Que: charla de Martin Pawley, crítico e programador de cinema e coordinador dos grupos de traballo sobre contaminación luminosa e diversidade da Agrupación Astronómica Coruñesa Ío.
Descrición: o 12 de agosto de 2026 Galicia (e en particular, A Coruña) vivirá a única eclipse total de Sol en máis dun século, un evento astronómico que vai traer á cidade un número inmenso de visitantes. Celebramos a inminente entrada no ano da eclipse cunha sesión que repasará unha pequena colección de filmes nos que está presente a ocultación do Sol pola Lúa, con exemplos tan grandiosos como o desafío técnico que supuxo filmar con cámaras de cinema unha eclipse real no clásico “Barrabás”.
Cando: luns 29 de decembro ás 19:30.
Onde: no planetario da Casa das Ciencias, Parque de Santa Margarida, A Coruña.
Como: entrada libre até completar a capacidade do recinto. Actividade organizada en colaboración coa Agrupación Cultural Alexandre Bóveda.