{"id":3075,"date":"2016-08-31T10:04:12","date_gmt":"2016-08-31T10:04:12","guid":{"rendered":"http:\/\/agrupacionio.com\/?p=3075"},"modified":"2021-09-07T09:26:50","modified_gmt":"2021-09-07T09:26:50","slug":"7-obras-arte-inspiradas-polo-ceo-nocturno","status":"publish","type":"post","link":"https:\/\/agrupacionio.com\/nueva\/gl\/7-obras-arte-inspiradas-polo-ceo-nocturno\/","title":{"rendered":"7 obras de arte inspiradas polo ceo nocturno"},"content":{"rendered":"

\"StarryNight\"
A noite estrelada<\/em>, pintada en 1889 por Vincent van Gogh \u00e9 o exemplo cl\u00e1sico de como un ceo nocturno escuro inspira a creatividade.<\/figcaption><\/figure><\/p>\n

At\u00e9 hai ben pouco, e durante toda a historia da humanidade, os nosos antepasados experimentaban un ceo ateigado de estrelas: unha noite estrelecida que inspirou ciencia, relixi\u00f3n, filosof\u00eda, literatura e arte. Lamentablemente, nunca saberemos das grandes obras de arte que perdemos por causa da contaminaci\u00f3n lum\u00ednica.<\/p>\n

Disfrutade destas fermosas obras de arte inspiradas por firmamentos estrelados e tomade nota de como axudar a inspirar a futuras xeraci\u00f3ns para que inventen, creen e so\u00f1en.<\/p>\n

\"Artista
Artista desco\u00f1ecido, principios do s\u00e9culo\u00a0 XV. British Library.<\/figcaption><\/figure>\n

1. Paisaxe con cl\u00e9rigos estudando astronom\u00eda e xeometr\u00eda e amosando esferas armilares, compases…
\n<\/strong><\/p>\n

En tanto que Europa \u00eda sa\u00edndo da \u00abidade escura\u00bb e o Renacemento alustraba a innovaci\u00f3n en ciencia, tecnolox\u00eda e arte, os homes e mulleres instru\u00eddos comezaron a observar o ceo nocturno a trav\u00e9s de ollos menos medorentos.<\/p>\n

Durante este per\u00edodo, a civilizaci\u00f3n occidental avanzou significativamente na s\u00faa comprensi\u00f3n do mundo natural. O ceo nocturno do Renacemento era l\u00edmpido e estaba libre da influencia posterior da luz el\u00e9ctrica, de a\u00ednda varios s\u00e9culos despois.<\/p>\n

Poden os alumados ceos das cidades de hoxe inspirar \u00e1 xente a facerse as grandes preguntas de mentes como a de Cop\u00e9rnico, Kepler, Galileo e Newton?<\/p>\n

\"Lieve
Lieve Verschuier, 1680, \u00d3leo sobre lenzo.<\/figcaption><\/figure>\n

2. O gran cometa de 1680 sobre Rotterdam<\/strong><\/p>\n

Dous s\u00e9culos logo do Renacemento, unha Era de Esclarecemento deu comezo en Europa. Guiada por intelectuais, e enfatizando raz\u00f3n e individualismo por riba da tradici\u00f3n, a Ilustraci\u00f3n viu medrar a pasos de xigante o influxo da ciencia e a exploraci\u00f3n.<\/p>\n

O ceo nocturno seguiu a inspirar abraio, pero incorporou tam\u00e9n unha saud\u00e1bel dose de investigaci\u00f3n e escepticismo. Aqu\u00ed, o pintor holand\u00e9s Verschuier representa unha multitude en Rotterdam contemplando o cometa Kirch, un moi brillante que apareceu preto do Sol en decembro de 1680. Esas xentes marab\u00edllanse co firmamento, pero evidentemente non lle te\u00f1en medo ning\u00fan.<\/p>\n

Unha panor\u00e1mica semellante do Rotterdam actual amosar\u00eda tam\u00e9n un ceo laranxa, debido ao halo procedente da contaminaci\u00f3n luminosa. A\u00ednda acudir\u00edan os habitantes da Rotterdam de hoxe a contemplar unha vista as\u00ed?<\/p>\n

\"Artista
Artista desco\u00f1ecido (atribu\u00eddo a Philipp Florinus von Pfalz- Sulzbach), 1705.<\/figcaption><\/figure>\n

3. Astronom\u00eda<\/strong><\/p>\n

A comezos do s\u00e9culo XVII, os astr\u00f3nomos orientaron por vez primeira os telescopios cara aos pr\u00edstinos ceos nocturnos de Europa, facendo observaci\u00f3ns de fen\u00f3menos celestes nunca antes vistos. O seu traballo literalmente remexeu ceo e terra, arrombando as vellas ideas que colocaban \u00e1 Terra no centro dun inamov\u00edbel universo.<\/p>\n

Sen o obst\u00e1culo da contaminaci\u00f3n da luz, os cient\u00edficos do momento pod\u00edan realizar investigaci\u00f3n astron\u00f3mica doadamente, mesmo dende os centros m\u00e1is poboados da Europa. Aos astr\u00f3nomos e astr\u00f3nomas modernas non lles queda outra que viaxar lonxe da civilizaci\u00f3n \u2013inclu\u00eddo o espazo- para teren acceso a panor\u00e1micas nocturnas como as daquela.<\/p>\n

\"Frederic
Frederic Edwin Church, 1860 (Imaxe cortes\u00eda de Judith Filenbaum Hernstadt).<\/figcaption><\/figure>\n

4. O meteoro de 1860<\/strong><\/p>\n

O fen\u00f3meno do ceo nocturno volveuse un tema recorrente para artistas ben entrado o s\u00e9culo XIX, nalgunhas ocasi\u00f3ns inspirados por eventos hist\u00f3ricos contempor\u00e1neos. Na tarde do 20 de xullo de 1860 un meteoro fragmentouse mentres racheaba a atmosfera da Terra, provocando un \u00abdesfile mete\u00f3rico\u00bb que inspirou este cadro e mailo poema \u00abAno de meteoros\u00bb (1859-60), do grande poeta norteamericano Walt Whitman.<\/p>\n

Seica Whitman observou este meteoro de 1860 ou ben en Nova York ou preto dela. Hoxe en d\u00eda, tan s\u00f3 os fen\u00f3menos m\u00e1is brillantes do firmamento poden verse baixo os ceos contaminados de luz de NYC. Entre o brillo dos seus desfiladeiros de cemento, aceiro e cristal, molestar\u00edanse os habitantes da Nova York actual en pararse a mirar outro meteoro coruscante?<\/p>\n

\"Vincent
Vincent van Gogh, 1888.<\/figcaption><\/figure>\n

5. Noite estrelecida sobre o R\u00f3dano<\/strong><\/p>\n

O ceo estrelado foi un tema predilecto de Vincent van Gogh, se cadra o m\u00e1is c\u00e9lebre dos pintores impresionistas de finais do s\u00e9culo XIX. O seu admirad\u00edsimo lenzo \u00abA noite estrelecida\u00bb (1889) resulta tan recorrente na cultura pop que case eclipsa outros traballos de van Gogh igualmente fermosos nos que aparece un firmamento nocturno, como \u00e9 o caso de \u00abNoite estrelecida sobre o R\u00f3dano\u00bb, aqu\u00ed reproducido.<\/p>\n

Os seus lenzos de paisaxes nocturnas enfatizan a s\u00faas impresi\u00f3ns das cores da noite celeste e da iluminaci\u00f3n artificial exterior, unha novidade na s\u00faa \u00e9poca. Que paleta de cores haber\u00eda escoller van Gogh para representar hoxe o ceo con contaminaci\u00f3n lum\u00ednica sobre o R\u00f3dano?<\/p>\n

\"Edvard
Edvard Munch, 1893.<\/figcaption><\/figure>\n

6. A noite estrelecida<\/strong><\/p>\n

Co s\u00e9culo XIX chegando ao seu fin, un cada vez maior n\u00famero de artistas rexeitaba o realismo renacentista e ilustrado a favor de estilos pict\u00f3ricos m\u00e1is expresivos. A cor, a tonalidade e o estado de \u00e1nimo valor\u00e1banse m\u00e1is c\u00e1s representaci\u00f3ns literais de persoas ou lugares reais (ou imaxinados).<\/p>\n

En \u00abA noite estrelecida\u00bb Edvard Munch, co\u00f1ecido polo seu cl\u00e1sico do desacougo, \u00abO grito\u00bb (1893), descarta as calidades m\u00e1is pintorescas da noite a cambio das emoci\u00f3ns que a noite suscita nel.<\/p>\n

Compara \u00abA noite estrelecida\u00bb de Munch coa panor\u00e1mica nocturna do R\u00edo R\u00f3dano (arriba), pintada apenas cinco anos antes. Munch prefire a escuridade, en tanto que van Gogh procura os reflexos das incipientes luces artificiais urbanas. A onde ter\u00eda que viaxar hoxe Munch para pintar ceos ben escuros?<\/p>\n

\"Georgia
Georgia O\u2019Keeffe, 1917.<\/figcaption><\/figure>\n

7. Noite \u00e1 luz das estrelas<\/strong><\/p>\n

O Oeste norteamericano ten inspirado a xeraci\u00f3ns de artistas polas s\u00faas caracter\u00edsticas salvaxes e sen explotar. Georgia O\u2019Keefe ficou engaiolada co atractivo do Oeste. Se ben lle deron m\u00e1is sona as s\u00faas paisaxes de Novo Mexico, outros traballos temper\u00e1ns de O\u2019Keefe amosan intentos de capturar o espazo e a grandeza dos cristalinos ceos nocturnos do Oeste.<\/p>\n

O\u2019Keefe non daba atopado tales estrelas na cidade de Nova York. Ti\u00f1a que ir na s\u00faa procura acheg\u00e1ndose \u00e1 mesmi\u00f1a natureza no salvaxe Oeste.<\/p>\n

O futuro da noite est\u00e1 ameazado<\/strong><\/p>\n

Iso de ficar baixo un firmamento de estrelas non estragado polo halo da luz artificial foi a experiencia habitual algunha vez. Mozos e vellos, ricas e pobres por igual, en todos os recunchos do mundo compart\u00edan a fascinaci\u00f3n e o abraio polos ceos da noite<\/a>. Por\u00e9n, o futuro da noite vive agora ameazado. Namentres perdemos boa parte desa nosa experiencia compartida a prol dun progreso incesante, como \u00e9 que se van inspirar na noite os futuros artistas, inventoras e creadoras?<\/p>\n

Podes axudar a que as futuras xeraci\u00f3ns se inspiren mellor!<\/strong><\/p>\n

Por sorte, a contaminaci\u00f3n lum\u00ednica pode reverter facilmente. Podes marcar a diferenza de xeito real e inmediato se…<\/p>\n