito os esforzos para enriqueceren as mentes das súas comunidades, como se demostra a continuación.
Convidamos aos planetarios do mundo a ampliar os seus horizontes: coa edición especial de CAPjournal sobre planetarios esperamos reunir a investigación, as mellores prácticas, as aprendizaxes e as celebracións dos planetarios de todo o mundo.
Con todo isto e moito máis, esperamos que atopedes algo neste boletín que esperte a vosa sensación de admiración e curiosidade.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: convocatoria aberta para o CAPjournal &#8211; Edición Especial sobre Planetarios
En 1923 encargouse en Alemaña o primeiro proxector de estrelas, mais non tivo a súa estrea pública até un ano despois. O primeiro planetario abriu as súas portas no Deutsches Museum de Múnic en 1925, inaugurando unha nova era para o coñecemento público da astronomía. Hoxe, os planetarios serven como oasis de ceo escuro onde todo o mundo pode aprender, explorar, imaxinar e medrar.
A International Planetarium Society celebra o centenario do planetario entre 2023 a 2025. Para honrar este importante fito na comunicación astronómica, a revista &#8220;Comunicar Astronomía co Público&#8221; (Communicating Astronomy with the Public, CAPjournal) terá un número especial sobre planetarios en todo o mundo.
CAPjournal é unha publicación periódica de divulgación astronómica de acceso aberto e revisada por pares patrocinada conxuntamente pola Unión Astronómica Internacional (IAU) e o Observatorio Astronómico Nacional de Xapón (NAOJ). Presenta artigos dirixidos á comunicación de astronomía e axuda a unir a comunidade científica astronómica coa sociedade. Convidamos a todos os planetarios, grandes e pequenos, a enviar un artigo a esta edición especial do CAPjournal.
Os artigos deste número poden incluír, entre outros asuntos, as leccións aprendidas dende a dirección dun planetario; como establecer (ou facer medrar) un planetario; como proporcionar unha experiencia de planetario significativa a persoas cegas ou con visión parcial; o papel do planetario como oasis do ceo escuro; o papel do planetario na loita contra a contaminación luminosa; e moitos outros temas.
O noso cronograma para esta edición especial é o seguinte:
-Os artigos deben enviarse antes do 31 de marzo de 2023
-O proceso editorial e de revisión dos artigos terá lugar de abril a agosto de 2023
-Publicación en setembro de 2023
Con esta edición de CAPjournal, esperamos celebrar os innumerábeis logros da comunidade planetarista nos últimos 100 anos. Seguide as directrices de envío que aparecen no noso sitio web e envíade os vosos artigos completos a capjournal@oao.iau.org co asunto “CAPjournal #33 Abstract Submission”.
1) Convocatoria para a participación global na investigación sobre a educación científica nas escolas secundarias
En Xapón, as directrices nacionais do currículo de secundaria que entraron en vigor este ano aínda obrigan o alumnado a escoller entre física, química, bioloxía e xeoloxía. Porén, para resolver os diversos problemas aos que se enfronta a sociedade moderna, incluíndo a ciencia, a tecnoloxía e o medio ambiente, non é suficiente con que o estudantado elixa unha educación xa separada. O camiño a seguir require unha educación científica integrada.
O persoal investigador do Observatorio Astronómico Nacional de Xapón (NAOJ) agarda deseñar un novo currículo para a educación científica nas escolas secundarias xaponesas que aborde a necesidade emerxente da comprensión científica interdisciplinar. Para iso, realizarán un estudo comparativo para comprender a comunicación científica noutros países, mais precisan da vosa axuda! Podedes atopar a súa enquisa rápida aquí.
2) Space Scoop: noticias de todo o universo
Space Scoop produce artigos sobre as novidades en astronomía e ciencia espacial nunha linguaxe sinxela de entender. Non perdades as súas actualizacións semanais que inclúen historias de moitas das axencias espaciais do mundo. Esta semana, Space Scoop centra a súa atención nos discos protoplanetarios coa presentación de novos métodos desenvolvidos no Observatorio Nacional de Xapón. Máis información, aquí.
3) A “Guía do Autoestopista” para a educación astronómica, a divulgación pública e a comunicación
A sesión especial “A Guía do Autoestopista para a educación astronómica, a divulgación pública e a comunicación terá lugar o mércores 12 de xullo como parte da reunión anual da Sociedade Astronómica Europea (EAS) en Cracovia (Polonia). A sesión está dedicada a explorar o traballo de profesionais da educación, a divulgación pública e a comunicación (EPOC) en astronomía, compartindo os pormenores do noso traballo, desde as mellores prácticas e problemas estruturais até as leccións aprendidas e os retos superados.
Animamos a profesionais de EPOC que desexen compartir os seus coñecementos e experiencias a que envíen un resumo a través do sitio web da EAS antes do 1 de marzo de 2023. Non dubidedes en facer circular a mensaxe entre colegas e comunidades que poidan estar interesadas en participar. Agradecemos e alentamos especialmente as contribucións de colegas procedentes de ámbitos que tradicionalmente están pouco representados na astronomía e na comunidade de divulgación científica e astronómica.
Pódese atopar máis información na páxina web da sesión.
4) Global Sky Clubs
O Observatorio Las Cumbres (LCO) ofrece un novo programa exclusivamente para os clubs de astronomía dos colexios que queiran realizar proxectos de investigación. LCO ofrece 10 horas de tempo na súa rede de telescopios de 10 x 0,4 m.
Para obterdes máis información sobre o programa, a elexibilidade e como solicitalo, consultade este sitio web.
5) Noticia do boletín IDL: Leiden apaga as súas luces para ver estrelas
O 25 de setembro de 2022 durante un período de 90 minutos, a cidade de Leiden quedou sumida na escuridade nun intento de ver un ceo nocturno cheo de estrelas por primeira vez en décadas. Ironicamente, aínda que Leiden ten unha longa tradición de excelente investigación en astronomía, tamén é unha das cidades máis contaminadas pola luz artificial. Unha colaboración entre o municipio de Leiden, a Universidade de Leiden, o Studio Roosegaarde e a UNESCO propúxose recuperar as estrelas apagando tantas luces como for posíbel. Miles de persoas saíron ás rúas para vivir a súa cidade como nunca antes. Aínda que un ceo parcialmente nubrado non permitiu que os cidadáns gozasen dunha completa vista do cosmos, houbo ocos claros suficientes para apreciar a escuridade. O evento fixo que moitas persoas se preguntasen: &#8220;Por que non o facemos máis a miúdo?&#8221; Podes ler máis aquí.
6) Novas NOC
a) Exipto
A principios deste mes, durante unha serie de percorridos no Museo do Observatorio de Helwan (NRIAG, en colaboración co equipo NOC de Exipto), explicouse a importancia dos dispositivos e ferramentas astronómicas, incluído como usar o reloxo de sol para medir o tempo. Ademais, as persoas visitantes viron a cúpula solar e coñeceron o seu uso. Durante a Feira Internacional do Libro do Cairo, NRIAG e o equipo NOC de Exipto presentaron moitas actividades sobre diversos temas de astronomía, entre eles as eclipses solares, os reloxos de sol, os planetas e o noso sistema solar e as fases da Lúa. As persoas visitantes tamén podían observar o Sol e a Lúa a través dun telescopio de 8 polgadas. O voluntariado tivo a oportunidade de interactuar cun número incríbel de persoas de todas as idades e divulgar o seu interese pola astronomía.
b) Grecia
A NOC de Grecia, Kalliopi Dasyra, acolleu a cerimonia de resultados a nivel nacional de NameExoWorlds o 1 de febreiro. O evento incluíu varias charlas sobre exoplanetas e retransmitiuse en directo en grego.
7) Oportunidades
a) Ampliación do prazo: solicitudes para acoller a conferencia PCST 2027
O prazo para solicitar a sede da conferencia PCST 2027 ampliouse ata o 28 de febreiro. Para obter máis información sobre o que implica a organización desta conferencia e como enviar a túa proposta, consulta esta ligazón.
b) Primeiro anuncio: Conferencia da Sociedade Europea de Astronomía na Cultura
A 30ª conferencia da Sociedade Europea de Astronomía na Cultura (SEAC) terá lugar do 6 ao 9 de setembro de 2023 en Varsovia, Polonia. O tema desta conferencia SEAC é: “Entre a astronomía antiga e a moderna”. Ao longo desta conferencia, a organización agarda conmemorar dous importantes aniversarios relacionados con Nicolás Copérnico: o 550 aniversario do seu nacemento e o 480 aniversario da súa morte. Para obterdes máis información sobre como facer contribucións a esta conferencia, consultade esta páxina.
c) Campamento &#8220;A Arte do Espazo&#8221;
A Fundación Proctor para a Arte e a Ciencia é unha organización sen ánimo de lucro con sede en Estados Unidos dedicada a unir a arte e a ciencia a través de &#8220;viaxes e experiencias arredor da investigación e a exploración científica&#8221; para estudantes e docentes BIPOC (siglas en inglés para &#8220;Black, Indigenous, and/or People of Color&#8221;, persoas afroamericanas, indíxenas e/ou persoas de cor). Actualmente ofrecen dez bolsas para estudantes e outras tantas para docentes de colexios universitarios que se identifiquen como BIPOC para asistir ao campamento espacial nos Estados Unidos. Para obter máis información sobre a elexibilidade e como solicitar as bolsas pode consultarse este sitio web.
d) Cumio do Premio Nobel sobre a loita contra a desinformación e a creación de confianza na ciencia
Este mes de maio, persoas gañadoras do Premio Nobel e outras expertas en diversos campos reuniranse para discutir o impacto da información errónea na percepción e a confianza do público na ciencia. Para saberdes máis, consultade esta ligazón.
8) Recursos interesantes
a) Investigación destacada: modelos mentais para a comunicación científica [contido en inglés]
Neste artigo Kara Morgan e Baruch Fischhoff propoñen que as institucións académicas se centren na formación baseada na evidencia para a comunicación científica que poña o foco en atopar o contido axeitado para abordar o modo de pensar do público, e non o método de entrega. Salientan que ao centrarse en abordar directamente os modelos mentais das persoas, as persoas que fan ciencia estarán mellor equipadas para comunicar a súa mensaxe. Podedes ler o artigo aquí.
b) Intersección de Arte e Ciencia [Contido en inglés]
A revista Consilience explora a ciencia a través da arte. Neste número, o equipo de Consilience elaborou contidos arredor da idea da percepción, en todas as súas formas. Podedes descargar o xornal de balde nesta ligazón.
9) Traducións do boletín da Oficina IAU para a Divulgación da Astronomía do inglés a outros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.

10) Contribucións ao boletín da Oficina IAU para a Divulgación da Astronomía
Queres facer achegas ao boletín informativo da Oficina IAU para a Divulgación da Astronomía? Estamos sempre na procura de material sobre divulgación e comunicación da astronomía de todo o mundo para incluíla no noso seguinte boletín. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Por favor, enviade as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 6

Boletín da Oficina IAU para a Divulgación da Astronomía: Xaneiro #2

Accepted Answer

Boletín da Oficina IAU para a Divulgación da Astronomía
Xaneiro 2023 #2
Neste boletín:
Nota editorial
Asunto destacado: Convocatoria de Participación Global na Investigación sobre Educación Científica no Ensino Secundario
1) Aberto o rexistro e o envío de resumos de AstroEDU
2) Aberto o rexistro e o envío de resumos de APRIM 2023
3) Foro Aberto de Astronomía Cultural
4) Almorzo Mundial das Mulleres da IUPAC 2023
5) ET &#8211; Un xogo de aventura do sistema solar
6) A ciencia cidadá mostra a ameaza da contaminación luminosa
7) Novas NOC
8) Oportunidades
9) Recursos interesantes
10) Boletín da Oficina IAU para a Divulgación da Astronomía en linguas diferentes do inglés
11) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Este boletín ofrece moitas oportunidades para tecer redes, aprender e crecer. Entre elas hai diversas conferencias, tanto para a comunidade da IAU como para o público en xeral. Por exemplo, todas as persoas interesadas na educación en astronomía poden asistir e participar na Conferencia AstroEdu, un evento híbrido que terá lugar durante o segundo semestre de 2023. Un equipo de investigación do Observatorio Astronómico Nacional de Xapón (a nosa organización matriz xunto coa IAU) está a realizar investigacións sobre educación científica e busca profesionais da educación de todo o mundo para participar na súa enquisa. Os resultados serán discutidos na Conferencia AstroEdu, polo que esta é unha excelente oportunidade para verdes o impacto dos vosos esforzos!
Tamén presentamos un artigo do equipo de GlobeAtNight sobre a ameaza presente da contaminación luminosa. Aínda que os seus resultados poden ser desalentadores, e quizais metan un pouco de medo, deberían verse como unha chamada á acción para atopar novas formas de combater a contaminación luminosa nas nosas comunidades. Por exemplo, podedes asinar a petición para establecer unha lexislación uniforme sobre contaminación luminosa en Nova Zelanda (aínda que non sexas neozelandés) ou propoñerlle ao voso goberno local un cambio de política sobre contaminación luminosa. Tamén podedes participar nunha conversa global sobre o noso planeta en cambio, xunto con xente da astronomía, ecoloxismo, coñecemento indíxena e cidadanía en xeral preocupada polo mundo. Sempre hai novos camiños para abordarmos os problemas aos que se enfronta o noso planeta. Se tedes máis exemplos ou queredes compartir as vosas propias ideas, animámosvos a poñervos en contacto!
As nosas Coordinacións Nacionais de Divulgación (NOC) están planificando a súa listaxe de actividades de 2023, incluída a preparación do evento Mulleres e Nenas na Astronomía que se lanzará o próximo mes. Agradecemos a toda a rede NOC o seu continuo e incansábel esforzo para avanzar na ciencia da astronomía.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Convocatoria de Participación Global na Investigación sobre Educación Científica en Ensino Secundario
En Xapón, as directrices nacionais do currículo de secundaria que entraron en vigor este ano aínda obrigan a que o alumnado escolla entre física, química, bioloxía e xeoloxía. Porén, para resolver os diversos problemas aos que se enfronta a sociedade moderna, incluída a ciencia, a tecnoloxía e o medio ambiente global, non é suficiente unha educación separada: requírese unha educación científica integrada.
Un equipo de investigación do Observatorio Astronómico Nacional de Xapón (NAOJ) espera deseñar un novo currículo para a educación científica nas escolas secundarias xaponesas que aborde a necesidade emerxente de comprensión científica interdisciplinar. Con este obxectivo, realizarán un estudo comparativo para comprender a comunicación científica noutros países, mais precisan da vosa axuda! Podedes atopar a súa enquisa rápida aquí.
1) Aberto o rexistro e o envío de resumos de AstroEDU
Xa está aberta a inscrición e o envío de resumos para a Conferencia de Educación en Astronomía (AstroEdu): &#8220;Bridging Research & Practice&#8221;. A conferencia celebrarase en Toronto do 10 ao 12 de maio de 2023 e será organizada polo Instituto Dunlap de Astronomía e Astrofísica. AstroEdu 2023 reunirá a persoas de todo o mundo para discutiren os últimos desenvolvementos na educación en astronomía a todos os niveis. Todas as persoas interesadas na educación en astronomía poden participar.
A reunión celebrarase nun formato híbrido, con participantes presentes no campus da Universidade de Toronto así como en liña. Para obterdes máis información sobre a conferencia, rexistrarse ou enviar un resumo, visitade o sitio web da conferencia.
Para facilitar a maior participación posíbel, as taxas de inscrición irán relacionadas coa Renda Nacional Bruta, con tarifas reducidas para quen participe virtualmente. Disporase dun número limitado de bolsas de viaxe, patrocinadas en parte pola Unión Astronómica Internacional (IAU).
2) Aberto o rexistro e o envío de resumos de APRIM 2023
A Reunión Rexional da IAU Asia-Pacífico de 2023 (APRIM) terá lugar do 7 ao 11 de agosto de 2023 en Koriyama, Xapón. O envío de resumos e a inscrición na conferencia xa están abertas! Máis información sobre a súa convocatoria de resumos aquí e sobre o procedemento de inscrición nesta ligazón.
3) Foro Aberto de Astronomía Cultural
O Foro Aberto de Astronomía Cultural (Open Cultural Astronomy Forum, OCAF) céntrase nas formas en que diversas culturas percibiron os obxectos celestes, coa esperanza de comprender mellor o papel da astronomía nas culturas e a influencia destas na astronomía actual. O próximo seminario OCAF terá lugar o 2 de febreiro ás 23:00 UTC a través de Zoom. A doutora Mia de los Reyes, nunha charla titulada &#8220;¿Que hai nun nome?&#8221;, analizará o coñecemento astronómico das comunidades indíxenas que atopou Magallanes na súa primeira expedición para dar a volta ao globo.
Para obter máis información, incluido como conectarse, consultade a páxina web de OCAF.
4) Almorzo Mundial das Mulleres da IUPAC 2023
O Almorzo Mundial das Mulleres da IUPAC (#GWB2023) celebrarase o 14 de febreiro de 2023 conxuntamente co Día da Muller e a Nena na Ciencia da ONU. O obxectivo dos eventos GWB é establecer unha rede activa de persoas de todos os xéneros para superarmos as barreiras á igualdade de xénero na ciencia.
O tema de #GWB2023 é &#8220;Romper as barreiras na ciencia&#8221;. Convídase a acoller eventos a grupos de todo tipo de organizacións científicas, incluíndo institutos, sociedades científicas, universidades, empresas, gobernos e organizacións non gobernamentais. GWB é tamén un evento destacado do Ano Internacional das Ciencias Básicas para o Desenvolvemento Sostíbel, que reúne a persoas de todas as disciplinas científicas.
5) ET &#8211; Un xogo de aventura do sistema solar
O Grupo de Comunicación Científica do Instituto de Astrofísica e Ciencias Espaciais de Portugal acaba de lanzar un xogo de mesa sobre o Sistema Solar chamado &#8220;ET – Uma Aventura no Sistema Solar&#8221;. Aínda que actualmente só está dispoñíbel en formato &#8220;imprimir e xogar&#8221;, este xogo pódese descargar gratuitamente tanto en portugués como en inglés. A produción deste xogo foi financiada polo Europlanet Public Engagement Funding Scheme.
Podedes ler a nota de prensa aquí, ver un pequeno vídeo promocional aquí e descargar o xogo aquí.
6) A ciencia cidadá mostra a ameaza da contaminación luminosa
Globe at Night é unha campaña internacional de ciencia cidadá que, durante os últimos 17 anos, pediu a xente de todo o mundo que valorase o brillo do ceo nocturno onde viven. Ao analizar decenas de miles de observacións de Globe at Night feitas por persoas de todo o mundo, un grupo de investigación descubriu que a xente informa agora de menos estrelas, o que se corresponde cun aumento do brillo do ceo nocturno do 9,6% cada ano. Estes datos mostran a extrema necesidade de estratexias de mitigación da contaminación luminosa. Podedes ler o artigo completo de Science, a nota de prensa de NOIRLab e a nota de prensa da International Dark-Sky Association.
7) Novas NOC
a) Exipto
O 18 de xaneiro de 2022, o NRIAG, xunto coa nosa NOC de Exipto, a doutora Somaya Saad, recibiu estudantes da Future Vanguards School for Languages do distrito de Nasr, que está asociada a un programa da UNESCO. A viaxe comezou cunha visita ao Museo de Ciencia e á Rede Nacional de Terremotos. O alumnado tamén visitou o telescopio solar e o reloxo de sol, e aprendeu a usar o reloxo solar e a determinar as direccións. Ademais, o equipo NOC de Exipto organizou unha conferencia pública sobre os fenómenos e eventos astronómicos máis importantes de 2023.
b) Iraq
Por iniciativa das oficinas da IAU na rexión árabe para a educación e a divulgación da astronomía, o NOC e NAEC de Iraq Ali Jaber Al-Edhari presentou as teorías sobre a creación do universo. O seminario web desenvolveuse en árabe a través de Zoom.
8) Oportunidades
a) Participade! Asinade a petición de ceos escuros e tranquilos en Nova Zelanda!
Nunha petición presentada ao Parlamento de Nova Zelanda, o autor propuxo que se introduza unha lexislación nacional para reducir a contaminación luminosa e promover os ceos escuros. Argumentan que se isto se fai a nivel nacional, o proceso de obtención da acreditación de Dark Sky Places en NZ será moito máis sinxelo, xa que todo o país terá unha lei uniforme de redución da contaminación luminosa. Ademais, isto debería reducir en gran medida os esforzos dos concellos e distritos.
Calquera persoa pode apoiar esta petición asinándoa en liña, mesmo aquelas que non sexan neozelandesas.
Podedes ler este documento para saber máis sobre a necesidade de controlar a contaminación luminosa en Nova Zelanda. Lede e asinade a petición aquí.
b) Cumio NEREID 2023: O noso planeta cambiante
A Rede pola Investigación, Educación e Innovación con datos sobre a Terra e o Espazo (Network for Earth-space Research, Education, and Innovation with Data, NEREID) acolle unha conferencia colaborativa de 3 días que ten como obxectivo reunir persoas dunha gran variedade de campos e procedencias para explorar os desafíos e solucións en torno ao noso planeta en cambio. Para máis información consultade o seu sitio web.
c) Descolonizar Universidades e Epistemoloxías
Este evento híbrido, que forma parte da Conferencia SDG 2023 de Bergen, permite que as persoas participantes exploren a importancia da descolonización para a consecución dos Obxectivos de Desenvolvemento Sostíbel (ODS) da ONU. Podedes rexistrarvos neste evento nesta ligazón e descubrir máis sobre a conferencia aquí.
d) Obradoiros gratuítos de comunicación científica de GlobalSCAPE
En febreiro de 2023, GlobalSCAPE levará a cabo un conxunto de obradoiros en liña gratuítos, cada un composto por dúas sesións de 2 horas. Os obradoiros son estes: “Relevancia global na comunicación científica” e “Xustiza, equidade, diversidade e inclusión na comunicación científica”, e repetiranse catro veces para axustarse a diversos fusos horarios. Para máis información e rexistro, consultade esta ligazón.
e) Premio de Ciencia Cidadá da UE
Coñecedes alguén que se dedique á ciencia cidadá? Podedes nominar esas persoas para este novo premio financiado pola UE e operado por Ars Electronica. Para máis información, consultade esta ligazón.
9) Recursos interesantes
a) Cómic sobre radioastronomía e VLBI [Contido en inglés e francés]
No marco do proxecto H2020 JUMPING JIVE coordinado polo Joint Institute for VLBI ERIC (JIVE), o CNRS encargou unha banda deseñada sobre a técnica de Interferometría de Moi Longa Base (VLBI) que xa está dispoñíbel tanto en inglés como en francés. No cómic, dúas amigas embárcanse nunha viaxe polo espazo animadas pola curiosidade logo de ver a primeira imaxe dun buraco negro. Na súa viaxe, aprenden cousas sobre VLBI, as súas aplicacións, a Rede Europea VLBI (EVN) e o Square Kilometer Array (SKA).
b) Investigación destacada: como debemos organizar a formación en comunicación científica para acadar competencias? [Contido en inglés]
No seu último traballo Bruce Lewenstein e Ayelet Baram-Tsabari, que investigan en comunicación científica, conceptualizan esta como unha comunidade de práctica. Podedes ler máis aquí sobre como unen a teoría e a práctica para definir &#8220;conceptos limiar&#8221; e &#8220;progresións de aprendizaxe&#8221; para navegardes mellor neste campo en crecemento.
10) Traducións do boletín da Oficina IAU para a Divulgación da Astronomía do inglés a outros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.

11) Contribucións ao boletín da Oficina IAU para a Divulgación da Astronomía
Queres facer achegas ao boletín informativo da Oficina IAU para a Divulgación da Astronomía? Estamos sempre na procura de material sobre divulgación e comunicación da astronomía de todo o mundo para incluíla no noso seguinte boletín. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Por favor, enviade as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 7

Tomar medidas para reducir la contaminación lumínica

Accepted Answer

Sentímolo moito, ista entrada atopase unicamente en Español.

Question 8

Boletín da Oficina IAU para a Divulgación da Astronomía: Xaneiro #1

Accepted Answer

Boletín da Oficina IAU para a Divulgación da Astronomía
Xaneiro 2023 #1
Neste boletín:
Nota Editorial
Asunto destacado: Mirando cara a 2023
1) Mulleres e nenas na astronomía
2) Telescopios para todas as persoas
3) Ceos escuros e tranquilos
4) Coñece as persoas que fan astronomia na IAU!
5) 100 horas de astronomía
6) Comunicar a astronomía con programas públicos
7) Boletín da Oficina IAU para a Divulgación da Astronomía en linguas diferentes do inglés
8) Contribucións ao boletín da Oficina IAU para a Divulgación da Astronomía
Nota editorial
Prezadas amizades e colegas,
Agardamos que teñades un feliz e tranquilo Ano Novo! Temos moitas cousas interesantes preparadas para 2023. Os nosos programas aproveitaranse do éxito do 10º aniversario da Oficina IAU para a Divulgación da Astronomía ampliando as nosas ofertas e reforzando os nosos lazos coas entidades colaboradoras. Por exemplo, este ano organizaremos un concurso de cartaces no noso programa “Mulleres e nenas na astronomía” no que se pedirá ás persoas participantes que deseñen un póster dunha muller histórica ou contemporánea en astronomía que as inspire. Este concurso de cartaces substitúe o concurso “Debuxa unha astrónoma”, que contou con máis de 750 entradas de 20 países.
Tamén pensamos ampliar moito a nosa formación pública en comunicación da astronomía. Estamos planeando organizar un obradoiro unha vez ao mes en consonancia cos nosos proxectos de alcance global ao longo do ano. Todo o mundo poderá participar nestes obradoiros a través das gravacións que colocamos na nosa canle de YouTube. Un destes cursos sobre como construír o teu propio telescopio terá lugar durante o certame &#8220;Telescopios para todas as persoas&#8221;.
Tamén estamos proxectando algunhas colaboracións e asociacións futuras con organizacións astronómicas de todo o mundo. Seguide o noso boletín para obterdes máis información mentres ampliamos o alcance da OAO!
Que teñades uns ceos escuros e tranquilos,
Kelly Blumenthal, en nome do equipo de divulgación da Oficina IAU para a Divulgación da Astronomía.
1) Mulleres e nenas na astronomía
Cada ano a nosa celebración das mulleres e as nenas na astronomía ten lugar entre o Día Internacional da Muller e a Nena na Ciencia, o 11 de febreiro, e o Día Internacional da Muller, o 8 de marzo. Despois do éxito da programación de 2022, invitamos a profesionais da divulgación astronómica, grupos amadores da astronomía, profesionais da investigación, profesorado e líderes de comunidades a unirse ao programa. Podes organizar o teu propio evento para celebrar as mulleres e nenas na astronomía, unirte ao concurso de cartaces ou compartir a túa historia dentro do ámbito astronómico. Pronto se anunciarán máis contidos.
2) Telescopios para todas as persoas
En 2023, &#8220;Telescopios para todas as persoas&#8221; volverá asociarse con Sterren Schitteren Voor Iedereen (As estrelas brillan para todas as persoas &#8211; SSVI), a Universidade de Gante, o Departamento de Física e Astronomía da Universidade de Leiden e BRESSER para levar telescopios asinados por astronautas, persoas científicas e Premios Nobel a comunidades desatendidas de todo o mundo. O proxecto pretende ampliar os horizontes de crianzas, maiores, educadoras e educadores. O noso obxectivo é axudar a espertar o interese pola ciencia e proporcionar un acceso equitativo aos recursos, abrindo o camiño para futuras carreiras na astronomía. Para esta cuarta edición do programa, temos previsto ampliar o noso apoio proporcionando a formación e os recursos necesarios para construír un telescopio. Prepárate para o lanzamento en abril de 2023!
3) Ceos Escuros e Tranquilos
En maio de 2023 pensamos aproveitar o éxito da celebración do ano pasado dos Ceos Escuros e Tranquilos. Fortaleceremos as nosas conexións coas entidades colaboradoras, incluído o Centro de Protección do Ceo Escuro e Tranquilo contra a Interferencia de Satélites (CPS) e o Día Internacional da Luz (IDL). Este ano estamos a planificar algúns eventos novos, como unha noite de trivial mundial (con premios!) e un compromiso contra a contaminación luminosa. Nos próximos meses anunciaremos máis detalles sobre como podes participar na loita para acabar coa contaminación luminosa!
4) Coñece ás persoas que fan astronomía na IAU!
En 2023 seguiremos apoiando o programa “Coñece ás persoas que fan astronomia na IAU”. O programa achega as persoas socias da IAU ás crianzas, maiores e público xeral para que compartan as súas investigacións astronómicas, a importancia da astronomía para a sociedade e a elección da astronomía como carreira. Únete ao programa ou solicita a túa actividade nesta ligazón.
5) 100 horas de Astronomía
Do 5 ao 8 de outubro de 2023 a OAO invita a profesionais da divulgación astronómica, grupos afeccionados á astronomía, profesionais da investigación, profesorado e líderes de comunidades a unirse a estas 100 horas de celebración do ceo que compartimos. O programa pretende involucrar o maior número de persoas en actividades de divulgación astronómica. Unirse é sinxelo: só tes que planificar o teu evento e avisarnos para que poidamos engadilo ao noso calendario global.
6) Tríptico CAP (Comunicar a Astronomía co Público)
a) Revista CAP
No primeiro trimestre de 2023 sairá un novo número da revista CAP con algúns aspectos destacados da conferencia híbrida CAP 2022 que se celebrou en setembro de 2022 en Sydney, Australia, e tamén en liña. Ademais, en homenaxe ao centenario do planetario que se celebrará entre 2023 e 2025, a revista CAP terá unha edición especial sobre planetarios en todo o mundo. Abrirase unha convocatoria de traballos con máis información nas próximas semanas.
b) Conferencia CAP
Xa nos tarda a próxima conferencia híbrida CAP en 2024! Aínda se están a revisar as solicitudes para as entidades anfitrioas, mais a localización da próxima conferencia anunciarase en marzo de 2023.
c) Formación CAP
Este ano ampliamos a nosa formación sobre CAP, incluíndo un obradoiro sobre como facer que as imaxes astronómicas sexan accesíbeis para a comunidade cega e con discapacidade visual, divulgación inclusiva de xénero, astrofotografía e moito máis. Aínda que os eventos en directo son exclusivos da nosa familia da IAU, poremos as gravacións dispoñíbeis gratuitamente na nosa canle de YouTube.
7) Traducións do boletín da Oficina IAU para a Divulgación da Astronomía do inglés a outros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.

8) Contribucións ao boletín da Oficina IAU para a Divulgación da Astronomía
Queres facer achegas ao boletín informativo da Oficina IAU para a Divulgación da Astronomía? Estamos sempre na procura de material sobre divulgación e comunicación da astronomía de todo o mundo para incluíla no noso seguinte boletín. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Por favor, enviade as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 9

Boletín IAU de divulgación da astronomía: Decembro #2

Accepted Answer

Boletín IAU de divulgación da astronomía
Decembro #2
Neste boletín:
Nota editorial
Resumo do ano:
1) Mulleres e nenas na astronomía
2) Telescopios para todas as persoas
3) Ceos escuros e tranquilos
4) Baixo un mesmo ceo
5) Coñece as persoas que fan astronomía na IAU!
6) XXXI Asemblea Xeral da IAU
7) 100 horas de astronomía
8) NameExoWorlds 2022
9) Tríptico CAP (Comunicar a Astronomía co Público)
10) Nova asociación: MOU OAO-IA
11) Traducións do boletín da Oficina IAU para a Divulgación da Astronomía do inglés a outros idiomas
Nota editorial
Prezadas amigas, amigos e colegas,
Mentres rematamos as nosas celebracións do décimo aniversario, é hora de reflexionarmos sobre todas as marabillosas oportunidades que 2022 trouxo á Oficina de Divulgación da Astronomía. A nosa directora, Lina Canas, e a oficial de divulgación internacional, Suzana Filipecki Martins, contan agora co apoio de Kelly Blumenthal, a nova subdirectora da OAO. O equipo tamén se expandiu para incluír a Miho Matsumoto, que foi fundamental para afondar na nosa comprensión da comunidade da comunicación científica xaponesa, e Matipon Tangmatitham, que chegou a nós como bolseiro do Instituto Nacional de Investigación Astronómica de Tailandia.
Este ano tamén nos gustou traballar co noso Comité de Dirección para atopar un camiño a seguir que maximice o noso impacto e alcance. Seguimos dándolle as grazas ao noso Director Supervisor, Hidehiko Agata, que a través do seu continuo asesoramento e xenerosidade apoiou a Oficina durante a última década, contribuíndo ao éxito que é hoxe. Tamén gozamos do apoio inquebrantábel de Makiko Aoki e outras persoas no Observatorio Astronómico Nacional de Xapón. Sen a súa axuda, a OAO non sería o mesmo.
Ao longo de todo o ano os equipos das coordinacións nacionais de divulgación, formados por persoas voluntarias, desenvolveron programas incríbeis nas súas comunidades e compartiron o seu amor e entusiasmo pola astronomía. Tamén queremos agradecervos a vosa participación nas nosas iniciativas e contribuír así ao avance da astronomía. E, por último, queremos darlles as grazas ás persoas que traducen o boletín: o Bahrain Stargazers Astronomy Club (árabe), Chen Cao (chinés simplificado), o grupo de tradución astronómica de Haití (francés), Martin Pawley e Xabier Pérez Couto (galego), Eleonora Piromalli (italiano), Akihiko Tomita (xaponés), Catarina Leote e João Ferreira (portugués) e Andrea Ahumada e Ileana Andruchow (español). Grazas polas innumerábeis horas que dedicastes a facer que este boletín sexa máis accesíbel en todo o mundo.
Grazas por facer deste ano o mellor ano que a OAO viu. Agardamos que pasedes unhas marabillosas vacacións e un feliz 2023. Desexamos seguir achegándovos o último en divulgación astronómica da IAU e máis alá!
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Mulleres e nenas na astronomía
Este ano colaboramos co Grupo de Traballo do Comité Executivo da IAU Mulleres en Astronomía para destacar as contribucións das mulleres e as nenas na astronomía. Organizamos un concurso de debuxo para representar unha astrónoma (o premio para a persoa gañadora foi un telescopio de SSVI), lanzamos unha campaña nas redes sociais e realizamos unha serie de entrevistas a unha serie de astrónomas que se identifican como mulleres. Podes ver a listaxe de entrevistas nesta ligazón. En todo o mundo, houbo máis de 250 eventos das coordinacións nacionais de divulgación (NOC) da IAU e doutras entidades, que involucraron a máis de 3.000 persoas en total.
Para máis información, consulta esta ligazón.
2) Telescopios para todas as persoas
A Oficina IAU para a Divulgación da Astronomía (OAO), xunto cos nosos parceiros Stars Shine for Everyone (Sterren Schitteren voor Iedereen, SSVI) e a Universidade de Leiden, outorgaron 15 telescopios a comunidades desfavorecidas de todo o mundo no marco do proxecto &#8220;Telescopios para todas as persoas&#8221;. Este proxecto busca ampliar os horizontes das crianzas, pais e nais e persoas que se dedican á educación para espertar o interese pola ciencia e promover a igualdade de oportunidades no acceso á astronomía. Este ano recibimos 104 solicitudes de 35 países. As propostas seleccionadas achegarán telescopios a comunidades desatendidas de Puerto Rico e a pacientes con cancro infantil en Iraq; contribuirán a abordar as disparidades educativas en Chad, Bangladesh e Madagascar; e mellorarán o acceso á educación CTEAM en México e as comunidades rurais de Botswana. Cada unha das propostas gañadoras amplía o acceso e o coñecemento do público sobre a astronomía, dous dos principais obxectivos da OAO.
Para máis información, visita este sitio web.
3) Ceos escuros e tranquilos
En 2022 coordinámonos co Día Internacional da Luz, o Centro para a Protección do Ceo Escuro e Tranquilo contra a Interferencia das Constelacións de Satélites e a Comisión B7 da IAU sobre a Protección de Sitios de Observatorios Existentes e Potenciais para planificar un mes de celebración sobre os ceos escuros. Organizamos un concurso de arte no que se lle pediu ás persoas participantes que comunicaran artisticamente a súa relación co ceo e teren así a oportunidade de gañar un telescopio doado por SSVI e en paralelo realizamos unha campaña en redes sociais centrada na concienciación. Tamén celebramos un seminario que se transmitiu en directo por Zoom e YouTube que atraeu a 310 persoas en liña de todos os continentes (excepto a Antártida) e preto de 2.700 visitas até a data.
Para saber máis, consulta esta ligazón.
4) Baixo un mesmo ceo
A convocatoria da IAU &#8220;Baixo un mesmo ceo&#8221; apoiou proxectos que usan a astronomía cultural, a divulgación astronómica e a comunicación astronómica para recoñecer o coñecemento indíxena e respectar os sistemas de aprendizaxe indíxenas cun achegamento baseado nos dereitos. Este programa é un legado das celebracións IAU100 e foi posíbel grazas ao xeneroso apoio do Observatorio de Leiden e do Premio de Comunicación NWO 2020. Os cinco proxectos galardoados recibiron até 2.000 euros para desenvolver actividades durante o Día Internacional dos Pobos Indíxenas do Mundo das Nacións Unidas (9 de agosto de 2022).
Para máis información, visita este sitio web.
5) Coñece as persoas que fan astronomía na IAU!
En 2022 relanzamos o programa “Meet the IAU Astronomers”, que conecta a comunidade astronómica amadora, xente que se dedica á educación informal e profesorado con profesionais da astronomía da IAU en eventos virtuais ou presenciais. A través destes encontros, as persoas membros da IAU falan con crianzas, adultos e público en xeral sobre temas de investigación astronómica, a importancia da astronomía para a sociedade e a elección da astronomía como carreira. O programa “Meet the IAU Astronomers” ten como obxectivo que calquera comunidade poida coñecer profesionais da astronomía e compartir as marabillas do universo independentemente de onde estean no mundo.
Para saber máis, consulta esta ligazón.
6) XXXI Asemblea Xeral da IAU
Durante a Asemblea Xeral da IAU de 2022 en Busan, Corea do Sur, a OAO participou e dirixiu unha serie de eventos para involucrar xente que se dedica á comunicación da astronomía. Por exemplo, lideramos o esforzo de colaboración para crear un posto que destacou o traballo das Oficinas da IAU. Este posto serviu como eixo central da sala de exposicións da asemblea xeral: un lugar de encontro para que todas as persoas discutiran sobre o seu traballo, estableceran redes e crearan colaboracións. As sesións da OAO durante a conferencia destacaron o traballo das nosas Coordinacións Nacionais de Divulgación, e a nosa Sesión Satélite KASI-OAO centrouse na importancia da colaboración internacional para o avance da comunicación astronómica. Tamén realizamos un obradoiro sobre comunicación científica que promoveu a creación de relacións como ferramenta clave para unha comunicación científica eficaz.
Para máis información, visita este sitio web.
7) 100 horas de astronomía
Do 1 ao 4 de outubro de 2022, a Oficina da IAU para a Divulgación da Astronomía celebrou os ceos que compartimos e como nos unen a través do evento “100 horas de astronomía”. Este proxecto anima a nosa comunidade global a acoller ou participar en eventos de divulgación astronómica durante cen horas consecutivas. O obxectivo é permitir que o maior número posíbel de persoas, desde menores até anciás, participen do ceo e adquiran unha comprensión básica do noso barrio no Universo. En 2022 realizáronse 201 actividades en 55 países que reuniron a máis de 50.000 persoas.
Para saber máis, consulta esta ligazón.
8) NameExoWorlds 2022
En agosto de 2022 lanzouse o certame NameExoWorlds para celebrar o décimo aniversario da Oficina de Divulgación da Astronomía. Equipos de todo o mundo presentaron propostas para nomear un dos 20 sistemas extrasolares: un exoplaneta e a súa estrela anfitrioa. Estes 20 sistemas son especiais xa que serán dos primeiros observados por JWST, dándonos máis información sobre as condicións destes mundos. Recibimos 590 propostas de máis de 90 países. As coordinacións nacionais de divulgación reuniron paneis nacionais para seleccionar as tres principais propostas de cada país que despois se enviarán a un comité formado polo Grupo de Traballo do Comité Executivo da IAU sobre a nomenclatura do sistema exoplanetario e os equipos que descubriron eses exoplanetas. Permanecede en sintonía! As propostas gañadoras anunciaranse no primeiro trimestre de 2023.
Para máis información, visita este sitio web.
9) Tríptico CAP (Comunicar a Astronomía co Público)
a) Revista CAP
Este ano a revista Comunicar a Astronomía co Público (CAPjournal) publicou o seu número 31, que celebra o décimo aniversario da Oficina IAU para a Divulgación da Astronomía con artigos que abranguen unha ampla gama de temas que exemplifican a dedicación da OAO á divulgación da astronomía, a inclusión e a accesibilidade. Actualmente estamos no proceso editorial do número 32, unha edición especial sobre a Conferencia CAP 2022 que inclúe artigos dalgúns dos principais asuntos tratados na conferencia.
Para máis información, visita este sitio web.
b) Conferencia CAP 2022
Este ano tamén colaboramos coa conferencia Comunicar Astronomía co Público que tivo lugar en Sydney, Australia, no mes de setembro. Queremos darlles as grazas a todas as persoas participantes, tanto de xeito presencial como en liña, ao Comité Organizador Local e ao Comité Organizador Virtual por todo o seu esforzo para facer desta conferencia un gran éxito. Seguide as nosas novas para obter máis información sobre a próxima Conferencia CAP en 2024.
Para saber máis, consulta esta ligazón.
c) Novo Programa: Formación CAP
Este ano a Oficina para a Divulgación da Astronomía iniciou un novo proxecto, Formación en Comunicación da Astronomía co Público, que completa este tríptico CAP. Este programa naceu a partir dun proxecto conxunto da IAU-Kavli Foundation para formar profesionais da astronomía na comunicación pública. O obradoiro piloto que resultou dese proxecto utilizou a ciencia da comunicación científica para poñer o foco na construción de relacións como ferramenta para unha comunicación científica eficaz. As sesións de formación posteriores pretenden darlles ás persoas que comunican ciencia as ferramentas que necesitan para achegaren oportunidades ás súas comunidades, todo iso no marco da comunicación científica estratéxica. O próximo ano haberá moitas máis sesións de formación para a nosa familia da IAU, así que prestade atención ás novas!
10) Nova asociación: MOU OAO-IA
Este ano a Oficina IAU para a Divulgación da Astronomía e o Instituto de Astrofísica e Ciencias Espaciais de Portugal asinaron un memorando de entendemento para o desenvolvemento conxunto de proxectos internacionais de divulgación astronómica. Tanto o ámbito da comunicación astronómica como as persoas que traballan nel beneficiaranse desta colaboración, xa que aumentará a concienciación sobre a importancia da astronomía na educación e, de forma máis ampla, na nosa vida cotiá. Agardamos un ano proveitoso de traballo estreito co Grupo de Comunicación Científica do IA e invitamos a outros centros a tecer colaboracións formais coa OAO no futuro.
11) Traducións do boletín da Oficina IAU para a Divulgación da Astronomía do inglés a outros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 10

La delgada línea roja

Accepted Answer

Sentímolo moito, ista entrada atopase unicamente en Español.

Question 11

Boletín IAU de divulgación da astronomía: Decembro #1

Accepted Answer

Boletín IAU de divulgación da astronomía
Decembro #1
Neste boletín:
Nota editorial
1) Declaración de IAU CPS sobre Bluewalker 3
2) Recordatorio: Solicitudes de premios de doutoramento até o 15 de decembro
3) Recordatorio: poden presentarse até o 15 de decembro as solicitudes de inscrición individuais e junior da IAU
4) Apunta a data: Segunda Conferencia AstroEDU 2023
5) Renovación en curso dos Temas da IAU
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Neste boletín atoparedes dúas invitacións para unirvos á nosa comunidade da IAU. As persoas que fixeron recentemente o seu doutoramento poden concorrer aos premios de doutoramento da IAU e solicitar ser membro junior da IAU. Animamos encarecidamente a calquera persoa que teña un doutoramento en astronomía (sexa recente ou non) a unirse á IAU e aos nosos esforzos para avanzar na ciencia da astronomía a través da divulgación. Para obterdes máis información sobre a adhesión á IAU, facede clic aquí.
Neste boletín sentimos especial orgullo de compartir parte do arduo traballo das nosas coordinacións nacionais de divulgación con respecto ao certame NameExoWorlds 2022. Ademais da súa divulgación, formaron paneis nacionais que se reunirán para xulgar as propostas de nomes do seu país. Dámoslle as grazas por todo o traballo que realizan os nosos equipos NOC para promover a astronomía. As mellores propostas de cada panel enviaranse a outro grupo que seleccionará os nomes finais dos 20 exomundos desta campaña. Os nomes gañadores finais anunciaranse antes de finais de marzo de 2023, así que prestade atención!
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Declaración de IAU CPS sobre Bluewalker 3
O Centro da Unión Astronómica Internacional para a Protección do Ceo Escuro e Tranquilo contra a Interferencia das Constelacións de Satélites expresa a súa preocupación polo impacto na astronomía do satélite BlueWalker 3, recentemente lanzado. Novas medicións revelan que este satélite en órbita terrestre baixa é agora un dos obxectos máis brillantes do ceo nocturno, eclipsando a todas as estrelas agás as máis brillantes. Ademais, o uso de radiofrecuencias terrestres polo satélite das supón un novo problema para a radioastronomía. Para saber máis, consulta a nota de prensa da IAU.
2) Recordatorio: Solicitudes de premios de doutoramento até o 15 de decembro
Se te doutoraches en astronomía entre o 16 de decembro de 2021 e o 15 de decembro de 2022, podes concorrer agora ao premio de doutoramento da IAU antes de que remate o prazo o 15 de decembro. Este premio celebra os logros máis destacados entre as persoas que fixeron o doutoramento nos últimos meses.
Para obter máis detalles sobre os requisitos e a elixibilidade, consulta o anuncio da IAU.
Para postularte ao premio, utiliza este formulario.
3) Recordatorio: poden presentarse até o 15 de decembro as solicitudes de inscrición individuais e junior da IAU
Animámosvos a solicitar a adhesión individual ou junior á IAU. As solicitudes poden enviarse até o 15 de decembro. Para obter información sobre a elixibilidade, consulta o anuncio da IAU.
Por que deberías unirte á IAU?
A misión da IAU é promover e salvagardar a astronomía en todos os seus aspectos, incluída a investigación, a comunicación, a educación e o desenvolvemento a través da cooperación internacional. Contamos con 9 Divisións, 38 Comisións e 46 Grupos de Traballo, entre eles un sobre Equidade e Inclusión, outro sobre Mulleres na Astronomía e un novo grupo Pro-Am. Tamén contamos con Oficinas para o Desenvolvemento, a Divulgación, a Educación e Profesionais Xoves na Astronomía. As ligazóns para todos estes grupos e o noso Código de Conduta e Plan Estratéxico están na páxina de inicio da IAU. Únete a nós no noso esforzo por facer da astronomía un campo máis equitativo, inclusivo, diverso e sostíbel.
4) Apunta a data: Segunda Conferencia AstroEDU 2023
A Conferencia de Educación da Astronomía &#8220;Tendendo pontes entre a investigación e a práctica&#8221; celebrarase na Universidade de Toronto en Toronto, Canadá, do 10 ao 12 de maio de 2023. Esta reunión é a segunda logo da primeira conferencia AstroEdu que se celebrou en 2019 e reuniu profesionais da educación en astronomía. O obxectivo das Xornadas AstroEdu é aumentar a calidade, a cantidade, a comunidade e o impacto da investigación e da práctica na educación astronómica.
Para recibir actualizacións a medida que estean dispoñíbeis os detalles, visita o seu sitio web.
5) Renovación en curso dos Temas da IAU
Desde marzo de 2022, a Oficina de Astronomía da IAU está a traballar na renovación dos temas da IAU. Trátase de respostas longas ás preguntas máis frecuentes e funcionan de xeito similar aos artigos da Wikipedia. Os temas tratan 19 asuntos, entre eles “Definindo o noso lugar no cosmos”, “Plutón e a paisaxe en desenvolvemento do noso sistema solar”, “Constelacións de satélites” e moitos máis. Recentemente publicamos catro páxinas renovadas que compartimos contigo:
Nomes das estrelas (Star Names)
As constelacións (The Constellations)
Mercar estrelas e nomes de estrelas (Buying Stars and Star Names)
Plutón e a paisaxe en desenvolvemento do noso sistema solar (Pluto and the Developing Landscape of Our Solar System)
6) Novas NOC
Moitos dos nosos equipos NOC celebraron eventos en apoio do certame NameExoWorlds 2022. Aquí tes só unha mostra dos seus esforzos:
a) Haití
John Masken Larose, membro do equipo NOC de Haití, entrevistou outro membro, Rulx Narcisse (Capitán Astro). Podes ver a entrevista aquí.
b) Kuwait
O equipo NOC de Kuwait organizou un evento de dous días no Centro Cultural Sheikh Abdullah Al Salem para presentarlle ao público NameExoWorlds 2022 e a ciencia dos exoplanetas, así como animalo a participar e formar equipos.
c) Libia
Durante a Semana Mundial do Espazo 2022, o NOC de Libia Amjed Khurwat organizou, en colaboración coa Fundación Roaya, un evento virtual para discutir o concurso NameExoWorlds 2022.
d) Qatar
A principios de outubro, o NOC de Qatar Hani Dalee en cooperación con entidades astronómicas locais, organizou unha sesión de formación en árabe sobre NameExoWorlds na que describiu a competición e como formar un equipo.
e) Senegal
A NOC de Senegal Salma Sylla celebrou un evento en liña dedicado aos exomundos: que son, como os atopamos, a perspectiva de vida noutros mundos e moito máis. A sesión tamén incluíu unha introdución ao certame NameExoWorlds 2022.
Moitos equipos NOC formaron paneis nacionais para avaliar as propostas de NameExoWorlds 2022 presentadas polo público en xeral. NameExoWorlds 2022 foi unha oportunidade para que o público compita para nomear un exoplaneta e a súa estrela anfitrioa. O concurso pechouse o 11 de decembro e agora, durante o próximo mes, os paneis nacionais teñen que xulgar as presentacións para seleccionar as tres mellores candidaturas. Estas candidaturas pasarán ao Grupo de Traballo do Comité Executivo sobre a Nomenclatura do Sistema Exoplanetario, que decidirá os nomes definitivos de 20 exomundos.
7) Oportunidades
a) Mapa de cursos PCST en SciComm
Buscas un programa de posgrao ou licenciatura en comunicación científica? Ou quizais só buscas unha certificación. PCST desenvolveu un mapa dinámico de formación (de varios tipos) en comunicación científica. Fai clic nesta ligazón para obter máis información.
8) Recursos interesantes
a) Comunicar o cambio climático desde os blogs da EGU
Este é un relato persoal de como a incerteza inherente aos datos e a ética persoal de alguén que se dedica á ciencia ou á comunicación pode afectar a forma en que a información é percibida pola audiencia. Fai clic aquí para ler unha discusión reflexiva sobre as mellores prácticas de comunicación científica.
b) Ver a ciencia: como explicar visualmente conceptos complexos en The Scientist
Mind the Graph uniuse a persoas que se dedican á investigación e o deseño gráfico para crear unha plataforma que lles permita facer facilmente as súas propias infografías e moito máis. Fai clic aquí para saber máis.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 12

Boletín IAU de divulgación da astronomía: Novembro #2

Accepted Answer

Boletín IAU de divulgación da astronomía
Novembro #2
Neste boletín:
Nota editorial
Asunto destacado: Lembranza de Carolina Ödman-Govender
1) Participa na nosa enquisa sobre o boletín informativo de divulgación astronómica da IAU
2) Actas preliminares do 4º Obradoiro Shaw-IAU sobre Astronomía para a Educación
3) Abre a canle de YouTube do Día da Astronomía nas Escolas
4) 20º Aniversario do Journal of Science Communication
5) Únete ao próximo Foro Seminario de Astronomía Cultural Aberta
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Neste boletín lembramos a nosa querida colega, a doutora Carolina Ödman-Govender. Malia o seu falecemento, o seu legado persistirá a través da sólida base que deixou atrás. Podedes ler o asunto destacado desta edición para coñecerdes formas de lembrar a Carolina.
Unha vez máis, animámosvos a participar na enquisa do boletín informativo de divulgación astronómica da IAU, se aínda non o fixestes. Esta é a vosa oportunidade de dar forma ao futuro do boletín, e esperamos que todas as persoas aproveiten a oportunidade de expresar as súas opinións sobre como podemos mellorar.
Tamén queremos transmitir unha cordial felicitación aos nosos compañeiros do Journal of Science Communication (JCOM), que este ano celebran o seu 20 aniversario. Podedes atopar a súa edición especial máis abaixo.
Aínda que hai moitas oportunidades e recursos para aproveitar neste boletín, gustaríanos destacar unha en particular: a Bolsa de Desenvolvemento de Carreira “Out to Innovate” para estudantes de posgrao e posdoctouramento trans, intersex e non binarios. Se sodes ou coñecedes estudantes que poderían beneficiarse deste programa, difundídeo. Achégase rapidamente a data límite de presentación de solicitudes.
Moitas das nosas coordinacións nacionais de divulgación (NOC) están ocupadas cos preparativos finais de NameExoWorlds. Está a piques de chegar a data límite para construír un equipo, realizar un evento de divulgación e enviar un nome para a competición. Buscade a vosa coordinación nacional nesta ligazón para saber máis sobre como podedes participar hoxe! Grazas ás coordinacións nacionais que fan posíbeis estes e moitos outros programas da OAO.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: Lembranza de Carolina Ödman-Govender
É con moita tristeza que anunciamos o falecemento da nosa compañeira e amiga Carolina Ödman-Govender. Carolina foi profesora asociada na Universidade Western Cape (UWC) e directora asociada de Desenvolvemento e Divulgación do Instituto Interuniversitario de Astronomía Intensiva de Datos en Sudáfrica (IDIA). Carolina tivo unha longa historia de servizo á divulgación e á educación da astronomía a través da IAU e fóra dela. Foi a primeira xestora de proxectos internacionais de Universe Awareness (UNAWE) na Universidade de Leiden de 2005 a 2010 e formou parte do comité organizador da Comisión C2 Comunicar Astronomía co Público.
O traballo pioneiro da doutora Ödman-Govender cambiou o panorama da divulgación, desenvolvemento e educación da astronomía, e en 2018, durante a XXX Asemblea Xeral da IAU, recibiu un premio especial da IAU para a Divulgación, Desenvolvemento e Educación da Astronomía. A presidenta da IAU, Debra Elmegreen, sinala: &#8220;Carolina foi un modelo de coraxe e resistencia, e a súa eterna boa alegría foi unha inspiración para nós&#8221;.
A nosa comunidade botará moito de menos á doutora Carolina Ödman-Govender. A súa memoria e o seu legado continuarán a través das persoas coas que contactou ao longo da súa vida.
O seu funeral tivo lugar o 20 de novembro, na compaña de familiares e xente amiga. Podedes atopar unha transmisión do servizo funerario nesta ligazón.
Facede clic aquí para ver unha mensaxe especial de amor, agradecemento e recordo do marido de Carolina, Kevin Govender (Director da Oficina de Astronomía para o Desenvolvemento).
Se coñecestes a Carolina e queredes compartir as vosas lembranzas dela, podedes enviar a vosa mensaxe a celebrate.carolina@gmail.com.
1) Participa na nosa enquisa sobre o boletín informativo de divulgación astronómica da IAU
Durante anos, o Boletín de Divulgación da Astronomía da IAU tróuxoche noticias da IAU, a comunidade de divulgación astronómica, as Coordinacións Nacionais de Divulgación e oportunidades e recursos de todo o mundo. De cara ao futuro, queremos darlle forma ao boletín informativo para que sirva mellor ás nosas comunidades. Ao responderes a esta enquisa, axudarasnos a mellorar os recursos que ofrecemos. Grazas, de antemán, pola túa contribución.
2) Actas preliminares do 4º Obradoiro Shaw-IAU sobre Astronomía para a Educación
O 4º Obradoiro de Shaw-IAU sobre Astronomía para a Educación xa pasou, mais aínda hai unha oportunidade de aprender dos relatorios se perdiches o evento (ou queres ver de novo algo que escoitaches). As actas preliminares do Obradoiro están dispoñíbeis en liña. Podes atopar os artigos neste sitio web.
3) Abre a canle de YouTube do Día da Astronomía nas Escolas
O Grupo de traballo Investigación e Métodos de Educación en Astronomía da IAU, baixo a Comisión C1 Educación en Astronomía e Desenvolvemento, creou unha nova canle de YouTube para o Día da Astronomía nas Escolas (AdiS, polas siglas en inglés). Podes informarte e mirar os vídeos na súa canle.
4) 20º Aniversario do Journal of Science Communication
O Journal of Science Communication (JCOM) publicou un número especial en homenaxe ao seu 20 aniversario. Este número presenta comentarios sobre a natureza e o estado da comunicación científica, as prácticas de inclusión e xustiza, a intersección da investigación, a práctica e a teoría, e as formas en que o JCOM contribuíu ao avance do campo. Para acceder a este número especial, consulta esta ligazón.
5) Únete ao próximo Foro Seminario de Astronomía Cultural Aberta
O Foro de Astronomía Cultural Aberta (OCAF, polas siglas en inglés) pon o foco nas formas en que as diversas culturas percibiron os obxectos celestes, coa esperanza de comprender mellor o papel da astronomía nas culturas e a súa influencia na astronomía actual. O próximo seminario OCAF terá lugar o 1 de decembro ás 23:00 UTC a través de Zoom. O profesor Hilding R. Neilson da Memorial University of Newfoundland & Labrador impartirá unha charla titulada “The night sky is part of the land: the ongoing colonization in astronomy research and space exploration” (&#8220;O ceo nocturno é parte da terra: a colonización en curso na investigación astronómica e a exploración espacial&#8221;). Para máis información, consulta este sitio web.
6) Novas NOC
Moitas nosas coordinacións nacionais de divulgación están ocupadas planificando e desenvolvendo eventos de divulgación para o certame NameExoWorlds 2022. Busca o equipo NOC máis próximo nesta ligazón e mira como podes participar!
a) Marrocos
O noso antigo NOC de Marrocos, Zouhair Benkhaldoun, está a axudar na planificación do Festival de Astronomía de Marrakech que terá lugar do 28 de novembro ao 3 de decembro. Infórmate na súa páxina web.
b) Haití
Un membro do equipo NOC de Haití, John Masken Larose, creou outro vídeo educativo sobre astronomía e aloxouno na súa canle de YouTube. Este último vídeo é sobre a constelación de Orión. Podes velo agora aquí.
7) Oportunidades
a) Bolsa para estudantes de posgrao e de posdoutoramento trans, intersex e non binarios
A bolsa Out to Innovate Career Development, antes coñecida como Ben Barres Fellowship, é un premio entre 2000 e 5000 dólares para o desenvolvemento profesional de estudantes de posgrao trans, intersexuais e non binarios e bolseiros posdoutorais en áreas CTEM.
A data límite para solicitala é o 2 de decembro ás 23:59 UTC-5.
Para máis información, consulte a súa páxina web.
b) Recensión do libro “Strategic Science Communication: A Guide to Setting the Right Objectives for More Effective Public Engagement”
No artigo “Balancing practice and research: a framework for strategic science communication”, a autora revisa o libro “Strategic science communication: A guide to setting the right objectives for more effective public engagement” de John Besley e Anthony Dudo. Podes ler máis sobre este libro, a comunicación científica estratéxica e como levar a investigación á práctica nesta ligazón.
c) Primeira convocatoria: Conferencia Anual AfAS 2023
A Conferencia Anual da Sociedade Astronómica Africana (AfAS) celebrarase do 13 ao 17 de marzo de 2023. A conferencia organizarase como unha reunión híbrida (en liña e presencial) en colaboración co Wits Center for Astrophysics. A sede física é o Wits Origins Center en Johannesburgo, África do Sur. Podes enviar un resumo (de tema científico ou relacionado coa educación, o desenvolvemento e a divulgación) antes do 9 de xaneiro de 2023.
Para máis información, consulta a súa páxina web.
Para inscribirte na conferencia, consulta este sitio web.
d) Hackaton de datos científicos da AfAS, DARA, OAD e IDIA
A Sociedade Astronómica Africana (AfAS), en parcería con Development in Africa with Radio Astronomy (DARA) Big Data, a Oficina de Astronomía para o Desenvolvemento (OAD) e o Instituto Interuniversitario de Astronomía Intensiva en Datos (IDIA), organiza un evento presencial Hackathon de Datos Científicos na Universidade de Witwatersrand do 18 ao 20 de marzo de 2023. Poden rexistrarse no evento as persoas que estudan graos e posgraos ou son profesionais de calquera campo CTEM en toda África. A información e a inscrición para o hackathon están nesta ligazón.
e) O Foro Inaugural de Laureados de Hong Kong está a contratar novos científicos
O Hong Kong Laureate Forum (HKLF) é un programa dunha semana de duración no que as persoas seleccionadas terán a oportunidade de interactuar e compartir ideas con figuras científicas de renome mundial, entre elas as galardoadas co premio Shaw. O Foro inaugural celebrarase entre o 13 e o 18 de novembro de 2023.
A xente nova que traballa nos campos da astronomía, as matemáticas e as materias relacionadas pode presentar a súa solicitude antes do 18 de decembro ás 23:59 UTC+8.
Para saber máis, fai clic nesta ligazón. Para obter máis información sobre elixibilidade, patrocinio e inscrición, consulta este documento.
8) Recursos interesantes
a) Oportunidades e recursos de Ohana Kilo Hoku
A organización dirixida por persoas nativas hawaianas, Ohana Kilo Hōkū, ten excelentes recursos e oportunidades para profesionais da astronomía que queren facer divulgación, membros da comunidade que desexan achegarse á astronomía ou profesorado que quere incorporar a astronomía ás súas aulas. Infórmate na súa páxina web.
b) Programa “Shadow the Scientist”
Preguntácheste algunha vez como se observa o ceo nocturno na astronomía profesional? Esta é a túa oportunidade de atender unha sesión de observación de astronomía. O programa “Shadow the Scientist” permite ao público sintonizar con profesionais da astronomía que observan o Universo cos telescopios de Maunakea. Para obter máis información sobre as sesións pasadas e próximas e como participar, consulta o seu sitio web.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 13

Boletín IAU de divulgación da astronomía: Novembro #1

Accepted Answer

Boletín IAU de divulgación da astronomía
Novembro #1
Neste boletín:
Nota editorial
Asunto destacado: gaña un telescopio con NameExoWorlds 2022
1) Participa na nosa enquisa sobre o boletín informativo de divulgación astronómica da IAU
2) Primeiro anuncio: Segunda Conferencia AstroEdu 2023
3) A IAU aplaude o importante paso da Comisión Federal de Comunicacións cara á regulación do espazo
4) EXPLORE, desafíos lunares para o público e as escolas
5) Lanzamento de “AstroVoices” (AstroVoces)
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Neste boletín, presentamos a oportunidade de gañardes un telescopio en asociación co concurso NameExoWorlds 2022. Forma un equipo, organiza un evento (ou eventos!) de divulgación, propón un nome para un dos 20 exomundos (exoplaneta xunto coa súa estrela anfitrioa) e participa para gañar un telescopio BRESSER NANO AR-70/700 AZ! A data límite para propoñer un nome é o 11 de decembro. Podes atopar máis detalles noi asunto destacado deste mes.
Unha vez máis, pedímosvos que participedes na enquisa para mellorar o boletín de divulgación astronómica da IAU. Se aínda non o fixestes e tedes cinco minutos libres, valorade a posibilidade de encher o formulario que aparece máis abaixo.
Hai varias novas e interesantes oportunidades para que persoas de todas as idades se involucren na astronomía. Tamén destacamos un proxecto especial que amplifica as voces de centos de astrónomas que se identifican como mulleres, chamado AstroVoices. Esperamos que atopedes algo que vos inspire.
Finalmente, agradecemos a todas as persoas que forman parte das coordinacións nacionais de divulgación da IAU polos seus esforzos para construír pontes dentro das súas comunidades e garantir que a astronomía sexa accesíbel para todas as persoas.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: gaña un telescopio con NameExoWorlds 2022
Como parte do concurso NameExoWorlds 2022, a Oficina IAU para a Divulgación da Astronomía, en colaboración cos seus socios Sterren Schitteren Voor Iedereen (As estrelas brillan para todas as persoas – SSVI), o Departamento de Física e Astronomía da Universidade de Gante, a Universidade de Leiden e BRESSER entregará 15 telescopios BRESSER NANO AR-70/700 AZ aos mellores eventos de divulgación rexistrados na competición NameExoWorlds 2022. Os proxectos gañadores dos telescopios BRESSER serán seleccionados en función de:
-A creatividade: o evento supuxo un enfoque imaxinativo ou inusual para entusiasmar o público coa astronomía?
-O compromiso comunitario: o evento conseguiu a participación de comunidades que non están centradas na astronomía ou fixo esforzos para conectarse con persoas non afeccionadas á astronomía?
Para obter máis información sobre a elixibilidade no concurso e os termos e condicións, podes ler este documento.
Por favor, ten en conta que a selección dos mellores eventos de divulgación non está asociada necesariamente coa selección de nomes para os exoplanetas e as súas estrelas anfitrioas.
Se tes algunha dúbida ou cuestión, ponte en contacto co equipo de NameExoWorlds 2022 en nameexoworlds2022@oao.iau.org.
1) Participa na nosa enquisa sobre o boletín informativo de divulgación astronómica da IAU
Durante anos, o Boletín de Divulgación da Astronomía da IAU tróuxoche noticias da IAU, a comunidade de divulgación astronómica, as Coordinacións Nacionais de Divulgación e oportunidades e recursos de todo o mundo. De cara ao futuro, queremos darlle forma ao boletín informativo para que sirva mellor ás nosas comunidades. Ao responderes a esta enquisa, axudarasnos a mellorar os recursos que ofrecemos. Grazas, de antemán, pola túa contribución.
2) Primeiro anuncio: Segunda Conferencia AstroEdu 2023
A Conferencia de Educación en Astronomía: Pontes entre a Investigación e a Práctica, celebrarase na Universidade de Toronto, Canadá, do 10 ao 12 de maio de 2023. Esta reunión segue a primeira conferencia AstroEdu celebrada en 2019, que reuniu a persoas do ámbito da investigación e a educación astronómica. O obxectivo das xornadas AstroEdu é aumentar a calidade, a cantidade, a comunidade e o impacto da investigación e da práctica da educación astronómica.
Para recibires actualizacións a medida que estean dispoñíbeis os detalles, visita o seu sitio web.
3) A IAU aplaude o importante paso da Comisión Federal de Comunicacións cara á regulación do espazo
O mes pasado, a IAU enviou unha carta en nome da comunidade astronómica global para instar a Comisión Federal de Comunicacións (FCC) dos Estados Unidos a considerar seriamente os riscos que as constelacións de satélites representan para a ciencia da astronomía, o preservación do ceo nocturno prístino e o medio ambiente.
Nun evento da Asociación da Industria de Satélites o 3 de novembro de 2022, a presidenta da FCC, Jessica Rosenworcel, fixo referencia ao rápido aumento do número de satélites propostos para o seu lanzamento. Ela anunciou a súa intención de abordar isto reorganizando a Oficina Internacional da FCC nunha nova Oficina Espacial e unha Oficina de Asuntos Internacionais. Isto daríalle á Oficina Espacial proposta máis recursos para tratar este problema urxente.
Como parte de Space4OurPlanet, a IAU participa cunha exposición na sede da ONU en Nova York durante outubro e novembro de 2022. Nesta exposición, destácanse os 17 Obxectivos de Desenvolvemento Sostíbel das Nacións Unidas aos que contribúe a IAU, incluído o traballo da IAU CPS.
Para obter máis información, consulta o anuncio da IAU aquí.
4) EXPLORE, desafíos lunares para o público e as escolas
As persoas afeccionadas á Lúa de todas as idades e de todo o mundo teñen o desafío de axudar a identificar características da Lúa que poidan supoñer un perigo para rovers ou astronautas que exploran a súa superficie nunha nova e emocionante serie de EXPLORE Data Challenges:
-Classroom Lunar Data Challenge propón actividades interactivas e atractivas de “machine learning” e exploración lunar. Entre as tarefas están as de etiquetar características da superficie e trazar unha travesía lunar. As actividades, dirixidas a nenos de 10 a 14 anos, pódense realizar en liña ou na aula.
-EXPLORE Public Lunar Challenge está aberto a todas as persoas que queiran probalo. Envía a túa travesía lunar antes do 1 de decembro de 2022 e participa nun sorteo para gañar premios, incluído un anaco de meteorito lunar.
Hai dispoñíbeis versións traducidas. Tes máis información na súa páxina web. #ExploreMoonData #ExplorePlatform
5) Lanzamento de “AstroVoices” (AstroVoces)
AstroVoices é un proxecto que ten como obxectivo celebrar as mulleres astrónomas e estudantes, dándolles &#8220;voz&#8221; para compartiren a súa paixón pola astronomía, co que se espera que animen mozas novas a achegarse a este fascinante campo. Podes ver e escoitar o proxecto AstroVoices en YouTube.
Para obter máis información, consulta o anuncio da IAU aquí.
6) Novas NOC
a) NOC Xordania
O noso NOC de Xordania, Awni Mohammad Khasawneh, colaborou coa Unión Árabe de Ciencias Espaciales e Astronomía para ofrecer unha charla titulada &#8220;A importancia do espazo para promover e apoiar a sustentabilidade&#8221; durante a Semana Mundial do Espazo.
b) NOC Sudán
O noso NOC de Sudán, Mohammed Yahya, dirixiu un evento para observar a eclipse solar parcial mediante un innovador sistema de telescopio e proxección. Tamén puideron ver varias manchas solares no disco do sol.
c) NOC Emiratos Árabes Unidos
O noso NOC dos Emiratos Árabes Unidos, Hamid.M.K.AL-Naimiy,  participou nun evento sobre a eclipse solar parcial o mes pasado na Academia de Astronomía e Ciencias Espaciais de Sharjah (Emiratos Árabes Unidos). Máis de 600 persoas asistiron ao evento en persoa e 45.000 persoas conectaron para ver a transmisión en directo. Podes ver máis sobre a actividade aquí.
7) Oportunidades
a) Simposio de Venecia do PCST
O Simposio PCST terá lugar en setembro de 2023 en Venecia, Italia, baixo o tema &#8220;Educación e formación en comunicación científica. Retos e estratexias para as institucións de investigación e académicas”. Podes rexistrarte xa no seu sitio web.
8) Recursos interesantes
a) 50 anos de astronomía en Sutherland
O último boletín electrónico externo da SAAO conmemora os 50 anos desde a creación do observatorio Sutherland.
b) Recursos educativos e de divulgación astronómica da OAD
Bótalle un ollo a estes recursos da Oficina IAU de Astronomía para o Desenvolvemento. As guías van desde a creación do teu propio club de astronomía até a astronomía inclusiva.
c) The Public Engagement Principles [Contido en inglés e alemán]
Presentado na Semana da Ciencia de Berlín, “The Public Engagement Principles” pretende axudar a aquelas persoas que comunican ciencia ao público, incluída unha definición unificada de &#8220;public engagement&#8221; (divulgación e captación de público). Infórmate na súa páxina web.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 14

Boletín IAU de divulgación da astronomía: Outubro #2

Accepted Answer

Boletín IAU de divulgación da astronomía
Outubro #2
Neste boletín:
Nota editorial
Asunto destacado: Xa dispoñíbel o número 31 do CAPjournal
1) Participa na nosa enquisa sobre o boletín informativo de divulgación astronómica da IAU
2) Abertas as solicitudes para o premio de doutoramento IAU 2022
3) Lanzamento do boletín informativo da OAD
4) Anunciados premios Eric e Wendy Schmidt á excelencia en comunicación científica
5) Enquisa do equipo de educación e divulgación de Europlanet: chamada ao profesorado e profesionais da comunicación científica!
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Neste boletín temos o orgullo de anunciar a publicación do número 31 da revista Comunicar a Astronomía co Público (CAPjournal). Este número celebra o décimo aniversario da Oficina para a Divulgación da Astronomía. De cara á próxima década queremos facer crecer os nosos programas, ampliar os recursos que ofrecemos e construír pontes con máis comunidades para garantir que a astronomía sexa realmente para todas as persoas.
Parte dese crecemento é darlle unha nova vida a este boletín. Estamos a realizar unha enquisa que nos axude a comprender o que vos gusta do boletín e o que vos gustaría ver nunha próxima edición. Podedes encher esta enquisa máis adiante. Grazas de antemán pola vosa contribución!
Neste boletín atoparedes moitos exemplos esclarecedores de comunicación científica, desde artigos até premios e obradoiros. Temos moitas oportunidades e recursos interesantes para vós neste boletín, así que dedicade un tempo a exploralas!
Finalmente, queremos darlles as grazas aos equipos das Coordinacións Nacionais de Divulgación, que unha vez máis se esforzaron por achegar a astronomía ás súas comunidades. Recentemente, a rede NOC estivo moi ocupados organizando eventos en todo o país para que o público en xeral puidera ver con seguridade a eclipse solar parcial do 25 de outubro. Grazas polo voso traballo!
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: Xa dispoñíbel o número 31 do CAPjournal
Xa está dispoñíbel o número 31 da revista Comunicar a Astronomía co Público (CAPjournal).
En 2022, a Oficina IAU para a Divulgación da Astronomía (OAO) celebra o seu décimo aniversario. Mirando cara atrás estes 10 anos de comunicación da astronomía co público, a OAO ve a CAPjournal como unha das súas iniciativas máis importantes, que achega á comunidade as mellores prácticas internacionais no campo da divulgación e da comunicación da astronomía. A OAO está orgullosa de seguir traendo CAPjournal á nosa comunidade e nesta nova década cun equipo renovado, en crecemento e con varias reestruturacións. Bótalle un ollo ao sitio web da CAPjournal para coñecer os aspectos máis destacados destes cambios nos próximos meses ou renova a túa subscrición a CAPjournal.
Neste número presentamos artigos sobre as diferenzas (e semellanzas) entre a divulgación e a educación, a inclusión e a accesibilidade da astronomía en diversos contextos e os percorridos de realidade virtual que proporcionan a quen os experimenta unha sensación de escala moi necesaria. Todo isto e moito máis aparece nesta revista sobre comunicación de astronomía gratuíta e revisada por pares, dispoñíbel agora para descarga.
1) Participa na nosa enquisa sobre o boletín informativo de divulgación astronómica da IAU
Durante anos, o Boletín de Divulgación da Astronomía da IAU tróuxoche noticias da IAU, a comunidade de divulgación astronómica, as Coordinacións Nacionais de Divulgación e oportunidades e recursos de todo o mundo. De cara ao futuro, queremos darlle forma ao boletín informativo para que sirva mellor ás nosas comunidades. Ao responderes a esta enquisa, axudarasnos a mellorar os recursos que ofrecemos. Grazas, de antemán, pola túa contribución.
2) Abertas as solicitudes para o premio de doutoramento IAU 2022
A IAU invita a presentar solicitudes para o seu premio de doutoramento 2022, un premio que celebra as achegas destacadas a nivel mundial entre as investigacións de doutoramento en astrofísica. O prazo de presentación de candidaturas remata o 15 de decembro de 2022. Para obter máis información, fai clic aquí.
3) Lanzamento do boletín informativo da OAD
A Oficina de Astronomía para o Desenvolvemento acaba de publicar o seu último boletín, que informa sobre as actividades entre xullo e setembro de 2022. Fai clic aquí para saber máis sobre as novas directrices sobre Astronomía para a Saúde Mental, un conxunto de ferramentas para abordar o desenvolvemento a través da astronomía, un resumo da XXXI IAU Asemblea Xeral e casos prácticos de proxectos financiados pola OAD.
4) Anunciados premios Eric e Wendy Schmidt á excelencia en comunicación científica
Os Premios Eric e Wendy Schmidt das Academias Nacionais á Excelencia en Comunicación Científica outórganse a xornalistas de temas científicos e persoal investigador que exemplifiquen a creatividade e a orixinalidade no seu traballo de comunicación da ciencia. Entre os principais gañadores dos premios figuran Chanda Prescod-Weinstein, física teórica, teórica feminista e escritora. Para obter máis información sobre as persoas gañadoras e as súas contribucións á comunicación científica e ao premio, visita este sitio web.
5) Enquisa do equipo de educación e divulgación de Europlanet: chamada ao profesorado e profesionais da comunicación científica!
Nos últimos anos, os equipos de educación e divulgación do proxecto Europlanet 2024 Research Infrastructure (RI), o Grupo de traballo de divulgación da Europlanet Society e a rede Europlanet Early Careers (EPEC) desenvolveron unha serie de recursos para apoiar o ensino das materias de ciencia, tecnoloxía, enxeñaría, artes e matemáticas (CTEAM). Entre elas, creáronse clases de ciencia planetaria e astrobioloxía listas para usar e actividades prácticas asociadas.
Pidéselle ao profesorado e profesionais da educación e a divulgación da ciencia que dean conta da súa experiencia e opinión sobre os recursos máis recentes que desenvolveron. Tamén lles gustaría comprender os intereses e o uso dos recursos da ciencia planetaria e se cambiaron, e como, as súas necesidades e prácticas desde a pandemia de Covid-19.
A enquisa está dispoñíbel en dez idiomas nesta ligazón.
6) Novas NOC
a) Corrección do último Boletín
O noso NOC de Hong Kong-China, Exodus Chun-Long Sit, organizou un obradoiro en liña sobre o uso de bloques de construción como ferramenta educativa.
Varios dos equipos NOC organizaron eventos para compartir a eclipse solar parcial do 25 de outubro coas súas comunidades:
b) NOC Exipto
O equipo NOC Exipto, en colaboración co Instituto Nacional de Investigación de Astronomía e Xeofísica, realizou eventos de divulgación para ver a eclipse solar parcial.
c) NOC Iraq
O NOC de Iraq coordinou varias actividades en todo o país para celebrar a eclipse solar parcial.
d) NOC Kuwait
O NOC de Kuwait organizou un evento no Centro Cultural Skeikh Abdullah Al Salem para observar a eclipse solar parcial.
e) NOC de Qatar
O NOC de Qatar, Hani Dalee, organizou unha gran reunión de persoas con telescopios para observar a eclipse solar parcial. A Olimpíada de Astronomía para Escolas de Qatar 2022-2023 aproveitou este evento astronómico e animou a xente a observar e facer medicións do Sol para discutir temas importantes da astronomía.
7) Oportunidades
a) Talleres GlobalSCAPE de Comunicación Científica
Únete a GlobalSCAPE para as xornadas de formación impartidas por Springer Nature. As sesións centraranse en como construír as túas historias, comprender o teu público, adquirir estratexias de escritura eficaz, preparar comunicados de prensa e maximizar a promoción externa. Xa se realizaron tres obradoiros en España, Sudáfrica e Colombia e está aberta a inscrición para obradoiros en Xapón (11 de novembro), India (25 de novembro) e Australia (30 de novembro). Rexístrate hoxe! 
b) Falling Walls Science Summit 2022
Falling Walls dedícase a crear, apoiar e difundir avances a través de fronteiras e disciplinas. O seu cumio científico de 2022 terá lugar de forma presencial en Berlín, Alemaña, e en liña do 7 ao 9 de novembro. Rexístrate aquí para participar neste evento de 3 días.
8) Recursos interesantes
a) Curso sobre como comunicación da ciencia culturalmente relevante [Contido en inglés e español]
A cultura e a lingua inflúen na forma en que entendemos a información (científica), e demostrouse (por exemplo, aquí e aquí) que facer que a ciencia sexa culturalmente relevante fomenta a formación da identidade e pertenza ás CTEM. Para obter máis información sobre como levar á práctica teorías culturais relevantes, consulta este breve curso sobre comunicación científica culturalmente relevante. S
b) Investigación interesante: un mapa sistemático de inclusión, equidade e diversidade na investigación da comunicación científica: practicamos o que predicamos? [Contido en inglés]
A inclusión na comunicación científica significa cousas diferentes para diferentes persoas, pero este campo ten xa 40 anos e abarca unha gran variedade de temas. Neste artigo faise un inventario da amplitude das investigacións realizadas sobre a comunicación científica inclusiva e fan suxestións sobre o camiño a seguir. Tamén podes ler sobre este artigo en SciComm Bites.
c) Número 4 de African Science Stars: Women in Astronomy [Contido en inglés]
O último número de African Science Stars inclúe historias sobre mulleres na astronomía, o astroturismo, os buracos negros, consellos para atopar o traballo dos teus soños e moito máis. Podes ler a revista aquí.
d) A ciencia ten un problema de comunicación [Contido en inglés]
Neste artigo de opinión, o autor describe un problema ao que se enfronta a academia: a falta de formación, estrutura e confianza en comunicación.
“A ciencia está fallando á hora de comunicar os seus propios procesos e valores de forma efectiva ao público. E os intentos de difundir información vital corren o risco de ser alterados polos intereses dos medios, cooptados para obter beneficios políticos ou ser ignorados. Como resultado, creo que o público está perdendo lentamente a confianza na ciencia porque non ven a xente de ciencia como persoas de confianza&#8221;.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podedes consultar o boletín en inglés nesta ligazón.

Question 15

Boletín IAU de divulgación da astronomía: Outubro #1

Accepted Answer

Boletín IAU de divulgación da astronomía
Outubro #1
Neste boletín:
Nota editorial
Asunto destacado: as Coordinacións Nacionais de Divulgación (NOC) durante as 100 Horas de Astronomía
1) Publicación da séptima edición de IAU Catalyst
2) Primeiro anuncio: APRIM 2023
3) Inscrición aberta: MEARIM VI
4) Amplíase o prazo de NameExoWorlds 2022
5) Lanzamento de Falling Walls Engage Hub Japan
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Neste boletín dámoslles as grazas e os parabéns ás Coordinacións Nacionais de Divulgación que participaron na actividade “100 Horas de Astronomía” a principios deste mes. Podes atopar todas as súas incríbeis contribucións no asunto destacado ao inicio deste boletín. Algúns equipos NOC fixeron contribucións adicionais á comunicación astronómica nas súas comunidades. Non perdas ningunha das súas novas.
O boletín trae moitos anuncios de conferencias e simposios, tanto para a comunidade da IAU como para a comunidade de persoas que comunican e investigan en astronomía en xeral. En particular, se queres saber máis sobre a Asemblea Xeral da IAU que tivo lugar en Busan o pasado agosto, non perdas a última edición de IAU Catalyst.
Hai dúas convocatorias especialmente interesantes: tes a oportunidade de nomear unha investigadora que se atope no inicio da súa carreira para o Premio Mulleres en Astronomía en África, e podes unirte ao debate sobre como usar a sonificación como ferramenta tanto na comunicación como na investigación. Tes máis información na sección de Oportunidades.
Por último, espero que toda a xente estea contenta de saber que o prazo para NameExoWorlds 2022 se ampliou até o 11 de decembro. Máis adiante tes máis información.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: as Coordinacións Nacionais de Divulgación (NOC) durante as 100 Horas de Astronomía
Do 1 ao 4 de outubro de 2022 a Oficina IAU para a Divulgación da Astronomía promoveu unha celebración mundial da astronomía de forma continua durante cen horas. Este evento estivo aberto a toda a xente en todo o mundo coa esperanza de involucrar o maior número posíbel de persoas co ceo e as marabillas do Universo. Na edición de 2022 rexistráronse 197 actividades en 55 países. A OAO quere agradecer a todas as persoas que organizaron e desenvolveron as actividades.
A nosa rede NOC liderou o esforzo de envolver as súas comunidades durante estas cen horas. A seguinte listaxe destaca as inestimábeis contribucións dos nosos equipos:
-O equipo NOC da Arxentina organizou unha noite de observación no Observatorio Astronómico da Universidade Nacional de Córdoba.
-A nosa NOC de Bahrein, Myriam Alqassab, organizou unha noite especial de observación das estrelas chea de actividades divertidas.
-A NOC de Bolivia, Paola Daniela Ochoa Paniagua, organizou un mes cheo de actividades astronómicas.
-O NOC da República Dominicana, Manuel Grullon, organizou actividades no Colexio Don Bosco de Santo Domingo.
-A nosa NOC de Exipto, Somaya Saad, presentou a “Historia da Astronomía en Exipto: Quinto milenio a.n.e.”.
-O equipo NOC de Etiopía acolleu varias actividades de participación pública inspiradoras e educadoras.
-O equipo NOC de Haití organizou actividades en liña, incluíndo un obradoiro sobre o uso da aplicación Stellarium.
-O noso NOC de Hong Kong-China, Kam Cheung Leung, organizou un obradoiro en liña sobre o uso de bloques de construción como ferramentas educativas.
-O NOC de Iraq, Ali Jaber Al-Edhari, organizou varias actividades presenciais, incluíndo festas de observación das estrelas.
-O NOC de Israel, Igal Pat-El, organizou unha festa de observación das estrelas e outras actividades.
-O NOC de Kuwait, Khaled A Aljamaan, realizou unha sesión de observación no Centro Cultural Sheikh Abdullah Al Salem.
-O NOC de Libia, Amjed Khurwat, realizou unha sesión virtual na que anunciamos a participación de Libia na competición NameExoWorlds2022.
-O NOC de Palestina, Dawoud Tarawa, organizou un campamento de astronomía.
-A nosa NOC de Filipinas, MA. Rosario C. Ramos, realizou actividades presenciais e en liña, entre elas na escola de primaria Gulod Malaya, en San Mate.
-O NOC de Qatar, Hani Dalee, realizou unha sesión de adestramento para a competición NameExoWorlds.
-A nosa NOC de Senegal, Salma Sylla, realizou un obradoiro en liña sobre ExoPlanets e a competición NameExoWorlds.
-Anna S. Arnadottir, membro do Comité NOC de Suecia, organizou unha noite especial no Planetario da Universidade de Lund.
-O NOC de Siria, Mohamad Alassiry, organizou máis de 10 actividades en todo o país.
A OAO tamén quere felicitar ao equipo NAEC de Turquía pola súa festa de observación das estrelas e o NAEC de Romanía, que traballou en estreita colaboración co profesorado para a realización de máis de 30 actividades. Ademais, parabéns a NASE+ polo seu seminario, que tivo lugar durante a cerimonia de Bridges Between Cultures, Ciencia en Acción.
1) Publicación da séptima edición de IAU Catalyst
Buscas unha boa lectura? O sétimo número de IAU Catalyst presenta artigos sobre a XXXI Asemblea Xeral da IAU en Busan. Podes ler o discurso da presidenta da IAU, Debra Elmegreen, sobre os resultados da asemblea, unha visión xeral da organización da conferencia do presidente do Comité Organizador Nacional, Hyesung Kang, un avance de Vanessa McBride sobre os emocionantes preparativos para a próxima Asemblea Xeral en Sudáfrica en 2024, e moitas cousas máis! Podes lelo aquí.
2) Primeiro anuncio: APRIM 2023
Apunta a data! A reunión rexional híbrida de Asia-Pacífico da IAU (APRIM 2023) terá lugar de forma presencial en Koriyama (Xapón) e en liña do 7 ao 11 de agosto de 2023. APRIM é unha das maiores reunións rexionais da IAU para discutir intereses científicos comúns na rexión Asia-Pacífico e contribuír ao avance da astronomía a nivel internacional. Para máis información, consulta a súa páxina web.
3) Inscrición aberta: MEARIM VI
Xa está aberta a inscrición para a sexta asemblea da reunión rexional da IAU de Oriente Medio e África (MEARIM), que terá lugar de forma presencial no Cairo, Exipto, do 13 ao 16 de febreiro de 2023. O obxectivo desta reunión é reunir persoas que se dedican á astronomía, tanto a observacional como a teórica, e as ciencias do espazo para investigar as vías interdisciplinares nestes campos. Para rexistrarte neste evento, consulta a súa páxina web.
4) Amplíase o prazo de NameExoWorlds 2022
Para celebrar o décimo aniversario da súa Oficina para a Divulgación da Astronomía (OAO), a Unión Astronómica Internacional (IAU) lanzou un concurso para nomear 20 sistemas exoplanetarios que serán observados por JWST. A competición, NameExoWorlds 2022, busca xuntar a astronomía profesional e o público xeral dándolles a oportunidade de nomear os 20 exoplanetas seleccionados xunto coas súas estrelas anfitrioas. O prazo para enviar suxestións de nomes ampliouse até o 11 de decembro de 2022. Para saber máis: https://www.nameexoworlds.iau.org/
5) Lanzamento de Falling Walls Engage Hub Japan
“Falling Walls Engage Hub Japan” lanzarase este mes para xuntar perspectivas e prácticas xaponesas e internacionais sobre comunicación e divulgación científica. O Hub Japan está aloxado e coordinado polo Earth-Life Science Institute (ELSI) e Japan SciCom Forum (JSF) co apoio da Okinawa Institute of Science and Technology Graduate University (OIST)
O Hub Japan lanzarase cunha serie de eventos en Toquio e Okinawa do 17 ao 21 de outubro. Para máis información, consulte a súa páxina web.
6) Novas NOC
a) Francia
A nosa NOC de Francia, Miho Janvier, está a organizar unha campaña de observación solar que terá lugar do 8 de outubro ao 7 de novembro. Para obter máis información sobre como participar, consulta este sitio web.
b) Haití
O equipo NOC de Haití organizou un evento de YouTube en haitiano e francés sobre o buraco negro coñecido como &#8220;Twou nwa&#8221; en haitiano.
c) Libia
Durante a Semana Mundial do Espazo 2022, o noso NOC de Libia, Amjed Khurwat, axudou a concienciar sobre a sustentabilidade no espazo. Ademais, presentou a competición NameExoWorlds 2022 para comezar a formar equipos que competirán para nomear un exoplaneta e a súa estrela anfitrioa.
7) Oportunidades
a) As candidaturas están abertas para o Premio Mulleres en Astronomía en África 2022
A Rede Africana de Mulleres en Astronomía (AfNWA), un subcomité da Sociedade Astronómica Africana, en colaboración co Programa Internacional de Ciencia da Universidade de Uppsala, Suecia, abriu candidaturas para os premios Mulleres en Astronomía en África 2022. O obxectivo do premio é recoñecer e apoiar os logros científicos e as contribucións á sociedade das mulleres na astronomía en África. Para obter información sobre a elixibilidade e para nomear candidatas, visita este sitio web. O prazo de presentación de propostas remata o 13 de novembro de 2022.
b) Apunta a data! Anúnciase AfAS-2023
A terceira conferencia anual da Sociedade Astronómica Africana (AfAS-2023) celebrarase de maneira presencial e en liña do 13 ao 17 de marzo de 2023. Marca as datas no calendario e presta atención aos próximos anuncios!
c) Foro sobre Astronomía en África 2022
O Foro sobre Astronomía en África 2022 terá lugar en liña o 25 de outubro de 2022. O Foro está aberto a membros das comunidades da astronomía profesional e amadora, divulgación e educación e responsábeis políticos. Para rexistrarte, fai clic nesta ligazón.
d) Simposio Virtual Astronomía para o Planeta Terra
O Simposio virtual de Astronomía para o Planeta Terra de 2022 ofrecerá unha perspectiva sobre a sustentabilidade de persoas expertas na materia e ofrecerá unha plataforma de debate. O simposio estenderase do 28 de novembro ao 2 de decembro nun horario de media xornada que abarcará todos os fusos horarios. Para rexistrarte e participar no Simposio, consulta a súa páxina web.
e) UNOOSA &#8211; Sonificación: ferramenta de investigación, divulgación e inclusión nas ciencias espaciais
A Oficina das Nacións Unidas para Asuntos do Espazo Exterior (UNOOSA) organiza un evento en liña en dúas partes sobre sonificación. Debatirán sobre a sonificación como ferramenta para contribuír tanto á divulgación como á investigación astronómica. A información recollida nas mesas de debate e a comunicación coas persoas participantes alimentará un próximo informe sobre sonificación do proxecto Space for Persons with Disabilities (Espazo para as Persoas con Discapacidade). Para rexistrarte no evento deste mes de novembro, consulta esta ligazón.
8) Recursos interesantes
a) As investigacións mostran que as “habilidades suaves” son necesarias para reter mulleres no inicio das súas carreiras en CTEM
Nun estudo lonxitudinal de mulleres en bioenxeñaría ao comezo da súa carreira, o equipo investigou a importancia das &#8220;habilidades suaves&#8221;, entre elas a comunicación, o traballo en equipo e a colaboración. Descubriron que, en comparación coas que non participaron na intervención, as mulleres ao inicio da súa carreira experimentaron beneficios duradeiros nas súas carreiras (é dicir, mellores valoracións de rendemento) como resultado da súa formación en habilidades suaves. Podes ler o artigo completo aquí.
b) Como afectan os mapas de cores na percepción?
Este artigo detalla como a nosa elección dos mapas de cores pode enganar a vista e distorsionar a análise de datos, e pode resultar inaccesíbel para persoas con diversas formas de daltonismo. Podes atopar máis información aquí.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 16

Boletín IAU de divulgación da astronomía: Setembro #2

Accepted Answer

Boletín IAU de divulgación da astronomía
Setembro #2
Neste boletín:
Nota editorial
Asunto destacado: anuncio das 100 horas de astronomía
1) Novos materiais para NameExoWorlds
2) 1 de decembro, final de prazo para os simposios e encontros da IAU
3) IV Obradoiro Shaw-IAU sobre Astronomía para a Educación
4) Campaña de financiamento Astronomía para a Equidade
5) A Sociedade Astronómica do Pacífico anuncia os premios 2022
6) Os equipos NOC Nepal e NOC Brunei únense para facer un descubrimento
7) Novas NOC
8) Oportunidades
9) Recursos interesantes
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Unha vez máis, presentamos “100 Horas de Astronomía”, a nosa celebración mundial continua da astronomía. Este ano, “100 Horas” cobra un significado especial xa que tamén celebramos o décimo aniversario da OAO. Baixo o noso lema, “Astronomía para todas as persoas”, pretendemos involucrar a comunidades de todo o mundo nas marabillas do Universo, así que botádelle un ollo ao asunto destacado que aparece a continuación para obterdes máis información sobre como participar vós e a vosa comunidade.
Considerade tamén unirvos ao noso proxecto en curso, NameExoWorlds. Forma un equipo para competir pola oportunidade de poñerlle nome a un exoplaneta e a súa estrela anfitrioa. De feito, podes xuntar tres dos programas máis interesantes da OAO. Por exemplo, como parte da participación no certame NameExoWorlds 2022, podes organizar unha charla pública sobre exoplanetas no marco do programa “Meet the IAU Astronomers”. Se o voso evento ten lugar entre o 1 e o 4 de outubro de 2022, rexistrade a vosa actividade no sitio web “100 Horas de Astronomía” para terdes a oportunidade de gañar un telescopio ou outros premios, ademais de recibir o apoio da OAO e da rede NOC da IAU. As oportunidades son ilimitadas cos programas da OAO!
A maior parte deste boletín dedícase a construír pontes ao servizo das futuras xeracións na astronomía. Animámosvos a participar no 4º Obradoiro Shaw-IAU sobre Astronomía para a Educación: ampliade as vosas redes mentres aprendedes de persoas expertas no campo da educación en astronomía. Se es membro da IAU, colabora cun equipo para organizar un simposio ou encontro que investigue paradigmas na ciencia e da sociedade. Se dispoñedes de recursos, valorade facer unha achega á campaña de financiamento de “Astronomía para a Equidade” para apoiar o futuro da astronomía en Libia. E non esquezades consultar as oportunidades e recursos descritos neste boletín! Desde programas de formación até sonificación de datos astronómicos, hai algo para todas as persoas.
Este boletín trae unha noticia das nosas Coordinacións Nacionais de Divulgación (NOC) de Brunei e Nepal que uniron forzas (e recursos) para facer o descubrimento provisional dun asteroide. Sentimos moito orgullo destes equipos por ser un exemplo do que significa ser parte da familia da IAU e dámoslles as grazas por mostrarnos o que é posíbel cando traballamos en equipo.
Como sempre, a rede NOC está á vangarda na construción de pontes coas súas comunidades. Aínda que moitos dos equipos NOC están ocupados preparando as “100 Horas de Astronomía” e NameExoWorlds, algúns aínda conseguiron organizar outras actividades este mes. Dámoslles as grazas polo seu esforzo, tanto entre bastidores como de forma pública. Prestade atención ás actualizacións deste incríbel grupo entregado á comunicación da astronomía.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: anuncio das 100 horas de astronomía
Do 1 ao 4 de outubro de 2022, a Oficina IAU para a Divulgación da Astronomía convoca 100 horas seguidas de celebración mundial da astronomía. A OAO convida a todas as persoas en todo o mundo a participar no evento, que ten como obxectivo involucrar o maior número posíbel de participantes no ceo e nas marabillas do noso Universo.
Este ano o programa inspírase no lema da OAO, “Astronomía para todas as persoas”. Celebrará o décimo aniversario da OAO invitando a toda a xente, en particular membros da comunidade astronómica profesional ou amadora, docentes, profesionais da divulgación e entusiastas da astronomía, a unirse para facer máis inclusiva a astronomía en todo o mundo.
Cando difundades o voso evento nas redes sociais, asegurádevos de usar #100HoursOfAstronomy e #IAUoutreach para que a OAO tamén axude a promover a vosa actividade.
Para obterdes máis información, consultade o anuncio aquí.
1) Novos materiais para NameExoWorlds
O equipo de NameExoWorlds creou novas imaxes que mostran a posición no ceo nocturno dos 20 sistemas cun exoplaneta coñecido que forman parte da campaña NameExoWorlds 2022. As imaxes mostran a localización de cada sistema nunha fotografía real das súas constelacións anfitrioas designadas pola IAU. No certame NameExoWorlds 2022, calquera persoa pode formar equipos constituidos por unha combinación de estudantes, docentes, entusiastas da astronomía ou membros da comunidade astronómica amadora e profesional, desenvolver unha iniciativa de divulgación astronómica e facer unha proposta para nomear un destes 20 exoplanetas e a súa estrela anfitrioa. Prestade atención a este recurso nas nosas contas de Facebook e Twitter nas próximas semanas!
2) 1 de decembro, final de prazo para os simposios e encontros da IAU
As propostas para os simposios e encontros da IAU en 2024 rematan o 1 de decembro. As Cartas de Intención recibidas están publicadas aquí. Anímase a todas as persoas afiliadas á IAU a que examinen esta listaxe e atopar formas de colaboración para producir unha proposta. Non é necesario ter enviado unha carta de interese para presentar unha proposta final.
3) IV Obradoiro Shaw-IAU sobre Astronomía para a Educación
A inscrición aínda está aberta para o IV Obradoiro Shaw-IAU sobre Astronomía para a Educación. O obradoiro deste ano céntrase no papel da astronomía na educación formal, primaria e secundaria, facendo especial fincapé na experiencia do profesorado. Pretende dar resposta ás seguintes cuestións: Como ensinamos a astronomía como materia propia? Cal é o papel da astronomía na ensinanza da física ou da química, ou mesmo do cambio climático? Como te relacionas coa túa administración? Como constrúes pontes entre os fundamentos que se ensinan habitualmente nas escolas e os resultados de vangarda da investigación?
Para máis información e para rexistrarte, fai clic aquí.
4) Campaña de financiamento Astronomía para a Equidade
Astronomía para a Equidade, unha nova iniciativa para apoiar a educación CTEM en comunidades marxinadas e illadas creada polo fundador de Astronomers Without Borders Mike Simmons, lanzou a súa primeira campaña de financiamento para levar telescopios aos clubs de astronomía de ensino medio en cinco cidades de Libia. Esta rede de clubs de estudantes foi creada por Royaa, unha ONG nacional libia, en colaboración co Ministerio de Educación de Libia. Estes clubs activos precisan telescopios para seguir inspirando estudantes de ciencias, incluídas as escolas de nenas e mozas, e atraer máis participantes e apoio. Por favor, apoia e comparte esta importante campaña para compartir o ceo co estudantado de Libia e dálle esperanza aos seus soños para o futuro! Para máis información, fai clic nesta ligazón. Para facer doazóns a esta campaña, fai clic aquí.
5) A Sociedade Astronómica do Pacífico anuncia os premios 2022
A ASP anunciou recentemente as persoas gañadoras dos seus premios 2022, incluídos os de divulgación astronómica, educación e participación afeccionada.
a) Premio Klumpke-Roberts por contribucións destacadas ao coñecemento público e apreciación da astronomía
Parabéns a Suzanne Gurton, Directora de Educación e Divulgación do Observatorio Nacional de Radioastronomía. Para obter máis información sobre as súas contribucións ao campo, consulta este sitio web.
b) Premio Richard H. Emmons á excelencia no ensino universitario de astronomía
Parabéns ao profesor George Greenstein, profesor emérito Sidney Dillon de Astronomía no Amherst College! Para obter máis información sobre os seus métodos de ensino innovadores, textos e explicacións, consulta este sitio web.
c) Premio de Divulgación Amadora Las Cumbres á divulgación destacada na comunidade astronómica amadora dirixida á infancia e o público xeral.
Parabéns a Billy Hix, membro da Von Braun Astronomical Society en Huntsville, Alabama, e fundador e director do programa de divulgación CTEM da Motlow College Foundation en Tennessee. Podes obter máis información sobre o seu incríbel traballo de divulgación e o seu tempo como educador neste sitio web.
d) Premio Gordon Myers ao logro amador por achados observacionais ou técnicos significativos na comunidade astrónoma amadora.
Parabéns a Paul D. Maley, membro de longa data da Sociedade Astronómica do Centro Espacial Johnson! Máis información sobre as súas contribucións á investigación astronómica neste sitio web.
6) Os equipos NOC Nepal e NOC Brunei únense para facer un descubrimento
Os equipos NOC Nepal e NOC Brunei, en colaboración coa Sociedade Astronómica de Nepal e a Sociedade Astronómica de Brunei Darussalam realizaron o seu primeiro descubrimento provisional dun asteroide, polo de agora chamado 2021 RE43. Este é un dos mellores exemplos de como a misión da IAU chega a bo porto. Parabéns aos dous equipos! Para saber máis, consulta esta ligazón.
7) Novas NOC
a) Haití
O equipo NOC Haití coordinou un evento en liña para falar sobre o Sol. Tamén se están preparando para as “100 Horas de Astronomía” e produciron un vídeo promocional este mes anunciando o seu evento.
b) Libia
O NOC Libia, Amjed Khurwat, creou unha fermosa compilación de imaxes que mostran a diferenza entre o telescopio espacial James Webb e o Hubble a partir das primeiras imaxes do JWST, descritas completamente en árabe.
c) Qatar
O noso NOC Qatar, Hani Dalee, en colaboración co Club Astronómico da Universidade de Qatar, Qatar Calendar House, a Unión Árabe para a Astronomía e as Ciencias do Espazo, a Sociedade Astronómica de Qatar e Astroever fotografía, liderou unha campaña de cinco días no deserto de Al Kharrara para fotografar a misión DART e ver Xúpiter na súa oposición.
8) Oportunidades
a) Evento gratuíto da Rede de Formación en Participación Pública
O 13 de outubro (12:00-14:30 UTC), a Rede de Formación en Participación Pública acollerá un evento para compartir e aprender de profesionais que traballan na materia. Descubre novos métodos e boas prácticas! A asistencia ao evento é gratuíta. Podes rexistrarte nesta ligazón.
b) Anota a data: Foro sobre Astronomía en África 2022
Para seguir creando impulso cara á Asemblea Xeral da IAU 2024, o próximo Foro sobre Astronomía en África terá lugar o 25 de outubro. Este evento totalmente virtual reunirá profesionais da astronomía, entusiastas da astronomía, especialistas en divulgación e educación e responsábeis políticos. Para máis información, consulta esta ligazón.
c) Formación do profesorado ESA-GTTP
A Axencia Espacial Europea e o Programa de Formación do Profesorado Galileo (GTTP, polas siglas en inglés) organizan un evento de formación para docentes. Este evento híbrido gratuíto terá lugar do 17 ao 21 de outubro de 2022 presencialmente en Madrid e tamén en liña. Entre outras actividades enriquecedoras, este evento formativo contará con oportunidades de traballo en rede e colaboración con profesorado e persoal científico. A organización afirma isto: &#8220;Participa neste curso de formación e volve á túa escola cun proxecto de investigación nas túas mans&#8221;. Para máis información, consulta esta ligazón. Para rexistrarte, fai clic aquí.
d) Desafío de observación da Terra en África
O Desafío de Observación da Terra en África é unha invitación aberta para estudantes e persoas en África dos campos da innovación, a empresa e o pensamento no sector da tecnoloxía espacial: un evento para calquera persoa implicada na utilización de datos espaciais para mellorar as vidas e as terras do continente africano. O reto está dirixido a procurar novas tecnoloxías espaciais que, cun pouco de investimento ou orientación, poidan converterse nun motor de cambio positivo. Se che apaixona a busca de solucións, tes cariño polo continente africano e ves oportunidades de facer o ben usando datos xeoespaciais, entón este desafío é para ti. Para unirte ao reto, fai clic aquí.
9) Recursos interesantes
a) Gravacións das II Xornadas de Educación Astronomía en Chile [Contido en castelán]
En xullo, a Coordinadora Nacional de Educación Astronómica de Chile organizou a segunda Conferencia de Educación Astronómica, que xuntou profesorado de ciencias, estudantes de grao e profesionais da comunicación, a astronomía e o astroturismo. Xa podes ver as gravacións das sesións na súa canle de YouTube.
b) Honrando as mulleres científicas, matemáticas, programadoras e paleontólogas esquecidas [Contido en inglés]
Moitas mulleres históricas na ciencia non recibiron o recoñecemento que merecían. Obtén información sobre unha selección destas brillantes científicas neste sitio web.
c) Sonificación das primeiras imaxes de JWST [Contido en inglés e sons]
A sonificación é unha práctica común para facer que as imaxes e os datos astronómicos sexan accesíbeis para as persoas con cegueira ou discapacidade visual transformando a información visual en son. Para a xente que ve, a sonificación presenta información astronómica dunha forma totalmente nova, que pode levar a novos coñecementos e novos descubrimentos. Próbao ti tamén; escoita tres das primeiras imaxes de JWST nesta ligazón.
d) Informe ISC sobre a crise en Ucraína [Contido en inglés e ucraíno]
O Consello Internacional da Ciencia publicou un informe sobre as respostas dos sectores europeos de educación superior e investigación á crise en Ucraína. No seu informe, detallan sete recomendacións para que a comunidade internacional apoie mellor os sistemas científicos afectados polos conflitos. Descarga o informe aquí.
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 17

Boletín IAU de divulgación da astronomía: Setembro #1

Accepted Answer

Boletín IAU de divulgación da astronomía
Setembro #1
Neste boletín:
Nota editorial
Asunto destacado: anuncio das 100 horas de astronomía
1) Concurso NameExoWorlds 2022
2) OAD permanecerá en Sudáfrica até 2027
3) A medida que os incendios forestais son máis extremos, os observatorios corren un maior risco
4) Enquisa Europlanet sobre recursos educativos [Contido en varios idiomas]
5) Enquisa sobre actividades extraescolares sobre o espazo despois da COVID-19
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
Nota editorial
Prezadas amigas, amigos e colegas,
Énchenos de orgullo anunciar outra celebración do décimo aniversario da Oficina IAU para a Divulgación da Astronomía: o noso evento de divulgación astronómica continua máis longo do ano, 100 Horas de Astronomía. Baixo o noso lema, “astronomía para todas as persoas”, pretendemos involucrar comunidades de todo o mundo nas marabillas do Universo. O asunto destacado deste boletín describe como podes participar.
Podes unirte a outro proxecto noso en curso, NameExoWorlds. Forma un equipo para competir pola oportunidade de nomear un exoplaneta e a súa estrela anfitrioa. De feito, podes xuntar tres dos programas máis interesantes da OAO. Por exemplo, como parte da túa participación no certame NameExoWorlds 2022, podes organizar unha conferencia sobre exoplanetas no marco da iniciativa “Meet the IAU Astronomers”. Se o teu evento ten lugar entre os días 1 e 4 de outubro de 2022, podes rexistralo como parte das 100 Horas de Astronomía para ter a oportunidade de nomear un exoplaneta e gañar un telescopio ou outros premios, ademais de recibir o apoio da OAO e a Coordinación Nacional de Divulgación da IAU. Hai numerosas oportunidades no marco dos programas da OAO.
Queremos mandar unha calorosa felicitación á nosa familia na Oficina IAU de Astronomía para o Desenvolvemento, que continuará o seu incríbel traballo en Sudáfrica até 2027.
Neste boletín tamén atoparás varios debates (e oportunidades para debater) sobre a astronomía e a comunicación astronómica no contexto dos fenómenos globais. Desde o cambio climático até o COVID-19, é interesante considerar como esta renovada perspectiva global cambiou a forma en que miramos a comunicación e a educación astronómica.
Como sempre, queremos darlles as grazas aos equipos das Coordinacións Nacionais de Divulgación, que, para alén das súas outras responsabilidades, atopan tempo para envolver as súas comunidades con actividades astronómicas sorprendentes. Máis abaixo damos conta dalgunhas das súas novas máis destacadas.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
Asunto destacado: anuncio das 100 horas de astronomía
Do 1 ao 4 de outubro de 2022, a Oficina IAU para a Divulgación da Astronomía convoca 100 horas seguidas de celebración mundial da astronomía. A OAO convida a todas as persoas en todo o mundo a participar no evento, que ten como obxectivo involucrar o maior número posíbel de participantes no ceo e nas marabillas do noso Universo.
Este ano o programa inspírase no lema da OAO, “Astronomía para todas as persoas”. Celebrará o décimo aniversario da OAO invitando a toda a xente, en particular membros da comunidade astronómica profesional ou amadora, docentes, profesionais da divulgación e entusiastas da astronomía, a unirse para facer máis inclusiva a astronomía en todo o mundo.
15 dos eventos que mellor involucren as súas comunidades gañarán un telescopio, como iniciativa especial do programa “Telescopios para todas as persoas”. Os telescopios foron amabelmente doados por entidades parceiras da OAO: Sterren Schitteren Voor Iedereen, a Universidade de Leiden e BRESSER. Os primeiros 100 eventos rexistrados nas “100 Horas de Astronomía” recibirán agasallos da Oficina IAU para a Divulgación da Astronomía, incluídas versións impresas da revista Comunicar Astronomía co Público. Para que o teu evento sexa elixíbel, comunícao á listaxe de eventos de divulgación da IAU a través deste formulario antes do 31 de setembro de 2022 ás 23:59 da túa hora local e desenvolve o evento durante as 100 horas de astronomía (1-4 de outubro, hora local). Podes atopar máis información sobre o concurso aquí.
Cando difundas o teu evento nas redes sociais, asegúrate de usar #100HoursOfAstronomy e #IAUoutreach para que a OAO tamén axude a promover a túa actividade.
Para obter máis información, consulta o anuncio aquí.
1) Concurso NameExoWorlds 2022
Para celebrar o décimo aniversario da súa Oficina de Divulgación Astronómica (OAO), a Unión Astronómica Internacional (IAU) lanzou un concurso para nomear 20 sistemas exoplanetarios que serán observados polo telescopio espacial James Webb. A competición, NameExoWorlds 2022, busca reunir tanto a profesionais da astronomía como ao público en xeral, dándolles a oportunidade de nomear os 20 exoplanetas seleccionados xunto coas súas estrelas anfitrioas. Podes ler máis información aquí.
2) OAD permanecerá en Sudáfrica até 2027
A Unión Astronómica Internacional (IAU) e a Fundación Nacional de Investigación de Sudáfrica (NRF) asinaron un acordo para seguir acollendo a Oficina de Astronomía para o Desenvolvemento (OAD) en Sudáfrica até 2027.
A OAD estivo aloxada en Sudáfrica desde que foi lanzada oficialmente en 2011. O ano pasado encargouse unha revisión independente da oficina. A revisión externa considerou que o rendemento da OAD é &#8220;sobresaliente baixo calquera punto de vista, e excepcional dado o pequeno tamaño do equipo principal, a súa misión global e os seus recursos relativamente modestos&#8221;.
Para saber máis, consulta aquí o anuncio da IAU.
3) A medida que os incendios forestais son máis extremos, os observatorios corren un maior risco
&#8220;Moitas veces a xente se sorprende ao escoitar que a comunidade astronómica está implicada no problema climático, porque ao principio pode parecer que non hai moita relación&#8221;, di Rector. &#8220;Mais a física do cambio climático é esencialmente a mesma física que usamos para estudar as atmosferas dos planetas, das nebulosas gasosas da nosa galaxia e máis aló&#8221;. A astronomía tamén nos fai entender o raro que é que un planeta sexa habitábel, porque hai moitos exemplos de &#8220;Terras fracasadas&#8221;, di. &#8220;De verdade, en efecto, non hai ningún outro lugar&#8221;.
Podes ler a historia completa aquí.
4) Enquisa Europlanet sobre recursos educativos [Contido en varios idiomas]
Nos últimos anos, os equipos de educación e divulgación do proxecto Europlanet 2024 Research Infrastructure (RI), o grupo de traballo de divulgación da Europlanet Society e a rede Europlanet Early Careers (EPEC) desenvolveron unha serie de recursos para apoiar o ensino das materias de ciencia, tecnoloxía, enxeñaría, artes e matemáticas (CTEAM). Entre eles, crearon aulas de ciencia planetaria e astrobioloxía listas para usar e actividades prácticas asociadas.
Agora buscan aproveitar a experiencia de profesionais da docencia, a educación e a divulgación da ciencia para comprender como mellorar os recursos máis recentes que desenvolveron. Europlanet pretende ofrecer recursos máis adaptábeis e fáciles de usar adaptados ás necesidades da comunidade. Tamén queren comprender os vosos intereses, o uso dos recursos de ciencia planetaria e se/como cambiaron as vosas necesidades e prácticas desde a pandemia de Covid-19. Podes responder a enquisa (dispoñíbel en 8 idiomas) aquí.
5) Enquisa sobre actividades extraescolares relacionadas co espazo despois da COVID-19
Un equipo da Federación Internacional de Astronáutica &#8211; Comité de Educación e Divulgación Espacial e do Consello Consultivo Xeración Espacial desenvolveron unha enquisa para analizar como, despois da COVID-19, poden apoiar mellor os sistemas educativos de todo o mundo mediante a colaboración co profesorado e desenvolver novas actividades espaciais que fomenten a creatividade e a imaxinación do alumnado. Para participar nesta enquisa e medir o impacto das actividades educativas espaciais realizadas na túa institución como parte dos plans estratéxicos de recuperación post-COVID-19, fai clic aquí.
6) Novas NOC
a) NOC Bahrein
A NOC de Bahrein, Myriam Alqassab, vén de concluír un campamento de verán durante o cal vinte estudantes de diversas procedencias e nacionalidades gozaron de actividades e sesións de formación relacionadas coa astronomía. Podes ver aquí un vídeo resumo do campamento.
b) NOC Bangladesh
O NOC de Bangladesh, Farseem Mohammedy, elaborou un folleto dos seus últimos proxectos e actividades. Tes máis información aquí.
Ademais, o equipo NOC de Bangladesh creou unha nova rede de tradución voluntaria formada por estudantes de ensino secundario e de grao. O seu primeiro proxecto foi traducir a imaxe astronómica do día á súa lingua nativa, o bengalí. Podes atopar o seu incríbel traballo aquí.
c) NOC Haití
Rulx Narcisse, que forma parte do equipo NOC Haití, impartiu dúas charlas para o público en xeral, incluíndo como pensan participar na competición NameExoWorlds 2022. Podes saber máis sobre isto no seu sitio web.
Outro membro do equipo NOC Haití, John Masken Larose, subiu un novo vídeo á súa serie de astronomía en crioulo haitiano. Podes velo aquí.
d) NOC Exipto
Membros do equipo NOC Exipto, xunto con profesionais do Instituto Nacional de Investigación de Astronomía e Xeofísica de Exipto, lideran un proxecto para observar e documentar a ortogonalidade do Sol no Santo dos Santos do Templo de Hibis o 6 de setembro. Este fenómeno foi documentado por primeira vez en película. Podes velo aquí.
e) NOC Etiopía
Kirubel Menberu, do equipo NOC de Etiopía, axudou a Sociedade Etíope de Ciencia Espacial a realizar a súa formación anual de verán sobre o espazo. O programa, que durou unha semana, incluíu cursos breves de iniciación en Métodos Científicos, Astronomía Observacional, Tecnoloxía de Satélites e Enxeñaría Aeroespacial para estudantes de secundaria. Até o momento, máis de 400 estudantes participaron nesta formación.
f) NOC Kuwait
Khaled Al-jaaman, o noso NOC en Kuwait, volveu asociarse co Centro Cultural Sheikh Abdullah Al Salem para levar as crianzas locais a unha aventura intergaláctica, da Vía Láctea á Galaxia de Andrómeda e aínda máis aló, até as primeiras imaxes do telescopio espacial James Webb.
7) Oportunidades
a) Curso en liña de Comunicación Científica para o Impacto Social
Este curso, organizado por Network for Advancing and Evaluating the Social Impact of Science, desenvolverase en liña este mes de outubro, do 4 ao 7. Organizado para audiencias do continente africano e do sur global, o curso explorará estratexias, prácticas e marcos de comunicación científica que poden axudar a que a ciencia teña máis impacto e sexa valiosa para a sociedade e que así os problemas sociais prementes poidan tratarse de forma máis eficaz. Para rexistrarte, fai clic aquí.
8) Recursos interesantes
a) Grandes Ideas de la Astronomía [Contido en castelán]
O libro “Grandes ideas en astronomía” da Oficina de Educación en Astronomía xa está dispoñíbel en castelán. Podes descargar este recurso de balde aquí.
b) Serie de seminarios web do International Science Council sobre comunicación científica [Contido en inglés]
A principios deste ano, o ISC realizou unha serie de cinco seminarios web sobre comunicación científica, que van desde os medios sociais até a comunicación científica en colaboracións multiinstitucionais. Podes atopar todos estes seminarios web neste sitio web.
c) Gravación da conferencia Global Hands-On Universe 2022 [Contido en inglés]
Global Hands-On Universe (GHOU) é unha organización sen ánimo de lucro dedicada a achegar ferramentas e recursos CTEM ás investigacións astronómicas para estudantes e docentes de todo o mundo. Hai pouco celebraron en liña unha conferencia, que sinalaba o seu 25 aniversario. Podes atopar a gravación aquí.
d) Perspectivas cósmicas: Astronomía holandesa na sociedade [Contido en inglés]
Este é un podcast que explora o impacto beneficioso da astronomía holandesa na sociedade, desde a construción de relacións internacionais positivas até a transferencia de tecnoloxía que cambia a vida. Podes unirte ao anfitrión, o comunicador científico Callum Griffiths, mentres desvela algúns dos maiores esforzos astronómicos das últimas décadas para descubrir novas perspectivas. Este podcast dun único episodio está dispoñíbel en todas as plataformas principais de podcasts e a través de Anchor.fm.
e) TransAstronautica e Slooh ofrecen acceso a telescopios para as escolas dos Estados Unidos [Contido en inglés]
TransAstronautica asociouse coa plataforma de astronomía en liña Slooh para que as escolas estadounidenses accedan a unha rede global de telescopios terrestres e espaciais para a caza de asteroides. Podes facer clic aquí para obter máis información. Para obter máis información sobre o seu programa de subvencións (para escolas estadounidenses), consulta esta ligazón. E fai clic aquí para reclamar a túa conta gratuíta de profesor (sen importar o país).
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 18

Boletín IAU de divulgación da astronomía: IAUGA 2022 #2

Accepted Answer

Boletín IAU de divulgación da astronomía
IAUGA 2022 #2
Neste boletín:
0) Nota editorial
1) Remate da XXXI Asemblea Xeral da IAU
2) Lanzamento do certame NameExoWorlds 2022
3) Tres primeiros obradoiros prácticos da IAU en Chile, Irán e Sudáfrica
4) Programa “Meet the IAU Astronomers!”
5) Diario electrónico da XXXI IAU GA 2022
6) Arquivo Fotográfico da XXXI IAU GA
7) A IAU OAO anuncia as propostas gañadoras da convocatoria “Under One Sky”
8) Conferencia CAP 2022 do 12 ao 16 de setembro en Sydney, Australia
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezadas amigas, amigos e colegas,
Durante a XXXII Asemblea Xeral da IAU (IAU GA, polas siglas en inglés) en Busan, Corea do Sur, a OAO anunciou o lanzamento da edición 2022 de NameExoWorlds, unha convocatoria na que o público volve ter a oportunidade de nomear un exoplaneta e a súa estrela anfitrioa. Como proba do interese verdadeiramente internacional pola astronomía, a primeira edición de NameExoWorlds en 2015 puxo nome a 19 exomundos, con máis de medio millón de votos de 182 países e territorios. En 2019, como parte das celebracións IAU100, a competición NameExoWorlds de 2019 ofreceu a todos os países a oportunidade de nomear un sistema planetario. Desta volta 112 países organizaron campañas nacionais que implicaron a participación directa de máis de 780000 persoas en todo o mundo. Nesta edición, os exomundos atópanse entre os primeiros obxectivos exoplanetarios do Telescopio Espacial James Webb (JWST), un observatorio espacial internacional liderado pola NASA cos seus socios, a ESA e a CSA, que tivo a súa primeira luz en xullo de 2022.
NameExoWorlds 2022 é unha colaboración entre o Grupo de Traballo do Comité Executivo sobre Nomenclatura de Sistemas Exoplanetarios e a Oficina de Divulgación Astronomía da IAU. Nesta edición, a IAU quere que o público xeral e as comunidades da astronomía amadora e a ciencia exoplanetaria se xunten para nomear este novo conxunto de exomundos dispoñíbeis. Pode formar un equipo calquera persoa, por exemplo estudantes e docentes, entusiastas da astronomía e membros das comunidades da astronomía amadora e a ciencia exoplanetaria, e propoñer nomes para 20 sistemas exoplanetarios, cada un dos cales consta dun exoplaneta coñecido e a súa estrela anfitrioa.
Neste boletín atoparás instantáneas da XXXI IAU GA 2022, que tivo lugar en Busan, Corea do Sur. Se non puideches unirte a nós esta vez, valora formar parte da XXXII Asemblea Xeral da IAU de 2024 en Cidade do Cabo, Sudáfrica!
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Remate da XXXI Asemblea Xeral da IAU
A XXXI Asemblea Xeral da Unión Astronómica Internacional (IAU) rematou o 11 de agosto de 2022 en Busan, Corea do Sur. Tras ser aprazada un ano debido á pandemia de COVID-19, a reunión celebrouse por primeira vez de forma híbrida, con arredor de 1200 participantes presenciais e 700 en liña. A conferencia incluíu sete simposios, 10 encontros temáticos e moitas máis reunión das divisións, comisións e grupos de traballo da IAU.
Para saber máis: https://www.iau.org/news/pressreleases/detail/iau2210/
2) Lanzamento do certame NameExoWorlds 2022
Para celebrar o décimo aniversario da Oficina de Divulgación Astronómica (OAO), a Unión Astronómica Internacional (IAU) lanza un certame para nomear 20 sistemas exoplanetarios que serán observados polo JWST. A convocatoria, NameExoWorlds 2022, anunciouse nunha rolda de prensa na XXXI Asemblea Xeral da IAU, celebrada en Busan, Corea do Sur. O certame busca reunir a comunidade astronómica profesional e o público xeral para darlles a oportunidade de nomear os 20 exoplanetas seleccionados xunto coas súas estrelas anfitrioas.
Máis información: https://www.iau.org/news/pressreleases/detail/iau2209/
3) Tres primeiros obradoiros prácticos da IAU en Chile, Irán e Sudáfrica
Na XXXI Asemblea Xeral da IAU en Busan, Corea do Sur, anunciouse que terán lugar tres obradoiros prácticos da IAU (I-HOW, “Hands-On Workshops”) en 2022-2023. Xa está aberta a inscrición para dous deles e en breve abrirase para un terceiro. A iniciativa I-HOW lanzouse o ano pasado e ensinará como acceder e analizar os datos astronómicos arquivados para a súa investigación a persoas que están iniciando as súas carreiras científicas en países en desenvolvemento.
Máis información: https://www.iau.org/news/pressreleases/detail/iau2208/
4) Programa “Meet the IAU Astronomers!”
O programa “Meet the IAU Astronomers!” pretende facilitar o contacto de profesionais da astronomía co público xeral. A través do programa, a comunidade da astronomía amadora, as persoas que se dedican á educación informal, o profesorado e outros grupos organizados poden convidar profesionais da astronomía para que impartan charlas e compartan a marabilla do universo con xente de todo o mundo. Ao longo da IAU GA, a OAO acolleu varias sesións sobre o programa co obxectivo de destacar por que relacionarse coa súa comunidade pode ser un intercambio de experiencias enriquecedor para todas as persoas implicadas. Podes solicitar o teu evento a través deste formulario.
Para saber máis:
https://www.iau.org/public/meettheiauastronomers/#:~:text=Programme,astronomers%20for%20a%20virtual%20presentation
5) Diario electrónico da XXXI IAU GA 2022
A XXXI GA da IAU en Busan, Corea do Sur, cubriu unha ampla gama de temas científicos, educativos e culturais. Para saber máis sobre o que se aprendeu durante a asemblea, podes consultar o xornal electrónico, elaborado a diario, na ligazón seguinte: https://www.iauga2022.org/board/board.asp?sMenu=med2&bbsCate=EN
6) Arquivo Fotográfico da XXXI IAU GA
Perdiches a GA, queres ver como foi ou queres compartir algúns dos mellores momentos? No arquivo de fotos atoparás unha gran variedade de imaxes da conferencia. Compárteos nas túas redes coa etiqueta #IAUGA2022!
Arquivo de imaxes: https://iau.org/public/images/archive/category/general_assembly_2022/
7) A IAU OAO anuncia as propostas gañadoras da convocatoria “Under One Sky”
A convocatoria de propostas de IAU Under One Sky apoia proxectos que utilizan a astronomía cultural, a divulgación astronómica e a comunicación astronómica para recoñecer o coñecemento indíxena e respectar os sistemas de aprendizaxe indíxenas cun enfoque baseado nos dereitos. Os proxectos seleccionados recibirán subvencións de até 2000 euros para desenvolver actividades durante o Día Internacional dos Pobos Indíxenas do Mundo das Nacións Unidas (9 de agosto de 2022). Este programa é un legado das celebracións do IAU100 e faise posíbel grazas ao xeneroso apoio do Observatorio de Leiden (Holanda) e do Premio de Comunicación NWO 2020.
Máis información: https://www.iau.org/news/announcements/detail/ann22031/
8) Conferencia CAP 2022 do 12 ao 16 de setembro en Sydney, Australia
A Conferencia “Comunicar astronomía co público” terá lugar do 12 ao 16 de setembro en Sydney, Australia. Esta conferencia híbrida centrarase en temas relacionados coa &#8220;astronomía para un mundo mellor&#8221;, con sesións especiais sobre astronomía planetaria e indíxena. A inscrición en liña aínda está aberta!
Máis información: https://capconferences.org/2022/registrationabstracts/#registration
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 19

Astronomía para o desenvolvemento: axudemos as familias refuxiadas de Afganistán

Accepted Answer

O regreso dos talibáns ao goberno de Afganistán supuxo un radical retroceso dos dereitos civís e da xa precaria situación humanitaria naquel país. A suma dos efectos da pandemia, a seca, a crise económica e a suspensión da axuda estranxeira puxeron a 23 millóns de persoas en risco de inseguridade alimentaria e fame, entre elas tres millóns de crianzas, segundo informou en decembro a ONU. A acción dos talibáns provocou o desaloxo de miles de familias dos seus fogares e botou abaixo os mínimos avances conseguidos no ámbito dos dereitos fundamentais. En particular, a vida para as nenas e as mulleres é agora moito máis difícil do que xa era antes, pois ven cuestionado o seu dereito á educación e ao traballo e carecen de mecanismos legais de protección ante a violencia sexual e de xénero. A vida diaria está marcada polas ameazas, a violencia e os asasinatos.
APOIO Á COMUNIDADE ASTRONÓMICA DE AFGANISTÁN
A Unión Astronómica Internacional (IAU, polas siglas en inglés) lanzou desde o primeiro momento un chamamento de axuda e colaboración coa pequena mais moi activa comunidade astronómica afgá. A Coordinadora Nacional de Divulgación da IAU en España púxose en contacto o verán pasado con todas as persoas que puido para interesarse polas súas necesidades, facer un seguimento dos seus casos e prestar a axuda que for factíbel para garantir os seus dereitos como refuxiadas. Algunhas conseguiron saír de Afganistán con colosais dificultades, como é o caso da enxeñeira e divulgadora Amena Karimyan, mais hai moitas outras familias no proceso de conseguir os permisos e os recursos para intentar vir a Galicia. Familias que precisan a nosa axuda.
A MARISTELA: ACOLLENDO FAMILIAS REFUXIADAS EN SOBRADO DOS MONXES
A asociación de mulleres rurais A Maristela de Sobrado dos Monxes está dedicando inmensos esforzos para acoller familias refuxiadas afgás en colaboración co Concello e o Mosteiro de Sobrado. Xa hai dúas familias establecidas e axiña virán máis, por exemplo a de Elnaz Osmani, unha estudante afgá de 17 anos pertencente a un activo grupo de astronomía que espera viaxar de xeito inminente para iniciar unha nova vida e proseguir cos seus estudos.
A Agrupación Astronómica Coruñesa Ío, xunto coa Fundación Ceo Ciencia e Cultura, organiza diversas actividades de divulgación que pretenden dar a coñecer a terríbel situación que se vive en Afganistán e mostrar como a astronomía é unha ferramenta máis en favor do desenvolvemento. Pedimos que nos axudedes a facilitarlle unha oportunidade ás familias refuxiadas que o necesitan e convidámosvos a que marquedes na axenda a tarde-noite do sábado 24 de setembro, cando celebraremos unha gran festa da astronomía solidaria en Sobrado dos Monxes. Agardámosvos!

Question 20

Amnesia generacional

Accepted Answer

Sentímolo moito, ista entrada atopase unicamente en Español.

Question 21

Boletín IAU de divulgación da astronomía: IAUGA 2022 #1

Accepted Answer

Boletín IAU de divulgación da astronomía
IAUGA 2022 #1
Neste boletín:
0) Nota editorial
1) Programa “Meet the IAU Astronomers!”
2) Conecta co xornal electrónico da XXXI Asemblea Xeral da IAU
3) Sesión conxunta de satélites KASI-OAO na IAU GA
4) Posto da OAO na IAU GA
5) Comunicado de prensa: NameExoWorlds 2022
6) Contribucións na IAU GA da rede NOC da IAU
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezadas amigas, amigos e colegas,
Saúdos dende a XXXI Asemblea Xeral da IAU (IAU GA, polas siglas en inglés) en Busan, Corea do Sur! O equipo completo da OAO está aquí para tecer conexións, apoiar as coordinacións nacionais de divulgación e involucrar a comunidade da IAU na comunicación da ciencia da astronomía. Se estás aquí na GA, pasa polo noso posto para falar sobre a divulgación no teu país. Se te unes a nós virtualmente, consulta o apartado XXX para conectar connosco en liña.
A primeira semana da Asemblea Xeral foi incribelmente emocionante e a segunda semana vai ser aínda mellor. Os seguintes apartados dan conta dalgúns dos aspectos máis destacados, incluído o lanzamento da edición 2022 de NameExoWorlds. Para máis información, consulta a entrada correspondente e as ligazóns que indicamos máis adiante. Independentemente de que asistas ou non á asemblea, esperamos que participedes coas actividades a través deste Boletín e do xornal electrónico oficial da IAU GA.
Haberá outra edición especial deste boletín informativo sobre a IAU GA a finais de mes para mirarmos atrás e facer resumo das nosas experiencias da conferencia completa.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Programa “Meet the IAU Astronomers!”
O programa “Meet the IAU Astronomers!” pretende facilitar o contacto de profesionais da astronomía co público xeral. A través do programa, a comunidade da astronomía amadora, as persoas que se dedican á educación informal, o profesorado e outros grupos organizados poden convidar profesionais da astronomía para que impartan charlas e compartan a marabilla do universo con xente de todo o mundo. Ao longo da IAU GA, a OAO acollerá varias sesións sobre o programa co obxectivo de destacar por que relacionarse coa súa comunidade pode ser un intercambio de experiencias enriquecedor para todas as persoas implicadas. Pasa polo posto da OAO virtualmente ou en persoa para obter máis información e solicita o teu evento a través deste formulario.
2) Conecta co xornal electrónico da XXXI Asemblea Xeral da IAU
Tanto se vas asistir á XXXI IAU GA en Busan como se non, podes ler o boletín electrónico da asemblea. Esta publicación en liña gratuíta publicarase todos os días do congreso e cubrirá temas que se tratarán durante as sesións da xornada. Podes atopar isto e moito máis no seu sitio web.
3) Sesión conxunta de satélites KASI-OAO na IAU GA
Se vas asistir á XXXI Asemblea Xeral da IAU (xa sexa virtualmente ou en persoa), o Instituto Coreano de Astronomía e Ciencia Espacial (KASI) e a Oficina de Divulgación da Astronomía da IAU convídante ao Evento Satélite de Divulgación da Astronomía o 9 de agosto de 2022 en Busan. Este evento aberto composto por charlas e un obradoiro pretende unir a comunidade astronómica de divulgación coreana coa comunidade astronómica da IAU. Para obter máis información, consulta este sitio web.
4) Posto da OAO na IAU GA
Durante a XXXI Asemblea Xeral da IAU en Busan, o equipo da OAO está encantado de recibir a xente da IAU e o resto de profesionais da astronomía participantes. Durante estas dúas semanas o equipo espera interactuar con asistentes virtuais e presenciais tanto como for posíbel. Calquera asistente pode pasar cando queira para conversar individualmente ou reservar unha reunión en liña a través desta ligazón.  Ademais, os equipos de OAO invitan as persoas que asistan virtualmente a unirse ás que asisten en persoa para charlas informais sobre os programas e actividades de OAO que poden fomentar futuras colaboracións para compartiren as marabillas do universo coas súas comunidades.
5) Comunicado de prensa: NameExoWorlds 2022
A IAU ten o pracer de anunciar a nova edición de NameExoWorlds. Grupos de todo o mundo poden unirse á comunidade da astronomía profesional e amadora, entusiastas da astronomía, docentes e estudantes para propor un nome para un dos vinte exoplanetas e as súas estrelas anfitrioas. Todos os nomes propostos serán xulgados por un panel e, de ser seleccionados, recoñeceranse como o nome oficial do sistema exoplanetario. Para obter máis información, consulta este sitio web.
6) Contribucións na IAU GA da rede NOC da IAU
A rede NOC da IAU estará ben representada na Asemblea Xeral en Busan. A continuación móstrase unha listaxe das contribucións (que inclúen pósters, charlas virtuais, comunicacións e palestras convidadas) das persoas que forman parte da rede NOC e participan de xeito remoto ou presencial. Non deixedes de ver o seu traballo!
NOC Botswana: Molly Kgobathe, “Oportunidades astronómicas en Botsuana”
NOC Brasil: Eduardo Penteado, “Coordinador global IAU100 NameExoWorlds”
NOC Chile: María Fernanda Durán, “Romper as barreiras: Engadindo elementos inclusivos á divulgación astronómica”
NOC China Nanjing: Jin Zhu, “Observación da estación espacial chinesa como ferramenta para promover a atención do público ao ceo nocturno e a astronomía”
Vice-NOC Colombia: Camilo Delgado-Correal, “Astronomía con sentido social”
NOC Exipto: Somaya Saad, “Actividades de divulgación en Exipto”
Co-NOC Grecia: Margarita Metaxa, “Actividades NOC realizadas en Grecia en colaboración con IAU/OAO, 2022”
Co-NOC Hong Kong: Exodus Chun-Long Sit, “Inspiración da IAU 100: Novos enfoques da comunicación astronómica (en Hong Kong) durante a COVID-19”
NOC India: Samir Dhurde, “Baixo custo e grande escala: unha clave para chegar á maioría da xente”
NOC Madagascar: Zara Randriamanakoto, “Construíndo unha rede de astronomía amadora en Madagascar”
Vice-NOC de Malaisia: Fairos Asillam, “Programa de divulgación virtual como plataforma alternativa para a educación en astronomía: un exemplo en Malaisia”
NOC Marrocos: Meriem Elyajouri, “Astronomía pública en Marrocos: oportunidades e desafíos”
Observador NOC Marrocos: Zouhair Benkhaldoun, “Covid 19: Como afrontamos o illamento para as actividades de divulgación astronómica?”
Co-NOC Nepal: Suresh Bhattarai, “Astronomía en Nepal: creación dun legado de divulgación científica”
Co-NOC Nepal: Manisha Dwa, “Divulgación da astronomía para un ambiente inclusivo en Nepal, impactos e desafíos”
NOC Paquistán: Yumna Majeed, “Educación espacial e divulgación en Paquistán”
NOC España: Ana Ulla-Miguel, “OAO NOC Actividades españolas”
NOC Sri Lanka: Dhanushka Amaradasa, “Actividades astronómicas prácticas en liña para crianzas durante a COVID-19”
NOC Tunisia: Mayssa El Yazidi, “Inclusión e aspectos interculturais das actividades de Astro-Turismo: proxecto de astro-camping en Djerba, o primeiro paso para desenvolver a Astronomía en Tunisia”
NOC Vietnam: Nguyen Tan Vu, “Unha historia sobre a divulgación da astronomía en Vietnam: dun club de astronomía afeccionada a un ecosistema #scicomm en crecemento”
Para máis información, consulta o noso programa de eventos neste sitio web.
7) Oportunidades
a) Obradoiro de visión por raios X do universo de altas enerxías (X-VISION 2023).
Este é un esforzo conxunto da IAU, I-HOW e COSPAR Capacity Building Workshop. Celebrarase no Centro para a Investigación do Espazo for Space Research, North-West University Potchefstroom, África do Sur, do 6 ao 17 de febreiro de 2023. A organización anima a xuventude que investiga a participar neste obradoiro gratuíto. Para máis información, consulta esta ligazón.
b) Observacións do Sol co Satélite Hinode
Kentaro Yaji, do Instituto Nacional de Ciencias Naturais e do Instituto Nacional de Ciencia da Fusión, organiza unha observación do Sol co satélite Hinode do 22 ao 27 de agosto de 2022. Para obter máis información e marcar unha colaboración coa túa escola, consulta o seu sitio web ou contacta directamente con Kentaro Yaji. kentaro.yaji@gmail.com
c) Reunión virtual da Asociación Africana de Planetarios
A Asociación Africana de Planetarios (APA, polas siglas en inglés) organiza unha reunión virtual para planetarios en África. Dentro dunha estratexia máis ampla, este encontro levará a cabo obradoiros presenciais e híbridos. A reunión celebrarase o 26 de agosto de 2022. Para obter máis información e rexistrarte, consulta esta ligazón.
8) Recursos interesantes
a) Explicación das primeiras imaxes de JWST de Prajval Shastri
Podes ver aquí como explica Prajval Shastri as primeiras imaxes do telescopio espacial James Webb e así mergullarte na ciencia que hai detrás delas.
b) Boletín “Astronomers for Planet Earth”
“Astronomers for Planet Earth” é unha organización dedicada a abordar a crise climática desde unha perspectiva astronómica. O seu boletín inclúe recursos e plans de acción de todo o mundo. Para ler o seu número máis recente, fai clic aquí. Para máis información, consulta o seu sitio web aquí.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 22

Boletín IAU de divulgación da astronomía: Xullo #1

Accepted Answer

Boletín IAU de divulgación da astronomía
Xullo #1
Neste boletín:
0) Nota editorial
1) Novo lanzamento do programa “Meet the IAU Astronomers!”
2) Aberto o envío de resumos para o obradoiro Shaw-IAU sobre Astronomía para a Educación
3) A organización da conferencia AstroEDU 2023 procura comentarios
4) Obradoiro CTEAM-Med do Centro OAE Italia
5) A Fundación Heising-Simons financia a IAU e a AUI
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezadas amigas, amigos e colegas,
Neste boletín atoparás moitas oportunidades para interactuar co público xeral e coa xente que se dedica á astronomía. En particular, a Oficina para a Divulgación da Astronomía relanzou o programa “Meet the IAU Astronomers!”. Podedes rexistrarvos para que profesionais da astronomía da IAU participen nos vosos eventos virtuais ou presenciais. O noso equipo organizará coidadosamente unha experiencia de divulgación que se adapte ás vosas necesidades e intereses.
Para as persoas que se dedican á educación: valorade enviardes un resumo ao obradoiro Shaw-IAU de Astronomía para a Educación e achegade os vosos comentarios para a próxima conferencia AstroEDU. O voso traballo é moi importante e debería ser compartido co mundo.
No boletín tratamos tamén diversas oportunidades de contacto e formas de mellorar as vosas prácticas. Agardamos que as aproveitedes e compartades as vosas experiencias connosco.
Coma sempre, queremos darlles as grazas ás persoas que levan a Coordinación Nacional de Divulgación (NOC) polo incríbel traballo que realizan para promoveren a astronomía nos seus países. De feito, unha das nosas NOC, Meriem El Yajouri (Marrocos), foi recoñecida polo seu traballo na comunicación astronómica en Marrocos. Sentimos moito orgullo e dámoslle os parabéns a Meriem e a todo o equipo NOC Marrocos.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Novo lanzamento do programa “Meet the IAU Astronomers!”
A través do programa “Meet the IAU Astronomers!” a xente que practica astronomía de xeito amador, fai educación informal ou se dedica á docencia pode solicitar eventos virtuais ou presenciais para que membros da IAU poidan falar co público sobre a súa investigación astronómica, a importancia da astronomía para a sociedade e a elección da astronomía como carreira. O programa ten como obxectivo que calquera comunidade poida coñecer profesionais da astronomía, sexa cal for o lugar do mundo de que se trate. Se tes interese neste programa, enche este formulario.
Asegúrate de enviar o formulario polo menos tres semanas antes da data preferida para o teu evento. Se tes algún problema para acceder ao formulario ou prefires unha forma alternativa de enviar a túa información, ponte en contacto en meet.astronomers@oao.iau.org.
2) Aberto o envío de resumos para o obradoiro Shaw-IAU sobre Astronomía para a Educación
Xa está aberto o envío de resumos para o obradoiro Shaw-IAU sobre Astronomía para a Educación, do 15 ao 17 de novembro. O tema do obradoiro é &#8220;aproveitar o potencial da astronomía para a educación formal&#8221;. En concreto, neste obradoiro abordaranse as preguntas: Como ensinamos astronomía? Cal é o papel da astronomía no ensino da física, a química ou o cambio climático? Para obter máis información, preme nesta ligazón. Para enviar un resumo, suxerir conferenciantes e rexistrarte no obradoiro, visita este sitio web.
3) A organización da conferencia AstroEDU 2023 procura comentarios
A organización de AstroEdu 2023 procura comentarios sobre o mellor formato para a conferencia, co obxectivo de facela accesíbel, equitativa e respectuosa co clima. Podes encher esta pequena enquisa para rexistrar a túa opinión. Para obter máis información sobre AstroEdu, consulta esta ligazón.
4) Obradoiro CTEAM-Med do Centro OAE Italia
O Centro OAE Italia organizou un obradoiro presencial, CTEAM-Med, con preto de trinta representantes do Mediterráneo para discutir sobre a educación científica en primaria e secundaria, co foco na aprendizaxe centrada no alumnado. Para máis información, visita este sitio web.
5) A Fundación Heising-Simons financia a IAU e a AUI
A IAU e a AUI recibiron 126.500 dólares da Fundación Heising-Simons para apoiar o proxecto Mulleres e Nenas na Astronomía e o Fondo de Subvencións de Viaxes para Membros Júnior da IAU. Para saber máis, consulta esta ligazón.
6) Novas NOC
a) NOC Bahrein
A NOC de Bahrein, Myriam Algassab, organizou unha serie de eventos polo Día do Asteroide o 30 de xuño, incluída unha actividade de debuxo de asteroides. Podes ver os debuxos aquí e un vídeo que resume o evento aquí.
b) NOC Haití
O equipo NOC Haití organizou un evento polo Día do Asteroide o 30 de xuño e elaborou un vídeo que mostra as súas actividades. Ademais, grazas ao traballo do membro do equipo John Masken Larose, está listo o último episodio de “Géologie et Astronomie en Haïti” Podes velo canda os outros episodios na súa canle de YouTube.
c) NOC Kuwait
O NOC Kuwait, Khaled A Al-jamaan, continúa este mes cos obradoiros de Astronomía Pequeniña. A rapazada de 7 a 11 anos aprendeu sobre o Sol e a súa importancia observándoo a través de telescopios solares.
d) NOC Marrocos
O equipo NOC Marrocos, incluído o profesor Hassan Darhmaoui, axudou a organizar a décima edición do Festival de Astronomía de Ifrane. Persoas que practican astronomía de xeito amador ou a astrofotografía, profesionais da astronomía e docentes compartiron a súa paixón a través de actividades, obradoiros educativos e sesións de observación das estrelas. A nosa NOC Marrocos, Meriem El Yajouri, tamén foi recoñecida polas súas incríbeis contribucións á promoción da astronomía no seu país. Ademais, El Mehdi Essaidi, do equipo NOC Marrocos, colaborou con asociacións locais de crianzas con discapacidade da provincia de Tiznit para traballar na sensibilización no marco da educación inclusiva.
e) NOC Venezuela
O noso NOC Venezuela, Ángel Díaz,  comezou un boletín de divulgación astronómica. Podes atopar máis actualizacións do Departamento de Divulgación Científica e Astronómica do “Centro de Investigaciones de Astronomía” (CITA) e da comunidade de astronomía amadora de Venezuela aquí e aquí.
7) Oportunidades
a) Seminario web do subgrupo de traballo da IAU para a divulgación inclusiva da astronomía
O subgrupo de traballo da IAU para a divulgación inclusiva da astronomía organiza un seminario web sobre astronomía inclusiva para profesionais da divulgación, a comunidade da astronomía amadora e calquera persoa interesada no tema. A data límite para presentar unha proposta é o 10 de xullo. Podes rexistrarte aquí.
b) Programa de titorías INGSA-África
A Rede Internacional de Asesoramento Científico ao Goberno (INGSA), sección África, ten como obxectivo apoiar o persoal investigador en áreas de ciencia mentres aprenden a comunicar mellor a súa ciencia co público e avanzar políticas científicas. As persoas que exerzan as mentorías deben ser líderes nos seus campos con experiencia substancial en comunicación científica. Podes atopar máis información aquí.
c) Fórum Social SciComm Xapón
Únete ao “Japan SciComm Forum” nun evento en liña de 90 minutos no que líderes do campo da comunicación científica compartirán as súas experiencias. O próximo evento terá lugar o 22 de xullo ás 10:00 UTC e centrarase no uso das redes sociais para a comunicación científica. Para obter máis información e inscribirse no evento, visita a súa páxina web.
8) Recursos interesantes
a) “Talk Back Better: Six Takeaways on Science Communication” [Contido en inglés]
O Consello Internacional da Ciencia concluíu recentemente un seminario web sobre comunicación científica. Neste artigo, o anfitrión Nick Ishmael-Perkins resume as súas seis conclusións máis importantes da serie. Podes velas aquí para incorporalas á túa práctica de comunicación astronómica.
b) Nova aplicación de realidade aumentada sobre mulleres históricas na astronomía [Contido en inglés]
A aplicación “Reach Across The Stars” permite que as persoas usuarias entren nunha experiencia de realidade aumentada e interactiva para aprenderen sobre mulleres históricas na astronomía. Para obter máis información sobre as mulleres que aparecen na aplicación e a propia aplicación, fai clic aquí.
c) “The Science of Stories and the Stories of Science” [Contido en inglés]
Neste artigo atoparás unha descrición da ciencia da narración, como permite a comunicación e como se pode usar para a comunicación científica. Fai clic aquí para obter máis información.
d) “ The Queer Variable: Interviews with Insightful LGBTQ+ People in STEM” [Contido en inglés]
Este libro en liña gratuíto presenta as experiencias e perspectivas das persoas LGBTQI+ que traballan en áreas CTEM a través dun conxunto de 40 entrevistas. Sobre a colección, o co-comisario do libro, o doutor Shaun O&#8217;Boyle, di: &#8220;Esperamos que as persoas LGBTQ+ que estudan materias CTEM ou traballan en campos CTEM atopen neste libro historias coas que poidan relacionarse e aprender. Agardamos que estas historias axuden outras persoas a navegaren polo mundo CTEM como persoas LGBTQ+&#8221;.
Podes atopar o libro en liña aquí.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Andrea Ahumada, do Observatorio Astronómico da Universidad Nacional de Córdoba, e Ileana Andruchow, do Instítuto de Astrofísica de La Plata, da Universidad Nacional de La Plata. Poden atoparse aquí as traducións dos anteriores boletíns, feitas por Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas ao Grupo Haitiano de Tradución da Astronomía (GTHA) da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astronomía Amadora ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 23

Boletín IAU de divulgación da astronomía: Xuño #2

Accepted Answer

Boletín IAU de divulgación da astronomía
Xuño #2
Neste boletín:
0) Nota editorial
1) Inscrición aberta para o obradoiro Shaw-IAU sobre Astronomía para a Educación
2) Novo logotipo e sitio web para CPS
3) A IAU e o Fondo Internacional Visegrád lanzan un programa de mobilidade para estudantes de astronomía
4) Mapa de Divulgación Mundial “Falling Walls”
5) Sobre a Lúa de novo
6) Novas NOC
7) Resultados do esquema de financiamento NOC 2022: Madagascar e Senegal
8) Oportunidades
9) Recursos interesantes
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezadas amigas, amigos e colegas,
Neste boletín presentamos moitas oportunidades interesantes para compartir o teu traballo en comunicación e educación astronómica, así como para aprender das experiencias doutras persoas. Animámosvos a asistir ao obradoiro Shaw-IAU sobre Astronomía para a Educación, unha excelente oportunidade para tecer rede, escoitar opinións expertas na materia e compartir as mellores prácticas. Para alén deste obradoiro hai outras iniciativas próximas no tempo: a campaña “Sobre a Lúa de novo”, o mapa de divulgación mundial “Falling Walls” e a Conferencia PARI2022 que se celebrará a mediados de xullo.
Tamén nos encanta presentar algúns dos primeiros traballos do plan de financiamento NOC 2022: as oficinas NOC de Madagascar e Senegal colaboraron para acoller obradoiros para líderes de clubs de astronomía. A través dos obradoiros, a mocidade que participou está agora encamiñada a achegar a astronomía ás súas comunidades. É un exemplo representativo de como a rede NOC está dedicada a mellorar o acceso ás materias CTEM para a próxima xeración. Sentimos orgullo de fomentar esta rede de comunicación astronómica e agradecémoslles o seu importante traballo.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Inscrición aberta para o obradoiro Shaw-IAU sobre Astronomía para a Educación
Xa está aberta a inscrición para o obradoiro Shaw-IAU sobre Astronomía para a Educación, que terá lugar do 15 ao 17 de novembro! O tema do obradoiro é &#8220;aproveitar o potencial da astronomía para a educación formal&#8221;. En concreto, neste obradoiro abordaranse as preguntas: Como ensinamos astronomía? Cal é o papel da astronomía no ensino da física, a química ou o cambio climático?
Para rexistrarte, fai clic aquí.
2) Novo logotipo e sitio web para CPS
Acaba de darse a coñecer o logotipo e sitio web do novo Centro IAU para a Protección do Ceo Escuro e Tranquilo contra a Interferencia das Constelacións de Satélites (CPS).Para obter máis información sobre os seus programas, a protección do ceo escuro e tranquilo e as súas actividades, consulta o seu sitio web.
3) A IAU e o Fondo Internacional Visegrád lanzan un programa de mobilidade para estudantes de astronomía
En colaboración co Fondo Internacional Visegrád, a IAU está a patrocinar bolsas para estudantes de licenciatura e mestrado nos países do grupo Visegrád: República Checa, Hungría, República de Polonia e República Eslovaca. Para saber máis, consulta esta ligazón.
4) Mapa de Divulgación Mundial “Falling Walls”
Únete a unha comunidade global de comunicación científica engadindo as túas actividades de divulgación ao Mapa de Divulgación Mundial “Falling Walls” (Derrubando Muros). Tes máis información aquí.
5) Sobre a Lúa de novo
A Sociedade Astronómica Francesa ten o orgullo de presentar “Sobre a Lúa de novo”, un evento que terá lugar do 8 ao 10 de xullo. Descubre como podes participar, consulta o seu sitio web e rexistra o teu evento en liña aquí.
6) Novas NOC
a) NOC Bahrein
A NOC de Bahrein, Myriam Algassab, organizou un día completo de actividades para celebrar o Día dos Asteroides o 30 de xuño, que inclúe charlas e xogos. Para obter máis información, consulta o folleto promocional.
b) NOC Exipto
O 10 de xuño, un membro do equipo NOC Exipto, o doutor Mohamed El Sadek, deu unha conferencia no Observatorio Astronómico de Kottamia para aumentar o interese do público sobre a astronomía.
c) NOC Haití
Un membro do equipo NOC Haití, Rulx Narcisse,  apareceu nun programa de televisión local para falar das galaxias, en particular a Vía Láctea. Podes ver o episodio en francés e haitiano aquí.
d) NOC Sudán
O equipo NOC Sudán, en particular Mohammed Yahya e Anwar Ahmed Osman, envolveu a súa comunidade nun programa titulado Astronomía para crianzas e estudantes.
e) NOC Tunisia
O 18 de xuño, a nosa NOC Túnez, Mayssa El Yazidi, organizou unha charla co doutor Scott Wayne Roberts sobre o poder da observación das estrelas.
7) Resultados do esquema de financiamento NOC 2022: Madagascar e Senegal
En resposta non só á falta de clubs de astronomía nos seus países, senón tamén ao problema global que para relacionarse coa próxima xeración de entusiastas da astronomía supuxo a pandemia de COVID-19, os equipos NOC de Madagascar e Senegal traballaron conxuntamente para formar os ORION Astro Labs. Estes dous obradoiros híbridos de tres días formaron a 50 aspirantes a liderar clubs de astronomía tanto en Madagascar como en Senegal. Entre os contidos houbo observación do ceo nocturno, actividades prácticas, intercambio de información sobre a recadación de fondos, boas prácticas e uso das redes sociais. Agora, estas persoas que lideran clubs de astronomía están ben encamiñadas para dirixir actividades de divulgación nas súas comunidades locais e poñer en práctica o que aprenderon. Podes atopar algunhas fotos dos seus esforzos aquí.
8) Oportunidades
a) Xa está aberta a inscrición para a Conferencia PARI2022
A conferencia Sensibilización Pública sobre as Infraestruturas de Investigación 2022 (PARI2022, polas siglas en inglés: Public Awareness of Research Infrastructures) ten lugar do 18 ao 20 de xullo na sede da SKAO en Cheshire, Reino Unido. PARI 2022 abordará unha ampla gama de temas de interese, como a comunicación do impacto social das infraestruturas de investigación, a importancia das comunicacións para promover a equidade, a diversidade e a inclusión, a relación entre a ampla gama de partes interesadas, a investigación da comunicación científica, as estratexias, práctica de PR e formación práctica opcional para profesionais. A participación remota ten un prezo de 30 £ e a presencial de 230 £. A inscrición xa está totalmente aberta e o programa preliminar detallado das charlas está dispoñíbel na páxina web.
b) Convocatoria piloto 2022 do Global Research Council SDG
A convocatoria dos Obxectivos de Desenvolvemento Sostíbel (ODS) de 2022 do Global Research Council (GRC) ten como obxectivo facilitar e acelerar a consecución dos ODS mediante proxectos de investigación e innovación en curso ou rematados recentemente. Para obter máis información, consulta o seu sitio web.
c) Inscríbete no Simposio ASSA deste mes de outubro
Celebra os 100 anos da Sociedade Astronómica de África Austral (ASSA) durante o seu simposio híbrido, que terá lugar do 14 ao 16 de outubro en Cidade do Cabo. Para saber máis e inscribirte, consulta esta ligazón.
d) ASSA 30 Sub 30
A Sociedade Astronómica de África Austral (ASSA) lanzou un Proxecto Especial &#8211; 30 Menores de 30 &#8211; que ten como obxectivo apoiar as carreiras de persoas novas que se dedican profesionalmente á astronomía e estudantes de mestrado e doutoramento. Para obter información sobre esta oportunidade e como propoñer candidaturas, consulta esta ligazón.
9) Recursos interesantes
a) “Escoitar a magnetosfera: como facer audíbeis as ondas ULF” de Archer et al. [Contido en inglés]
Hai pouco publicouse un novo artigo que se baseou no coñecemento e experiencia do público para idear unha nova forma de facer audíbeis os datos astronómicos da magnetosfera. Podes atopar o artigo aquí.
b) A ciencia como forma de curar e conectar [Contido en inglés]
A astrónoma da Universidade Estatal de Arizona, Lindy Elkins-Tanton, describe nas súas novas memorias como atopa significado, conexión e cura a través do estudo do universo. Podes ler aquí unha entrevista coa autora e descubrir máis información sobre o novo libro.
c) Libro de texto de astronomía de OpenStax de balde [Contido en inglés]
OpenStax publica un libro de texto introdutorio gratuíto en liña: “Astronomy”, de Fraknoi, Morrison e Wolff. Aínda que agora é o libro de texto de astronomía máis usado nos Estados Unidos, non necesitas ir á clase para usalo. A segunda edición pódese atopar neste sitio web xunto con materiais auxiliares gratuítos e un método de xestión da aprendizaxe.
d) Podcast Artes no CERN [Contido en inglés]
Un novo podcast da Organización Europea para a Investigación Nuclear (CERN) mostra as conexións e colisións entre a física e a arte. Podes escoitar os episodios aquí.
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas a Rulx Narcisse da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 24

Asociarse á Ágrupación Ío ten premio este verán!

Accepted Answer

Este verán asociarse á Agrupación Astronómica Coruñesa Ío ten premio. Desde hoxe e até fin de existencias, as persoas que se dean de alta como socias recibirán un calendario 2022 como agasallo, en colaboración co proxecto de divulgación da astronomía Ceos Galegos. Podedes saber máis sobre como asociarvos nesta ligazón. Aproveitade a ocasión!

Question 25

Boletín IAU de divulgación da astronomía: Xuño #1

Accepted Answer

Boletín IAU de divulgación da astronomía
Xuño #1
Neste boletín:
0) Nota editorial
1) Anuncio de premios patrocinados pola IAU
2) Novas de NameExoWorlds 2019
3) Oficina para a Divulgación da Astronomía – Formación co Telescopio Espacial Webb
4) Convocatoria de propostas “Baixo un mesmo ceo”: proxectos seleccionados
5) Conclusión do mes de concienciación sobre os ceos escuros e tranquilos
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Neste boletín damos conta dalgunhas colaboracións clave que se cristalizan en oportunidades para as persoas que comunican astronomía en todo o mundo. Por exemplo, a OAO estableceu unha nova colaboración coa NASA que esperamos que supoña moitas máis oportunidades para alén do programa de formación para a rede NOC, NAEC, ROADS e LOAD.
Encántanos ver o desenvolvemento dos nosos proxectos, os antigos e os novos. Malia a pandemia, seguen xurdindo novas emocionantes do certame NameExoWorlds de 2019 e ademais anunciamos as propostas aceptadas na convocatoria “Baixo un mesmo ceo”, proxectos inmensamente importantes que apoiarán e preservarán o coñecemento das comunidades locais.
Tamén neste boletín atoparás unha serie de excelentes oportunidades e recursos, entre eles o proxecto Telescopios para Todas as Persoas, cuxo prazo se prorrogou até o 15 de xuño. Aproveita (ou comparte nas túas redes) esta incríbel oportunidade!
Finalmente, queremos darlles as grazas á comunidade que traballa nas Coordinacións Nacionais de Divulgación polo seu asombroso traballo durante as dúas últimas semanas. Podes atopar unha mostra das súas actividades inspiradoras máis abaixo.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Anuncio de premios patrocinados pola IAU
a) Premio Kavli de Astrofísica
O Premio Kavli outórgase a figuras que fixeron contribucións significativas nos campos da astrofísica, a nanociencia e a neurociencia. As persoas laureadas de 2022 &#8211; Conny Aerts, Jørgen Christensen-Dalsgaard e Roger Ulrich- foron seleccionadas polo seu traballo no desenvolvemento dos métodos necesarios para estudar o interior das estrelas. Para obter máis información, visita este sitio web.
b) Premios de Divulgación, Desenvolvemento e Educación en Astronomía
En febreiro, a IAU anunciou tres novos premios en divulgación, desenvolvemento e educación en astronomía. Recentemente publicáronse os nomes das persoas gañadoras en 2022: Astronomy Picture of the Day (APOD), un sitio web creado por Robert J. Nemiroff e Jerry T. Bonnell (Divulgación); Michèle Gerbaldi (Desenvolvemento); e Rosa Doran (Educación). Os premios entregaranse na XXXI Asemblea Xeral da IAU en Busan, Corea do Sur, este agosto.
2) Novas de NameExoWorlds 2019
a) Resultados científicos sobre un sistema NameExoWorlds 2019
En 2019, como resultado da competición NameExoWorlds, Nepal nomeou unha estrela, Sagarmatha, e a súa compañeira planetaria, Laligurans. Este sistema foi máis estudiado nun traballo de investigación recente realizado por estudantes de grao. Podes atopar o texto da nota de prensa aquí e o documento aquí.
b) Benvida á gañadora de NameExoWorlds 2019 no TNG de La Palma
En 2019, Elia Ceci era unha estudante de secundaria de Italia central que suxeriu os nomes gañadores da estrela HD102195 e o seu compañeiro planetario: Phlegethon e Lethe. Aínda que en 2019 lle prometeron unha viaxe a La Palma para ser astrónoma durante dúas noites, a COVID-19 cambiou os plans. A pesar dos dous anos de atraso, esta viaxe non é menos especial. Agora estudante de astronomía na Universidade de Boloña, Elia puido observar as estrelas no telescopio máis grande de Italia, o Telescopio Nazionale Galileo. Podes saber máis sobre esta historia aquí.
3) Oficina para a Divulgación da Astronomía – Formación co Telescopio Espacial Webb
A semana pasada, a OAO asociouse coa NASA e o equipo do Telescopio Espacial James Webb para impartir dous programas de formación para as persoas que traballan nas Coordinacións Nacionais de Divulgación (NOC), Coordinacións Nacionais de Educación en Astronomía (NAEC) e as Oficinas Rexionais e Lingüísticas de Astronomía para o Desenvolvemento (R/LOADs). Ao longo das dúas sesións, tivemos 127 persoas inscritas de 67 países diferentes. Durante estes adestramentos coñeceron a ciencia do telescopio Webb e traballaron conxuntamente nunha tormenta de ideas sobre a publicación das primeiras imaxes, que terá lugar o 12 de xullo. Prestade atención a novas noticias desta colaboración.
4) Convocatoria de propostas “Baixo un mesmo ceo”: proxectos seleccionados
A convocatoria de propostas “Baixo un mesmo ceo” concedeu subvencións de até 2.000 euros a proxectos que utilicen a astronomía cultural e a súa divulgación para recoñecer o coñecemento e os sistemas de aprendizaxe indíxenas. A OAO comprácese de anunciar a selección de cinco proxectos: “Etnoastronomía guaraní no noroeste arxentino”, de Arxentina; “O ceo e o pobo de Maumere”, de Indonesia; “Arte e Cultura Indíxena Urbana” en Río de Janeiro, no Brasil; “Diálogos interculturais sobre cosmoloxía: mirando co corazón baixo un mesmo ceo”, de Colombia; e “Programa baixo o ceo de Irán”, de Irán.
5) Conclusión do mes de concienciación sobre os ceos escuros e tranquilos
En consonancia co Día Internacional da Luz da UNESCO o 16 de maio, a Oficina IAU para a Divulgación da Astronomía dedica todo o mes de maio á concienciación da escuridade da noite. Este proxecto divulga a necesidade de preservar os ceos escuros e tranquilos. Ao longo de maio, a xente tivo a oportunidade de coñecer a importancia dos ceos escuros para a cultura, o patrimonio e a saúde humana, así como o seu uso para a investigación astronómica. En 2022, a OAO realizou un concurso de debuxo que recibiu máis de 200 envíos, unha campaña de redes sociais e “Un Ceo, Unha Casa: Un seminario para a protección dos ceos escuros e tranquilos”. O seminario reuniu a Connie Walker, Jessica Heim, Jaroslav Merc e Sonal Asgotraa para compartiren a súa conexión co ceo escuro, a súa importancia para as culturas do mundo e o noso ecosistema global. A gravación do seminario está dispoñible aquí.
6) Novas NOC
a) NOC Exipto
A NOC Exipto, a doutora Somaya Saad, e o seu equipo involucraron crianzas locais en varias actividades diferentes no Observatorio de Kottamia a finais de maio.
b) NOC Etiopía
Un membro do equipo NOC Etiopía, Kirubel Menberu, compartiu unha serie de actividades que realizaron en abril e maio en colaboración con ESSS, incluíndo eventos de divulgación en escolas e universidades locais.
c) NOC Haití
O equipo NOC Haití e a súa Coordinación de Clubs de Astronomía mantiveron unha reunión en liña para que as persoas que lideran os clubs discutisen (en francés e crioulo) como establecer clubs orientados á ciencia. Ademais, o equipo NOC Haití, en colaboración co Club de Astronomía de Tabarre (CAT), organizará unha conferencia con motivo da celebración do Día Internacional do Asteroide. O 30 de xuño ás 19:00 EDT, organizarán unha conversa co fundador do CAT, John Masken Larose, moderada por Lydie Perpignan, a cofundadora de CAT e membro do equipo NOC Haití.
d) NOC Iraq
O noso NOC Iraq, Ali Jaber Al-Edhari, en colaboración co Departamento de Coidados Científicos e o Equipo Astronómico de Bagdad, realizou un evento para destacar a necesidade de restaurar o Planetario de Bagdad e pedirlle ao ministerio que se ocupe máis da astronomía. Ademais, despois da Sesión de Formación OAO-Webb, o NOC Iraq traduciu algúns recursos clave ao árabe. Consulte a sección de Recursos máis adiante para ver a ligazón.
e) NOC Marrocos
Coa axuda da nosa NOC Marrocos, Meriem El Yajouri,  Space Curiosities lanza unha nova serie web, Space Talk, que ten como obxectivo presentar á comunidade astronómica o anfitrión de Space Curiosities, Youssef Ait Ouarssas.
f) NOC Qatar
O noso NOC Qatar, Hani Dalee, liderou un grupo de persoas afeccionadas á astronomía para ver a chuvia de meteoros das Tau Hercúlidas. Aínda que non puideron ver moitos meteoros, colaboraron con colegas de Xordania que tiñan ceos máis despexados.
7) Oportunidades
a) Ampliación do prazo de Telescopios para Todas as Persoas: 15 de xuño
En atención ás solicitudes recibidas, amplíase até o 15 de xuño o prazo para enviar propostas para Telescopios para Todas as Persoas. Podes atopar máis información sobre o proceso de presentación aquí. Telescopios para todas as persoas distribúe telescopios entre comunidades desatendidas de todo o mundo. Acollemos con satisfacción propostas de proxectos que amplíen os horizontes das crianzas, os pais e as nais e o profesorado, para espertar o interese pola ciencia e sensibilizar sobre a igualdade de oportunidades para desenvolver unha carreira na astronomía.
b) Ciencia Cidadá coa Misión Rosetta
A ESA e Zooniverse lanzaron Rosetta Zoo, un proxecto de ciencia cidadá no que a xente pode axudar a descubrir como cambia a superficie dun cometa ao pasar preto do Sol. Rexístrate hoxe nesta ligazón e le máis sobre o proxecto aquí.
c) Anúnciase o 4º Foro SciCom do Xapón
O 4º Foro SciCom do Xapón celebrarase o 21 de outubro de 2022 na Universidade de Grao do Instituto de Ciencia e Tecnoloxía de Okinawa. Nos próximos meses actualizarase a web con información relativa ao evento. Mentres tanto, se tes suxestións de temas, sesións ou conferenciantes, comparte as túas opinións con japanscicomforum@gmail.com
d) Conferencia Space4Women en agosto
O proxecto Space4Women ten como obxectivo animar as mulleres e as nenas a dedicarse á ciencia, á tecnoloxía, á enxeñaría e ás matemáticas mediante a sensibilización sobre as súas oportunidades profesionais, para destacar a importancia da igualdade de xénero e moitos máis asuntos. En agosto Space4Women manterá unha reunión para analizar, entre outras cousas, como o sector espacial pode repercutir positivamente na vida e na carreira profesional de mulleres e nenas. Presenta a túa solicitude antes do 15 de xuño para participar en debates, establecer redes, presentar e aprender doutras persoas cuxo obxectivo é capacitar as mulleres para que desenvolvan carreiras no espazo. Para obter máis información, consulta a súa páxina web.
e) REINFORCE Concurso Arte-Ciencia Xuvenil
Infraestruturas de Investigación para Cidadáns en Europa (REINFORCE, polas siglas en inglés: Research Infrastructures for Citizens in Europe) organiza un concurso xuvenil de arte e ciencia co lema &#8220;A humanidade como observadora e ouvinte do cosmos&#8221;. A peza gañadora presentarase na Noite Europea das Persoas Investigadoras 2022 no Observatorio Gravitacional Europeo, e todas as persoas finalistas poderán participar nunha visita virtual ou presencial polo EGO e as súas instalacións. Para saber máis sobre as regras e a elixibilidade, consulta o sitio web.
8) Recursos interesantes
a) Recursos do telescopio espacial James Webb traducidos ao árabe
Despois dunha sesión de formación da Oficina de Divulgación da Astronomía e dos equipos JWST, o noso NOC Iraq, Ali Jaber Al-Edhari, traduciu algúns recursos clave ao árabe. Podes atopar as imaxes nesta ligazón.
b) Ciencia do Telescopio Espacial James Webb Traducido ao castelán
Despois desa mesma sesión de formación, a Coordinadora Nacional de Educación en Astronomía (NAEC) para El Salvador, Brisa Terezón, en colaboración con colegas hispanofalantes do grupo de discusión do obradoiro, traduciu ao castelán algúns recursos básicos sobre a ciencia que hai detrás do Webb. Podes atopar o documento nesta ligazón.
c) O esforzo en comunicación científica estratéxica do Earth-Life Science Institute
O equipo de comunicación do Earth-Life Science Institute (ELSI) céntrase na comunicación científica estratéxica e baseada na evidencia. Podes ler máis sobre os esforzos de divulgación pública do ELSI nesta ligazón.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas a Rulx Narcisse da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 26

Boletín IAU de divulgación da astronomía: Maio #2

Accepted Answer

Boletín IAU de divulgación da astronomía
Maio #2
Neste boletín:
0) Nota editorial
1) Anuncio de premios patrocinados pola IAU
2) Novas da Oficina IAU de Astronomía para a Educación
3) Páxina web do Día da Astronomía nas Escolas
4) Amplíase o prazo de Telescopios para todas as persoas 2022
5) Anunciados os simposios IAU de 2023
6) Convocatoria global de colaboración
7) Novas NOC
8) Oportunidades
9) Recursos interesantes
10) Boletín da Oficina IAU para a Divulgación da Astronomía noutros idiomas
11) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Este boletín ofrécevos eventos de excelente ciencia e oportunidades para participar na comunicación astronómica. Por exemplo, dous dos nove Simposios da IAU anunciados para 2023 están dedicados a temas que se relacionan directamente coa misión da Oficina para a Divulgación da Astronomía, a astronomía para todas as persoas; a convocatoria de Telescopios para Todas as Persoas ampliouse para achegar máis voces da comunidade; e o Observatorio Las Cumbres busca propostas de proxectos educativos de comunidades desatendidas.
Agardamos que vos inspiren os esforzos incansábeis das nosas coordinacións nacionais de divulgación, que traballaron duro durante a celebración en maio do ceo escuro para ampliar o alcance da astronomía nas súas comunidades. Agradecémoslles todo o que fan.
De camiño ao final deste mes de concienciación sobre os ceos escuros e tranquilos, esperamos que sigades divulgando e protexendo os ceos por riba das vosas cabezas.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Anuncio de premios patrocinados pola IAU
a) Premio Gruber de Cosmoloxía
O Premio de Cosmoloxía da Fundación Gruber, copatrocinado pola IAU, recoñece figuras da ciencia cuxos descubrimentos ampliaron a nosa comprensión do Universo. O premio Gruber 2022 foi concedido a Frank Eisenhauer por desenvolver tecnoloxía que axudou a demostrar a existencia dun buraco negro no centro da nosa galaxia. Para obter máis información, consulta esta páxina.
b) Bolsas Gruber
A Fundación Gruber, en colaboración coa IAU, patrocina un programa de bolsas para xente nova e prometedora que se dedica profesionalmente á astronomía. Este ano recibiron as bolsas Itai Linial, Kunyang Li e Piyush Sharda. Para máis información sobre o seu traballo, consulta esta ligazón.
c) Premio Shaw
O Premio Shaw en Astronomía de 2022 foi concedido a Lennart Lindegren e Michael Perryman, dous astrónomos que dedicaron a súa carreira á astrometría, sobre todo nas misións Hipparcos e Gaia. Podes obter máis información aquí.
d) Premio de Doutoramento da IAU
A IAU outorga premios a estudantes de doutoramento polo traballo de tese máis importante dentro de cada división da IAU, máis un premio de doutoramento xeral. Para obter máis información sobre as persoas que gañaron os premios este ano, consulta esta ligazón.
2) Novas da Oficina IAU de Astronomía para a Educación
a) Anunciado un novo nodo OAE
A IAU anunciou unha nova sucursal da Oficina IAU de Astronomía para a Educación: o Nodo OAE Francia na Universidade CY Cergy París. A OAE céntrase na educación CTEM de estudantes de primaria e secundaria, especialmente en astronomía. Para máis información, consulta esta ligazón.
b) Obradoiro Shaw-IAU sobre Astronomía para a Educación 2022
Convidámoste a unirte ao obradoiro Shaw-IAU sobre Astronomía para a Educación do 15 ao 17 de novembro. O tema do obradoiro é &#8220;aproveitar o potencial da astronomía para a educación formal&#8221;. En concreto, neste obradoiro abordaranse as preguntas: Como ensinamos astronomía? Cal é o papel da astronomía na aprendizaxe da física, a química ou o cambio climático?
Para máis información sobre o obradoiro do ano pasado, consulta a súa páxina web.
3) Páxina web do Día da Astronomía nas Escolas
O subgrupo de traballo IAU Día da Astronomía nas Escolas, baixo a Comisión C1 da IAU, creou un sitio web para anunciar información sobre as actividades de astronomía nas escolas de todo o mundo. Podes explorar o sitio web aquí.
4) Amplíase o prazo de Telescopios para todas as persoas 2022
En atención ás solicitudes recibidas, amplíase até o 15 de xuño o prazo para enviar propostas para Telescopios para Todas as Persoas. Podes atopar máis información sobre o proceso de presentación aquí. Telescopios para todas as persoas distribúe telescopios entre comunidades desatendidas de todo o mundo. Acollemos con satisfacción propostas de proxectos que amplíen os horizontes das crianzas, os pais e as nais e o profesorado, para espertar o interese pola ciencia e sensibilizar sobre a igualdade de oportunidades para desenvolver unha carreira na astronomía.
5) Anunciados os simposios IAU de 2023
Os Simposios IAU pretenden avanzar significativamente nos seus campos e explorar cuestións clave a través de charlas invitadas, charlas propostas e pósters, así como os debates correspondentes. Anunciáronse os nove simposios para 2023, aos que todo o mundo está convidado a asistir. Dous simposios poden ser de especial interese para as persoas que len este boletín: “Astronomía e Constelacións de Satélites: Camiños a seguir” e “Ceo Escuro e Patrimonio Astronómico para impulsar o astroturismo en todo o planeta”. Para obter máis información, consulta o anuncio da IAU.
6) Convocatoria global de colaboración
O Observatorio de Las Cumbres ofrece 1000 horas para proxectos educativos utilizando a súa rede robótica de telescopios de 10 x 0,4 m. Todas as solicitudes de proxectos educativos son benvidas, mais recoméndanse especialmente as de comunidades desfavorecidas e do mundo en desenvolvemento. O prazo remata o 12 de xuño de 2022. Para obter máis información, consulta esta ligazón.
7) Novas NOC
a) Barbados
O noso NOC Barbados, David Marshall, realizou un evento híbrido para mostrar a eclipse total de Lúa do 15 ao 16 de maio.
b) Brunei
O noso NOC Brunei, Hazarry Haji Ali Ahmad, transmitiu en directo a ocultación lunar de Venus, visíbel no sueste asiático. Podes atopar a transmisión na súa canle de YouTube.
c) Italia
O equipo NOC Italia elaborou un informe para este trimestre, que podes consultar aquí.
d) Exipto
A nosa NOC Exipto, a doutora Somaya Saad, en colaboración co Instituto Nacional de Investigación de Astronomía e Xeofísica de Helwan, O Cairo, guiou o público nun evento de observación híbrida da eclipse lunar na madrugada do 16 de maio utilizando os telescopios do Observatorio Solar de Helwan e o Observatorio Astronómico de Kottamya. Ademais, a doutora Saad tamén ofreceu unha charla en liña polo Día Internacional da Luz titulada “A evolución da tecnoloxía da luz e o seu papel no desenvolvemento da astronomía”.
e) Etiopía
Despois da eclipse lunar, o noso NOC Etiopía, Kirubel Menberu, en asociación coa Sociedade de Ciencia Espacial Etíope (ESSS), o Instituto de Ciencias Xeoespaciais e Espaciais (SSGI) e a Universidade de Semera (SU) organizaron un evento para observar a Lúa e outros obxectos do sistema solar en Semera, Afar.
f) Kuwait
O NOC Kuwait, Khaled A. Al-jamaan, continuou este mes a súa serie de obradoiros de astronomía para crianzas cunha lección sobre as constelacións e unha actividade na que a rapazada entre os 7 e os 11 anos crearon e nomearon as súas propias constelacións.
8) Oportunidades
a) Únete ao Grupo de Traballo sobre Cambio Climático da IAU
O estudo da astronomía proporciona unha perspectiva única do Universo que destaca a fraxilidade da vida na Terra. O Grupo de Traballo da IAU sobre a Comunicación do Cambio Climático a través da Astronomía pretende utilizar esta perspectiva para poñer de relevo os problemas relacionados co cambio climático. O Grupo de Traballo está a buscar novos membros e calquera persoa pode propoñerse. Para máis información, envía un correo electrónico a public@oao.iau.org.
b) II Festival de Astronomía do INAF, “Universo atractivo”
Despois do éxito da primeira edición, o INAF organiza os días 10 e 12 de xuño de 2022 a segunda edición dun Festival de Astronomía &#8211; “Universo atractivo”- en Castellaro Lagusello, preto de Mantova, no norte de Italia. O foco central desta edición será a gravidade; o festival terá exposicións, obradoiros prácticos, proxeccións de mapas murais, películas, espectáculos, conferencias divulgativas e observacións con telescopio. Os obxectivos do festival son múltiples: promover a difusión da cultura e do coñecemento científico a través da divulgación e conectar institutos de investigación e universidades cos centros educativos e co público en xeral mediante a chamada educación entre iguais, así como potenciar a beleza da zona e os seus lugares históricos. Para máis información e imaxes da primeira edición deste festival, consulta esta ligazón.
c) Únete á comunidade de eventos globais do Día do Asteroide
Cada 30 de xuño persoas de todo o mundo organizan eventos locais para crear conciencia sobre a protección do noso planeta contra a colisión de asteroides, explorar como se poderán usar no futuro recursos dos asteroides e coñecer as orixes do sistema solar a través deles. Para obter axuda para organizar un evento, consulta este recurso (contido en inglés, español, portugués e francés).
9) Recursos interesantes
a) Nova investigación sobre ciencia cidadá nas escolas [Contido en inglés, resumo en inglés, portugués e español]
Acaba de publicarse un novo traballo titulado “Ciencia cidadá nas escolas: a importancia das relacións interpersoais”. As tres persoas que asinan o artigo dirixíronse específicamente a comunidades con baixa conciencia astronómica e demostran que as relacións interpersoais son importantes non só para os resultados das e dos estudantes senón tamén para a eficacia do proxecto de ciencia cidadá. Para lerdes o artigo, seguide esta ligazón. Hai máis información sobre o proxecto na súa páxina web.
b) Novo informe para mellorar os esforzos DEIA da NASA [Contido en inglés]
Un novo informe das Academias Nacionais de Ciencias, Enxeñaría e Medicina describe como a NASA pode mellorar para cumprir os seus obxectivos de diversidade, equidade, inclusión e accesibilidade (DEIA). Para lerdes o informe e obterdes máis información, consultade a súa páxina web.
10) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas a Rulx Narcisse da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

11) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 27

Boletín IAU de divulgación da astronomía: Maio #1

Accepted Answer

Boletín IAU de divulgación da astronomía
Maio #1
Neste boletín:
0) Nota editorial
1) Programa piloto de formación do profesorado da OAE
2) Novas do Grupo de Traballo Mulleres en Astronomía
3) Campaña de financiamento da OAD para formar estudantes de tribos como astroguías
4) Telescopios para todas as persoas 2022
5) Boletín do Día Internacional da Luz
6) Novas NOC
7) Oportunidades
8) Recursos interesantes
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
Este boletín presenta moitas excelentes oportunidades para asistir a conferencias e seminarios web, incluída a Conferencia Internacional de Astronomía Indíxena. Esperamos que asistades e aprendades deste grupo tan diverso de persoas.
Tamén temos o pracer de dar a coñecer o proxecto Telescopios para todas as persoas 2022! Este proxecto distribúe telescopios a comunidades desatendidas de todo o mundo e os proxectos gañadores de anteriores edicións fixeron unha divulgación incríbel como resultado. A data límite achégase rapidamente (1 de xuño), polo que debedes enviar as vosas solicitudes o antes posíbel.
Por último, esperamos que saquedes proveito do mes de concienciación sobre os ceos escuros e tranquilos. Ao abeiro do Día Internacional da Luz da UNESCO do 16 de maio, este proxecto crea conciencia sobre a necesidade de preservar os ceos escuros e tranquilos. Para saber máis, non deixes de ler o boletín do Día Internacional da Luz.
Que teñades uns ceos escuros e tranquilos,
Kelly Blumenthal, en nome do equipo da Oficina IAU para a Divulgación da Astronomía
1) Programa piloto de formación do profesorado da OAE
A Oficina de Educación en Astronomía abriu unha liña de financiamento para as Coordinacións Nacionais de Educación en Astronomía (NAEC), en colaboración con profesionais locais da docencia e da astronomía. As propostas gañadoras recibirán até 2000 euros para planificar e desenvolver programas piloto de formación do profesorado. Para saber máis, consulta a súa páxina web.
2) Novas do Grupo de Traballo Mulleres en Astronomía
a) Actualización da Memoria Anual
Para leres o Informe Anual do Grupo de Traballo de Mulleres en Astronomía (WiA WG), preme nesta ligazón.
b) Participar nunha enquisa sobre o impacto da COVID-19 na carreira e a produtividade das astrónomas
Esta enquisa que leva só cinco minutos foi realizada polo WiA WG para estudar o impacto da pandemia de COVID-19 na carreira e produtividade das astrónomas. Desde xaneiro recibiron 80 respostas de astrónomas de 19 países. Para engadir a túa voz, fai clic nesta ligazón.
c) Actualización da revista ENSEMBLE
O WiA WG aínda acepta contribucións para o próximo número da revista ENSEMBLE, que se publicará en xuño.
d) Sesión de orientación do IAU WiA WG
O WiA WG invita a estudantes de doutoramento, postdoc e investigadoras a unirse á sesión de orientación do IAU WiA WG o 25 de maio de 13:30 a 15:30 CET. Esta é unha oportunidade para que as mentoras e mentoreadas se reúnan, fagan preguntas, obteñan respostas, compartan experiencias e discutan. Todas son benvidas! Para rexistrarte, segue esta ligazón.
e) Únete ao IAU WiA WG
As persoas socias da IAU de calquera xénero poden unirse á IAU WiA e ás súas actividades. Se desexas unirte ao Grupo de Traballo, envía un correo electrónico a iauwia2124@gmail.com.
3) Campaña de financiamento da OAD para formar estudantes de tribos como astroguías
A Oficina IAU de Astronomía para o Desenvolvemento (OAD) financiou recentemente un proxecto para educar en astronomía a estudantes de tribos desfavorecidas e darlles adestramento como astroguías. Este proxecto, organizado por AstronEra, iniciou agora unha campaña de financiamento para completar a subvención da OAD. Para obter máis información sobre o proxecto e como podes axudar a apoiar o seu traballo, consulta este sitio web.
4) Telescopios para todas as persoas 2022
Telescopios para todas as persoas é un proxecto liderado pola Oficina IAU para a Divulgación da Astronomía (OAO), Sterren Schitteren Voor Iedereen (As estrelas brillan para todas as persoas — SSVI), Bresser e a Universidade de Leiden. O seu obxectivo é distribuír 15 telescopios a comunidades desatendidas de todo o mundo. As propostas e recomendacións deben escribirse en inglés e enviarse a través deste formulario antes das 23:59 hora local do 1 de xuño de 2022. Para obter máis información sobre o proceso de solicitude, consulta o seu sitio web.
5) Boletín do Día Internacional da Luz
Achégase o Día Internacional da Luz (IDL)! Asegúrate de consultar o último boletín informativo do equipo de IDL, que inclúe historias sobre proxectos en preparación. Podes ler e subscribirte ao seu boletín aquí, manterte ao día das novidades no seu sitio web aquí e rexistrar os teus eventos de IDL aquí.
6) Novas NOC
a) Haití
O equipo NOC Haití tomou fotos e compartiu a experiencia do halo solar coa cidadanía de Port-au-Prince, sobre a cal podes ler máis aquí. Tamén crearon tres novas entidades que traballarán para promover a astronomía en Haití: unha Rede de Clubs de Astronomía, Astronomía nas Escolas e Astronomía na Igrexa (Comunidades Relixiosas).
b) Grecia
Unha das NOC para Grecia, Margarita Metaxa, en colaboración con varias organizacións e asociacións locais, organizou unha xornada sobre preservación do ceo escuro. Para obter unha ligazón á páxina web da súa conferencia, consulta a sección Oportunidades máis abaixo.
c) Kuwait
O noso NOC Kuwait, Khaled A. Al-jamaan, deu unha conferencia no Centro Cultural Sheikh Abdullah Al Salem sobre o Calendario Hijiri, o calendario islámico que se basea nas fases da Lúa. A charla incluíu unha historia do calendario, como calcular o inicio e o final dun mes e os cálculos astronómicos implicados na formulación do calendario.
7) Oportunidades
a) Seminario web “O desafío das megaconstelacións” 7-8 de maio
Únete á Federación de Sociedades Astronómicas no seu webinar gratuíto de dous días (7-8 de maio) sobre as megaconstelacións de satélites, o seu impacto na astronomía e os seus efectos na sociedade. A inscrición está aberta a todas as persoas: profesionais da astronomía, practicantes de astronomía amadora, estudantes e docentes. Para rexistrarte, fai clic aquí.
b) Conferencia sobre Preservación de Ceos Escuros para a Sostibilidade, Observacións Astronómicas, Saúde, Ecosistemas e Cultura 16-17 de maio
Unha das NOC Grecia, en colaboración co Comité Astronómico Nacional Grego, o Instituto de Astronomía, Astrofísica, Aplicacións Espaciais e Teledetección, Philekpedeftiki Etería e a Oficina de Educación Secundaria de Β΄Atenas, organiza unha conferencia de dous días sobre preservación do ceo escuro os días 16 e 17 de maio. Para ter máis información e inscribirte, visita a súa páxina web.
c) Xa está aberta a convocatoria de propostas da Oficina IAU de Astronomía para o Desenvolvemento
Xa está aberta a convocatoria de propostas de 2022 da Oficina IAU de Astronomía para o Desenvolvemento (OAD). A fase 1 da convocatoria terá lugar o 31 de maio. Só un número limitado de propostas da Fase 1 serán convidadas a presentar unha proposta na Fase 2. Para obter máis información sobre o programa e os seus temas para esta convocatoria, consulta a súa páxina web.
d) Conferencia Internacional de Astronomía Indíxena 27-29 de xullo
Únete á Conferencia Internacional de Astronomía Indíxena este mes de xullo para tecer rede, aprender sobre os sistemas de coñecemento indíxena e escoitar a persoas expertas sobre o aproveitamento da astronomía indíxena para o desenvolvemento e o empoderamento social, cultural, educativo e económico. Para saber máis, preme aquí.
e) III Encontro da Noite 14 de maio
O 14 de maio terá lugar na Coruña, Galicia, a III edición do III Encontro da Noite. Esta reunión gratuíta centrarase na contaminación luminosa, a preservación do ceo escuro e a importancia dos ceos escuros. Para máis información (en galego e castelán), consulta a súa páxina web.
8) Recursos interesantes
a) Nais en astronomía [Contido en inglés]
Este libro contén historias dunha colección internacional de astrónomas nais. Con estas historias espérase amplificar as voces das nais astrónomas, concienciar sobre os retos aos que se enfrontan, destacar o impacto positivo da maternidade nas súas carreiras e crear un sentido colectivo de empoderamento. Para ler máis e descargar o libro, consulta esta páxina.
b) Relanzamento de Subaru Kids [Contido en inglés e xaponés]
O sitio para nenos e nenas do Telescopio Subaru acaba de relanzarse en inglés e en xaponés. As crianzas únense a Subby, o personaxe oficial do Telescopio Subaru, para explorar o espazo e a astronomía a través de materiais en liña, cuestionarios, vídeos e manualidades. Podes atopar máis información na súa páxina web.
c) Carteis interactivos de constelacións [Contido en portugués]
O persoal do Museu da Vida estivo traballando nun proxecto especial de elaboración de mapas interactivos das constelacións, incluídas as do pobo guaraní. Fai clic nesta ligazón para obter máis información.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas a Rulx Narcisse da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 28

A Agrupación Ío organiza o III Encontro da Noite, xornada divulgativa sobre protección e posta en valor da noite

Accepted Answer

O vindeiro sábado 14 de maio a Agrupación Astronómica Coruñesa Ío organiza a terceira edición do Encontro da Noite, unha xornada divulgativa sobre contaminación luminosa, protección da noite e posta en valor da paisaxe nocturna. A actividade conta co apoio do Concello da Coruña a través dos Museos Científicos Coruñeses.
Abrirá o III Encontro da Noite ás 11:00 Anxo Angueira, poeta e presidente da Fundación Rosalía de Castro, cunha intervención que leva por título “Rosalía de Castro e a noite”. A paisaxe da noite está moi presente na obra da escritora que agora dá oficialmente nome a unha estrela. No tempo de Rosalía non había contaminación luminosa, así que o firmamento e os corpos celestes formaban parte da vida cotiá de todas as persoas e, por suposto, están integrados na literatura da autora máis relevante das letras galegas.
Ás 11:30 será a quenda de Alba Nogueira, catedrática de Dereito Administrativo da Universidade de Santiago de Compostela, coa palestra “O Dereito e o revés da contaminación luminosa”. A regulación da contaminación luminosa é un territorio relativamente inexplorado e desatendido polo Dereito. Porén existen iniciativas normativas, técnicas e de intervención administrativa para abordar unha regulación que protexa a noite e evite algúns dos efectos da contaminación luminosa.
Airam Rodríguez, profesor no Departamento de Ecología da Universidad Autónoma de Madrid, impartirá ás 12:00 a conferencia “La contaminación lumínica mata”. A contaminación luminosa ten un impacto grande sobre a biodiversidade e en particular representa unha ameaza para un grupo de aves, as aves mariñas. A atracción e desorientación provocada pola luz artificial nos exemplares novos en arredor de 70 especies causa unha gran mortalidade en todos os océanos do mundo. Malia a ser unha causa de mortalidade importante nalgunhas especies criticamente ameazadas, o noso coñecemento do fenómeno é aínda limitado. Nesta presentación, Airam falará do que xa sabemos e o que deberiamos saber para mitigar esta traxedia, así como dos desafíos aos que nos enfrontamos para obter esta información.
Pechará a sesión da mañá ás 13:00 María Ángeles Bonmatí, investigadora postdoc no Ciber de Fragilidad y Envejecimiento Saludable (Instituto de Salud Carlos III), no Laboratorio de Cronobiología da Universidad de Murcia, coa charla “Contaminación lumínica: cuando es la luz lo que nos quita el sueño”. A contaminación luminosa prívanos dun ben fundamental para o ser humano e o resto de seres vivos: a escuridade. O exceso de luz na noite non só nos impide gozar do firmamento nocturno senón que, ademais, pode estar relacionado coa aparición de alteracións do sono e outros problemas de saúde, xa que contribúe a desaxustar os nosos reloxos biolóxicos.
O Encontro reanúdase pola tarde ás 17:00 con Sandra Benítez Herrera, astrofísica e educadora científica, coordinadora do proxecto CESAR e responsable de comunicación de ESAC e colaboradora da iniciativa voluntaria de divulgación GalileoMobile. Na conferencia “Suave es la noche: la importancia cultural y social del cielo oscuro” aprenderemos como, para alén da súa importancia científica, a noite e os ceos estrelados achegan beneficios desde un punto de vista social e cultural. Sandra exporá exemplos de como o acceso aos ceos escuros pode axudarnos a resolver algúns dos problemas máis relevantes da nosa sociedade.
As actividades na Domus rematarán coa disertación “Noites escuras, ideas brillantes: as revolucións cosmolóxicas do s.XX”, a cargo de Antón Baleato, cosmólogo e investigador postdoc no Berkeley Center for Cosmological Physics e Lawrence Berkeley National Laboratory. O avance da astrofísica ao longo do século XX transformou radicalmente a nosa imaxe do cosmos. Ideas que agora até forman parte da cultura popular eran ciencia de vangarda ou simplemente aínda non existían hai apenas cen anos. Mais todas esas ideas precisaron e precisan de noites escuras que estimulen a formulación de preguntas e a procura de respostas.
O III Encontro da Noite complétase cunha proxección especial no planetario da Casa das Ciencias do documental “Pirineos la Nuit”, presentado por Fernando Jáuregui, astrofísico do Planetario de Pamplona. Lonxe da gran cidade, os astros presiden o ceo desde a espesura negra da noite. No profundo dos vales pirenaicos, o manto estrelado aínda recorta a silueta das montañas que se erguen cara ao ceo. Desde os cumios, as cidades afastadas tinguen o horizonte de luz artificial. O documental “Pirineos la Nuit” alerta do crecemento sostido da contaminación luminosa e o seu impacto no medio ambiente, ao tempo que reivindica a protección da escuridade natural da noite e a iluminación intelixente das cidades para recuperarmos a paisaxe bela e inspiradora do ceo estrelado.
A Agrupación Ío ofrece a posibilidade de inscrición previa no III Encontro da Noite a través deste formulario para asegurarse praza. As persoas inscritas á xornada completa da Domus recibirán un certificado de asistencia (se o requiren) e material promocional e divulgativo, participarán no sorteo de astrocalendarios 2022 por xentileza de Ceos Galegos e terán acceso á sesión no planetario do propio sábado ás 20:00.

Question 29

Boletín IAU de divulgación da astronomía: Abril #2

Accepted Answer

Boletín IAU de divulgación da astronomía
Abril #2
Neste boletín:
0) Nota editorial
1) Mes de concienciación sobre os ceos escuros e tranquilos
2) Edición de 2022 do concurso de astrofotografía da Oficina IAU de Astronomía para a Educación
3) Argumentos para o ecoloxismo espacial
4) Serie de seminarios web sobre divulgación inclusiva
5) O proxecto #ItHappensInSTEM (#AconteceNaCTEM)
6) Lanzamento da segunda tempada de GALAXY CRUISE
7) Novas NOC
8) Oportunidades
9) Boletín da Oficina IAU para a Divulgación da Astronomía noutros idiomas
10) Contribucións ao boletín da Oficina IAU para a Divulgación da Astronomía
0) Nota editorial
Prezados amigos, amigas e colegas,
En consonancia co Día Internacional da Luz da UNESCO o 16 de maio, dedicamos todo o mes á concienciación sobre os ceos escuros e tranquilos. Este proxecto divulga a necesidade de preservar os ceos escuros e tranquilos e a través del a xente pode coñecer a súa importancia para a cultura, o patrimonio e a saúde humana, así como a investigación astronómica. Realizaremos un concurso de debuxo, campañas nas redes sociais e organizaremos un seminario sobre astronomía cultural e a nosa relación co ceo nocturno.
Neste número do noso boletín destacamos a conferencia sobre sensibilización pública arredor das infraestruturas de investigación impulsada por SKAO, a segunda tempada do proxecto de ciencia cidadá GALAXY CRUISE e o lanzamento da segunda edición do concurso de astrofotografía dirixido pola nosa oficina irmá OAE.
Que teñades uns ceos escuros e tranquilos,
Kelly Blumenthal e Lina Canas, en nome do equipo da Oficina IAU para a Divulgación da Astronomía
1) Mes de concienciación sobre os ceos escuros e tranquilos
En consonancia co Día Internacional da Luz da UNESCO o 16 de maio, a Oficina IAU para a Divulgación da Astronomía dedica todo o mes de maio á concienciación sobre os ceos escuros e tranquilos. Este proxecto divulga a necesidade de preservar os ceos escuros e tranquilos e a través del a xente pode coñecer a súa importancia para a cultura, o patrimonio e a saúde humana, así como a investigación astronómica. Realizaremos un concurso de debuxo, campaña en redes sociais (síguenos en Facebook e Twitter) e un seminario sobre protección do ceo escuro. Para máis información e para rexistrar o teu evento connosco, accede ao noso web.
2) Edición de 2022 do concurso de astrofotografía da Oficina IAU de Astronomía para a Educación
A Oficina IAU de Astronomía para a Educación (OAE) anunciou a segunda quenda do seu concurso de astrofotografía. Este ano, a OAE anima a xente a facer imaxes e vídeos time-lapse de patróns celestes. Para máis información e saber como enviar as imaxes, accede á páxina web da OAE.
3) Argumentos para o ecoloxismo espacial
Un artigo publicado recentemente en Nature Astronomy, apoiado polo Centro IAU para a Protección dos Ceos Escuros e Tranquilos da Interferencia das Constelacións de Satélites, argumenta que o espazo tamén forma parte do noso medio ambiente e debe ser preservado.
Podes saber máis sobre este artigo aquí e ler o artigo completo en Nature Astronomy nesta ligazón.
4) Serie de seminarios web sobre divulgación inclusiva
O subgrupo de traballo de IAU de Divulgación Inclusiva (Estrelas que inspiran) comprácese en anunciar unha serie de seminarios web destinados a compartir e difundir experiencias sobre a divulgación inclusiva da astronomía. Se che apaixona a divulgación da astronomía e tes interese en incorporar a inclusión nas túas prácticas, estes seminarios son para ti.
Os seminarios web terán 4 ou 5 sesións de 15-20 minutos cada unha, cun total de 60-90 minutos, e convocaranse 3 ou 4 veces ao ano. O primeiro seminario web está programado para o 29 de abril ás 13:00 UTC. A participación é gratuíta; os detalles serán publicados na páxina de Facebook de IAU Astronomy for Equity and Inclusion.
Podes rexistrarte no seminario web aquí.
5) O proxecto #ItHappensInSTEM (#AconteceNaCTEM)
En calquera comunidade hai, por desgraza, posibilidades de discriminación, acoso escolar, abuso etc. É por iso que o proxecto #ItHappensInSTEM está a recoller historias da comunidade de Ciencia, Tecnoloxía, Enxeñaría e Matemáticas (CTEM) arredor da diversidade, a equidade e a inclusión. Teñen a esperanza de que falando sobre como acontece na CTEM poidamos promover a concienciación e axudar a producir un cambio estrutural.
Podes achegar a túa historia enchendo este formulario de envío anónimo.
Para obter máis información sobre o Grupo de Traballo de Astronomía para a Equidade e a Inclusión da IAU, consulta esta páxina web.
6) Lanzamento da segunda tempada de GALAXY CRUISE
GALAXY CRUISE comezou en 2019 co obxectivo de desvelar os misterios que rodean a evolución e a diversidade das galaxias mediante a cooperación entre a cidadanía e as persoas que traballan en ciencia. GALAXY CRUISE é un proxecto no que a cidadanía de forma voluntaria participa na investigación de galaxias mentres exploran as vastas imaxes cósmicas captadas polo Telescopio Subaru. Durante a primeira tempada, a astronomía cidadá clasificou máis de 20.000 galaxias atopadas no segundo lanzamento de datos públicos do Programa Estratéxico Hyper Suprime-Cam Subaru (HSC-SSP), un estudo extenso coa cámara Hyper Suprime-Cam (HSC) montada no Telescopio Subaru.
Podes ler máis información en inglés e xaponés.
7) Novas NOC
a) Bangladesh
Farseem Mohammedy, o noso NOC Bangladesh, dirixiu un obradoiro sobre vida extraterrestre no que as persoas participantes aprenderon sobre astrobioloxía, o proxecto SETI de busca de intelixencia extraterrestre, a ecuación de Drake e moitas cousas máis.
Podes saber máis sobre este obradoiro no seu informe.
b) Haití
John Masken Larose, membro do equipo NOC Haití, reiniciou a súa serie de YouTube sobre as constelacións en crioulo haitiano: “Ann aprann istwa mitolojik ak lejann ki kache dèyè konstelasyon yo&#8221;.
c) Kuwait
O NOC de Kuwait, Khaled A. Al-jamaan, liderou unha noite de observación da Lúa e outros obxectos astronómicos no Centro Cultural Sheikh Abdullah Al Salem. Hai máis noticias do noso NOC Kuwait, Khaled A. Al-jamaan! A semana pasada, Khaled realizou o seu obradoiro de astronomía para a infancia no @ASCC.kw, onde a rapazada aprendeu sobre a Lúa e as súas fases.
8) Oportunidades
a) Peche do envío de resumos para a Conferencia PARI
Este sábado 30 de abril pecharase o prazo ampliado de presentación de resumos para a conferencia de sensibilización pública sobre as infraestruturas de investigación organizada polo Observatorio SKA. Esta é unha excelente oportunidade para presentar as túas actividades de divulgación, prácticas ou investigacións e compartir as leccións aprendidas coa comunidade máis ampla da comunicación científica noutras ciencias. Tamén aceptan propostas de obradoiros prácticos. O envío de resumos é sinxelo e rápido, así que pensa na posibilidade de facer propostas e animar a outras persoas a que o fagan tamén. Aceptan presentacións presenciais e remotas. Aquí tes a listaxe de temas da conferencia  para obter máis información.
b) Investigación e innovación en sustentabilidade (SRI2022) &#8211; Eventos virtuais gratuítos
Antes do SRI 2022, SRI celebra unha serie de eventos virtuais gratuítos destinados a apoiar as conversas e o diálogo sobre a sustentabilidade arredor dos catro piares do SRI: Novos Horizontes, Diferentes Formas de Coñecer, Visión Transversal e Ciencia e Innovación Africanas.
Únete e rexístrate aquí para formar parte desta divertida sesión interactiva. Tamén hai bolsas de rexistro en liña dispoñíbeis para participantes de países de ingresos baixos e medios con interese en participar.
9) Boletín da Oficina IAU para a Divulgación da Astronomía noutros idiomas
O noso boletín ten tradución aos seguintes idiomas:
Árabe
Traducións grazas aos membros do Club de Observación Astronómica de Bahrain.
Chinés (Simplificado)
Tradución grazas ao Dr Chen Cao, Sociedade Astronómica Shandong (SDAS) de China.
Español
Traducións grazas a Emilio Zúñiga, da Asociación de Astrónomos Aficionados de León, Nicaragua.
Francés
Traducións grazas a Rulx Narcisse da Sociedade Astronómica Haitiana.
Galego
Traducións grazas a Martin Pawley e Xabier Pérez Couto da Agrupación Astronómica Coruñesa Ío en España.
Italiano
Traducións grazas a Eleonora Piromalli de AstronomiAmo en Italia.
Portugués (europeo)
Traducións grazas a Catarina Leote, João Ferreira e Jonas Souza a través do grupo de lingua portuguesa da Rede de Tradución Astronómica.
Xaponés
Traducións grazas a Akihiko Tomita a través da Rede de Tradución Astronómica. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados ou á Sociedade Xaponesa pola Educación e Divulgación da Astronomía.
Se queredes traducir o noso boletín ao voso idioma, por favor escribídenos a public@oao.iau.org.

10) Contribucións ao boletín de divulgación da astronomía da IAU
Estamos sempre na busca de material sobre investigación, comunicación e divulgación astronómica en todo o mundo para incluíla no seguinte boletín da Oficina IAU para a Divulgación da Astronomía. Se tedes algún evento astronómico, ofrecedes un posto ou oportunidade de traballo, un recurso educativo ou calquera outra cousa que poida ser de interese para a comunidade da divulgación astronómica, enviádenos un correo a public@oao.iau.org con máis información.

Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley e Xabier Pérez Couto (Agrupación Ío). Podedes consultar o boletín en inglés nesta ligazón.

Question 30

Ciudades y pueblos con estrellas

Accepted Answer

Sentímolo moito, ista entrada atopase unicamente en Español.

Blog

Mantente actualizado