Observación guiada das constelacións e obxectos visibles nesta noite, coincidindo co máximo das Perseidas. A meirande parte da observación dirixirase a ollo nú, se ben tamén daranse indicacións para observación con prismáticos. Aquelas persoas que dispoñan de prismáticos poden levar os seus particulares, se ben a Agrupación tamén levará algúns binoculares para préstamos compartido entre as persoas asistentes.

A Agrupación Astronómica Coruñesa Ío colabora co Concello de Muras na realización dunha actividade de observación de Perseidas. O Concello de Muras é destinto turístico Starlight dende 2020.

Conferencias breves e coloquio sobre contaminación luminosa. “Plan Lumiere, un reto do presente”, por Alfonso Gómez, alcalde de Xenebra; “A noite é necesaria” por Martin Pawley (Agrupación Astronómica Coruñesa Ío) e “A contaminación luminosa en Corme” con Suso Lista (A. C. Ínsua de Viastela).

A Agrupación Astronómica Coruñesa Ío participa no programa ambiental Eu quero Razo/Baldaio que organiza o Concello de Carballo.

Actividade cultural e astronómica gratuíta para a rapazada saharauí que participa no programa “Vacacións en Paz” e as súas familias de acollida. A actividade consistirá nunha visita á Casa das Ciencias e o Planetario, que irá seguida dunha observación astronómica na contorna do museo, no Parque de Santa Margarida. En colaboración co Proxecto Amanar (GalileoMobile).

Observación solar no Castro de Elviña, en colaboración coa Asociación Cultural e Deportiva Tempo Novo.

Quedada informal de socias/os para observar a noite estrelada. Non é preciso anotarse, nin confirmar asistencia. Non hai programada actividade ou guía do ceo.

Máis información na zona privada (moodle).