Agrupación ÍO

Charla que imparte a Agrupación Astronómica Coruñesa Ío en colaboración co MUNCYT da Coruña.

Conferenciante: Xabier Pérez Couto, matemático, autor da canle de YouTube de divulgación de astronomía AstroXabi e socio da Agrupación Ío.

Descrición: Astronomía e navegación estiveron ligadas dende a fabricación dos primeiros barcos. Antes da invención do GPS e dos primeiros ordenadores o ceo estrelado servía de mapa e guía para quen se atrevía a navegar en alta mar. Nesta palestra-obradoiro da Agrupación Ío aprenderemos os fundamentos necesarios para orientarnos polas estrelas, incluso sen ter terra á vista, e fabricaremos un instrumento náutico que teremos a oportunidade de poñer en práctica na observación posterior.

Observación do ceo nocturno a simple vista e con telescopio nas inmediacións do MUNCYT da Coruña, en conmemoración e recordo da primeira vez que un ser humano, Yuri Gagarin, viaxou ao espazo, o que ocurriu o 12 de abril de 1961.