C<\/span>ada tarde, a medida que a luz do Sol vai desaparecendo, comeza devagari\u00f1o diante nosa a gran festa do ceo estrelado. Nas vilas e cidades este espect\u00e1culo est\u00e1 case esquecido por culpa da excesiva iluminaci\u00f3n artificial; a emisi\u00f3n de luz en direcci\u00f3ns e intensidades inadecuadas para as necesidades humanas -a chamada \u201ccontaminaci\u00f3n lum\u00ednica\u201d- produce unha morea de efectos prexudiciais para o medio ambiente e imp\u00eddenos, ademais, gozar do firmamento nocturno. Mais a\u00ednda que as condici\u00f3ns non sexan as \u00f3ptimas sempre hai algo que ver no ceo. E o ceo \u00e9 para todos, para todas as persoas, para todas as idades. Convid\u00e1mosvos hoxe a erguer a mirada e contemplar a noite da Illa de San Sim\u00f3n.<\/p>\n Xa antes de que o Sol se oculte baixo a li\u00f1a do horizonte chamar\u00e1n a atenci\u00f3n, cara ao oeste, os planetas Venus -o m\u00e1is brillante- e X\u00fapiter. Ao longo do mes de xu\u00f1o os dous corpos ir\u00e1n aproxim\u00e1ndose xornada a xornada at\u00e9 alcanzar o m\u00e1ximo achegamento o \u00faltimo d\u00eda do mes: daquela a separaci\u00f3n entre un e outro ser\u00e1 inferior ao grosor de medio dedo co brazo estirado. Cando o ceo estea m\u00e1is escuro poderemos reco\u00f1ecer na contorna destes planetas as constelaci\u00f3ns que visitan este mes: Venus a dos Xemelgos (os dous puntos m\u00e1is rechamantes na zona ser\u00e1n as estrelas Castor e Pollux) e X\u00fapiter, a de Leo. Outro planeta, Saturno, \u00e9rguese no lado oposto, en direcci\u00f3n leste, na constelaci\u00f3n de Libra.<\/span><\/span><\/span><\/p>\n Na nosa latitude unha boa referencia para orientarse polo ceo nocturno \u00e9 o Carro da Osa Maior. Ao estar na veci\u00f1anza da Estrela Polar, a estrela \u201cfixa\u201d ao redor da cal parece xirar toda a b\u00f3veda celeste e que en Galicia vemos a media altura, o Carro nunca chega a sa\u00edr da vista. Permanece no ceo todas as noites do ano e durante toda a noite, v\u00e9molo sempre e podemos valernos del para localizar outros asterismos e incluso para facer boas estimaci\u00f3ns da hora nocturna. Se collemos as estrelas da parte traseira da caixa do Carro, Dubhe e Merak, as unimos cunha li\u00f1a imaxinaria e a prolongamos cinco veces, chegaremos at\u00e9 un punto illado non especialmente luminoso, a Polar, a estrela que sinala a direcci\u00f3n Norte e non parece moverse en absoluto. En sentido contrario a li\u00f1a Dubhe-Merak l\u00e9vanos a Leo, coas estrelas Den\u00e9bola e Regulus coma extremos m\u00e1is reco\u00f1ec\u00edbeis. E o cabezallo do Carro apunta a outra estrela brillante, Arcturus, na constelaci\u00f3n do Boieiro. <\/span><\/p>\n Entre os obxectos que se poden ver a simple vista no ceo nocturno hai alg\u00fans de fabricaci\u00f3n humana: os sat\u00e9lites artificiais. Cando os sat\u00e9lites reflicten a luz do Sol \u00e1 Terra d\u00e9ixanse ver coma puntos que se desprazan velozmente e esvaecen de s\u00fapeto. Son moitos os sat\u00e9lites vis\u00edbeis cada noite e grazas a sitios web coma Heavens Above<\/a>\u00a0podemos determinar a s\u00faa aparici\u00f3n con precisi\u00f3n absoluta para cada lugar. Pasa o mesmo coa ISS, a Estaci\u00f3n Espacial Internacional que acolle aos astronautas en misi\u00f3n cient\u00edfica. A ISS \u00e9 moito maior ca un sat\u00e9lite de comunicaci\u00f3ns e o seu brillo \u00e9 moi superior. Pouco antes das once a ISS voar\u00e1 sobre a Illa de San Sim\u00f3n; xurdir\u00e1 baixa polo Oeste e emprender\u00e1 cami\u00f1o ao norleste pasando polas constelaci\u00f3ns dos Xemelgos, Cefeo, Cassiopeia e o Cisne.<\/span><\/p>\n Irene Baspino e Martin Pawley (Agrupaci\u00f3n Astron\u00f3mica Coru\u00f1esa \u00cdo)<\/em><\/p>","protected":false},"excerpt":{"rendered":" Illa de San Sim\u00f3n, 6 de xu\u00f1o de 2015. Cada tarde, a medida que a luz do Sol vai desaparecendo, comeza devagari\u00f1o diante nosa a gran festa do ceo estrelado. Nas vilas e cidades este espect\u00e1culo est\u00e1 case esquecido por culpa da excesiva iluminaci\u00f3n artificial; a emisi\u00f3n de luz en direcci\u00f3ns e intensidades inadecuadas para as necesidades humanas -a chamada \u201ccontaminaci\u00f3n lum\u00ednica\u201d- produce unha morea… <\/p>\n![\"SanSim\u00f3n6Xu\u00f1o2245-O\"](\"http:\/\/agrupacionio.com\/wp-content\/uploads\/2015\/06\/SanSim\u00f3n6Xu\u00f1o2245-O.jpg\" "\\"Picar")
<\/a><\/p>\n<\/p>\n