A Agrupación Astronómica Coruñesa Ío organiza un ciclo de charlas e obradoiros de iniciación á astronomía que contará con diversos cursos independientes dirixidos a aficionadas e aficionados á astronomía.

No primeiro curso, da man de Óscar Blanco, aproximarémonos a conceptos básicos de astronomía:

• astronomía na historia: astronomía como primeira ciencia da humanidade, evolución ao longo dos séculos.
• mecánica celeste: coordenadas, bóveda celeste e o movemento do ceo, movementos da Terra, movementos da Lúa, natureza dos eclipses, ceos en distintas latitudes, calendarios.
• breve estrutura do universo (escalas, tamaños, distancias): obxectos no ceo e a súa clasificación.
• astrofísica: etapas vitais das estrelas.

Terá lugar o vindeiro sábado 15 de outubro de 10h a 14h no Fórum Metropolitano (R/ Río de Monelos, 1,  A Coruña).

A actividade ten carácter gratuito e un número de prazas limitado, polo que para asistir é preciso inscribirse no seguinte formulario: https://goo.gl/forms/U0SvUEEYXzLFZMhq2 (se queres acudir con amigos ou familiarias cubre un formulario por persoa interesada).

A asignación de prazas comunicarase mediante correo electrónico o xoves 13 de outubro.