Que: O 17 de decembro de 2019 a Unión Astronómica Internacional designou oficialmente Rosalíadecastro unha estrela na constelación do Serpentario. Celebramos o quinto aniversario dese fito histórico cunha actividade na Casa das Ciencias da Coruña na que, baixo o título “O ceo de Rosalía”, escoitaremos historias da astronomía a través dos textos de Rosalía de Castro contadas por Martin Pawley, promotor da campaña desde a Agrupación Astronómica Coruñesa Ío, e viviremos unha sesión especial de planetario arredor da escritora e a súa estrela da man dos Museos Científicos Coruñeses. A actividade é gratuíta até completar a capacidade da sala e non require inscrición previa. As entradas empezarán a repartirse a partir das 19:15 na entrada da Casa das Ciencias. Non se permite a entrada unha vez iniciada a actividade.

Onde: no planetario da Casa das Ciencias da Coruña.

Cando: mércores 18 de outubro ás 19:30.