Charla divulgativa dirixida ao público adulto, o venres 10 de xullo ás 19:00 horas. A sesión abordará as características e singularidades da eclipse solar prevista para o 12 de agosto de 2026. Inscrición web desde o 3 de xullo ás 10:00 h.
Nesta sesión construíremos unha caixa estenopeica que nos permitirá observar de xeito totalmente seguro o Sol e a vindeira eclipse do 12 de agosto. A Agrupación Ío achegará un modelo de caixa impresa que as persoas asistentes terán que recortar, dobrar e pegar seguindo as instrucións paso a paso. Ademais daranse informacións útiles para comprender e observar a eclipse total de Sol do 12 de agosto.