Q: Rosalía feminista

Xa en “Lieders”, un pequeno artigo escrito en 1858, expuña como principios básicos do seu pensamento a liberdade e a igualdade: “Jamás ha dominado en mi alma la esperanza de la gloria, ni he soñado nunca con laureles que oprimiesen mi frente. Sólo cantos de independencia y libertad han balbucido mis labios, aunque alrededor hubiese sentido, desde la cuna ya, el ruido de las cadenas que debían aprisionarme para siempre, porque el patrimonio de la mujer son los grillos de la esclavitud”. Noutro artigo posterior, “Las literatas”, ironiza sobre a visión que a sociedade do seu tempo tiña das mulleres que escribían, consideradas pouco menos que unhas intrusas nun labor de homes e obxecto das máis bastas críticas e burlas. As conviccións feministas de Rosalía esténdense a toda a súa obra, e fanse especialmente evidentes nos seus tres libros de poesía fundamentais, “Cantares gallegos”, “Follas novas” e “En las orillas del Sar”. Fotografía: María Cardarelly Has de cantar, meniña gaiteira, has de cantar, que me morro de pena. [Cantares Gallegos] Daquelas que cantan as pombas i as frores todos din que teñen alma de muller. Pois eu que n’as canto, Virxe da Paloma, ai!, de que a terei? [Follas Novas] Pero yo en el rincón más escondido y también más hermoso de la tierra, sin esperar a Ulises, que el nuestro ha naufragado en la tormenta, semejante a Penélope tejo y destejo sin cesar mi tela. [En las orillas del Sar] Consulta outras entradas da serie Estrela Rosalía. Campaña desenvolvida coa colaboración da Fundación Rosalía de Castro. Agradecementos: Agrupación Cultural Alexandre Bóveda, Edicións Xerais de Galicia.

Question 1

Boletín de divulgación astronómica da IAU: Novembro 2019 #1

Accepted Answer

Boletín de Divulgación Astronómica da Unión Astronómica Internacional (IAU)
Novembro 2019 #1
Neste boletín:
0) Nota dos editores
1) Número 26 da revista CAP xa dispoñíbel
2) A presidenta da IAU é a comisaria dunha exposición sobre arte e ciencia en Leiden, Países Baixos
3) Conectando comunidades de ceos escuros en Nova Zelandia e o mundo
4) Anunciadas as campañas 2020 de Globe at Night
5) Oportunidades de observación en Boston, EEUU
6) Acordo entre o goberno e o NOC de Palestina para aumentar a educación astronómica no país
7) APRIM 2020 marcado do 6 ao 10 de xullo de 2020
8) O proxecto global IAU100 NameExoWorlds suma máis de cen concursos nacionais
9) Reunións e eventos globais
10) Boletín Informativo de Divulgación de Astronomía da IAU noutros idiomas
11) Contribucións ao Boletín de Divulgación da IAU
0) Nota dos editores
Prezados amigos, amigas e colegas,
Tivemos días moi, moi ocupados aquí na oficina IAU de divulgación da astronomía debido á celebración do simposio IAUS358: Astronomía para a equidade, a diversidade e a inclusión, do 12 ao 15 de novembro en Mitaka, Xapón. 124 persoas de 31 países uníronse ao primeiro simposio IAU exclusivamente dedicado ás cuestións da diversidade e a inclusión dentro da comunidade astronómica.
Neste boletín, destacamos moitos proxectos que están facendo medrar o interese pola astronomía no público: un acordo co coordinador de divulgación astronómica en Palestina para aumentar a educación astronómica nas escolas, o último lanzamento do CAPjournal e unha exposición de ciencia e arte comisariada pola presidenta da IAU, entre outros moitos eventos fascinantes. Consulta o resto do boletín e aprende máis sobre un grande número de proxectos de ciencia cidadá nos que podes participar.
Desexámosvos ceos despexados!
Lina Canas e Izumi Hansen, en nome do equipo da Oficina de Divulgación de Astronomía da IAU
1) Número 26 da revista CAP xa dispoñíbel
Xa saíu o número 26 da revista Comunicar astronomía co público (CAP). Este número trata da crecente accesibilidade no campo da astronomía, o uso das redes sociais para incrementar o interese pola eclipse en Malasia e a campaña de divulgación da primeira imaxe dun buraco negro.
Podes ler o último número en liña aquí: https://www.iau.org/news/announcements/detail/ann19064/
2) A presidenta da IAU é a comisaria dunha exposición sobre arte e ciencia en Leiden, Países Baixos
A exposición “O cosmos: arte e coñecemento” combina ciencia e arte, baixo o comisariado da presidenta da IAU e profesora da universidade de Leiden Ewine van Dishoeck. A exposición está aberta no Rijksmuseum Boerhaave en Leiden, Países Baixos, do 10 de outubro de 2019 ao 15 de marzo de 2020.
Máis información, aquí: https://www.iau-100.org/art-and-science-exhibition
3) Conectando comunidades de ceos escuros en Nova Zelandia e o mundo
A conferencia Starlight de Nova Zelandia tivo lugar en Tekapo a finais de outubro de 2019. Apoiada pola asociación internacional Dark-Sky (IDA), este encontro independente convidou xente preocupada pola preservación dos ceos estrelados e tratou os moitos e variados impactos da contaminación luminosa.
Podes saber máis aquí: https://www.iau.org/news/announcements/detail/ann19065/
4) Anunciadas as campañas 2020 de Globe at Night
As datas de observación de Globe at Night para 2020, un proxecto de ciencia cidadá sobre contaminación luminosa, xa foron anunciadas.
A campaña de novembro de 2019 vai do 18 ao 27 coa constelación de Perseo, o heroe que acabou coa Gorgona, como zona de análise. No que vai de ano, a colaboración científica da cidadanía de todo o mundo achegou 9307 puntos de medición. Axuda a que o proxecto acade o obxectivo de 15000 observacións en 2019!
Máis información sobre as datas aquí: https://www.globeatnight.org/5-steps.php#dates2020
Información xeral, neste enderezo: https://www.globeatnight.org/
5) Oportunidades de observación en Boston, EEUU
O Proxecto de Observación de Harvard (HOP) proporciona sesións gratuítas de observación co Telescopio Clay de 0,4 m. O obxectivo do programa é non só darlle ao estudantado a oportunidade de aprender a usar o telescopio (e que os graduados e as graduadas poidan traballar con estudantes), senón tamén recoller datos útiles para a comunidade científica.
Cada semestre HOP escolle un novo foco de estudo e admite observadores e observadoras a través dunha inscrición en liña. Este semestre o foco está nos exoplanetas, seguindo as observacións de TESS. Outros temas do pasado foron as supernovas, os asteroides e a estrela de Tabby.
Este programa acontece in situ na universidade de Harvard en Boston, Massachusetts (EEUU) e non inclúe axuda monetaria para os observadores e as observadoras.
Máis información e rexistro en liña, aquí: http://astrolab.fas.harvard.edu/hop.html
6) Acordo entre o goberno e o NOC de Palestina para aumentar a educación astronómica no país.
O Ministro de Educación de Palestina asinou un acordo co coordinador de divulgación nacional de Palestina, Dawoud Tarawa, e a Sociedade Astronómica de Palestina (AAA) para aumentar a presenza da astronomía nas escolas do país. Este acordo de tres anos inclúe formación do profesorado, creación de clubs astronómicos e o desenvolvemento do currículo, entre outras actividades supervisadas por especialistas en astronomía. Parabéns a Dawoud polo seu excelente traballo!
Podedes encontrar máis información en árabe aquí: http://www.maannews.net/Content.aspx?id=999503
7) APRIM 2020 marcado do 6 ao 10 de xullo de 2020
O 14º encontro rexional IAU Asia-Pacífico (APRIM) celebrarase do 6 ao 10 de xullo de 2020 en Perth, Australia. Delegacións de toda a rexión Asia-Pacífico xuntaranse para presentar as últimas investigacións astronómicas e espaciais en grande variedade de campos a unha audiencia ampla da rexión, na procura do establecemento de novas conexións e colaboracións.
Máis información sobre o encontro, no sitio web https://aprim2020.org/
8) O proxecto global IAU100 NameExoWorlds desenvolve máis de 100 competicións nacionais
O proxecto global NameExoWorlds espertou interese internacional e recibiu moita participación e cobertura nos medios. Miles de nomes foron propostos ás respectivas campañas nacionais para nomear un exoplaneta e a súa estrela anfitrioa.
Máis información, aquí: https://www.iau-100.org/name-exoworlds-update
9) Encontros e actividades globais
Aquí podes atopar unha listaxe de conferencias e eventos sobre divulgación e educación astronómica en todo o mundo. Planifica con antelación un ano moi especial para a astronomía, cheo de eventos interesantes!
a) Arte, Visualisación e Cosmos na Educación
Datas: 5 e 6 de decembro de 2019
Lugar: Melbourne, Victoria, Australia
Máis información: https://www.deakin.edu.au/about-deakin/events/art-visualisation-and-the-cosmos-in-education
b) Conferencia Educación e investigación con telescopios robóticos
Datas: do 8 ao 11 de decembro de 2019
Lugar: Melbourne, Victoria, Australia
Máis información: https://rtsre.net/
c) Primeiro obradoiro Shaw-IAU de “Astronomía para a educación”
Datas: do 17 ao 19 de decembro de 2019
Lugar: París, Francia
Máis información: https://www.iau.org/education/oae/shaw-iau-workshop/
d) Encontro rexional IAU Asia-Pacífico (APRIM)
Datas: do 6 ao 10 de xullo de 2020
Lugar: Perth, Australia
Máis información: https://aprim2020.org/
e) Conferencia CAP 2020
Datas: do 21 ao 25 de setembro de 2020
Lugar: Sydney, Australia
Máis información: https://www.communicatingastronomy.org/cap2020/
Esquecemos algo? Entón comparte os teus encontros sobre educación e divulgación astronómica con nós vía outreach@iau.org.
10) Boletín de divulgación astronómica da IAU noutras linguas
-Tradución ao serbio, elaborada pola doutora Liliana Gracanin de Serbia: https://twitter.com/IAU_srpski;
-Traducións ao xaponés a cargo de Akihiko Tomita a través da Rede de Tradución Astronómica: http://bit.ly/2xlNyCR. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados, http://www.jaaa-astro.jp/jaaa-ml.html, ou á Sociedade Xaponesa pola Educación e Divulgación da Astronomía, http://www.tenkyo.net/;
-Traducións ao galego, por Martin Pawley da Agrupación Astronómica Coruñesa Ío, en España, aquí: http://agrupacionio.com/gl/tag/boletin-iau;
-Traducións ao español, elaboradas por Emilio Zúñiga, da Asociación de Astrónomos Aficionados de León, Nicaragua: http://asafile.blogspot.jp/p/blog-page_12.html;
-Tradución ao italiano, feitas por Eleonora Piromalli, AstronomiAmo, de Italia, nesta ligazón: https://www.astronomiamo.it/DivulgazioneAstronomica/Newsletter-IAU/last
-Tradución ao ruso, elaboradas por Artem Mokhnaktin, do Observatorio Astronómico Central da Academia Rusa das Ciencias en Pulkovo. Podes atopar as últimas traducións do boletín aquí.
-Tradución ao portugués elaborada por Catarina Leote e João Ferreira a través do grupo de lingua portuguesa da Rede de Tradución Astronómica (o último número do boletín está aquí).
Se estás interesado en traducir o noso boletín ao teu idioma, por favor contacta con nós vía outreach@iau.org.
11) Contribucións ao boletín de divulgación astronómica da IAU – desexamos noticias vosas en 2019!

Na Oficina de Divulgación Astronómica da IAU sempre estamos buscando noticias sobre educación e divulgación astronómica en todo o mundo. Por favor, continuade compartindo as vosas historias con nós! Se estás organizando actividades a gran escala a nivel rexional ou internacional, ofreces postos de traballo de educación e comunicación da astronomía, tes proxectos innovadores ou historias inspiradoras, buscas colaboración ProAm en astronomía ou creaches recursos educativos, fáinolo saber por correo electrónico: outreach@iau.org.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podes consultar o boletín en inglés nesta ligazón.

Question 2

Imprime os carteis da campaña #EstrelaRosalía!

Accepted Answer

Podes axudarnos a difundir a iniciativa #EstrelaRosalía imprimindo pola túa conta os carteis da campaña. A deseñadora Marta Cortacans preparou tres modelos diferentes. Elixe o que máis che guste!

Podes descargar aquí este cartel en PDF (100 KB) con calidade para impresión.
* * *

Podes descargar aquí este cartel en PDF (266 KB) con calidade para impresión.
* * *

Podes descargar aquí este cartel en PDF (356 KB) con calidade para impresión.

Question 3

Boletín de divulgación astronómica da IAU: Outubro 2019 #2

Accepted Answer

Boletín de Divulgación Astronómica da Unión Astronómica Internacional (IAU)
Outubro 2019 #2
Neste boletín:
0) Nota dos editores
1) CAP2020 terá lugar en Sydney, Australia
2) Comeza a segunda fase do Proxecto Amanar con actividades de divulgación astronómica en campamentos de refuxiados de Tinduf
3) IAU100 lanza a serie de vídeos “Baixo un mesmo ceo: astronomía arredor do mundo”
4) Proxecto global IAU100 NameExoWorlds desenvolve máis de 100 competicións nacionais
5) Premio Nobel de Física 2019 outorgado a James Peebles, Michel Maior e Didier Queloz
6) Aberto o prazo de solicitudes para a admisión de novos membros junior e membros individuais
7) Edward C. Stone recibiu o Premio Shaw en Astronomía
8) Anunciado o proxecto gañador do Premio Mulleres e Nenas en Astronomía
9) Reunións e eventos globais
10) Boletín Informativo de Divulgación de Astronomía da IAU noutros idiomas
11) Contribucións ao Boletín de Divulgación da IAU
0) Nota dos editores
Prezados amigos, amigas e colegas,
Comezou a tempada de premios e os astrónomos están á fronte e no centro dos principais premios deste ano, co Premio Nobel de Física 2019 e o Premio Shaw dedicados á astronomía. Esperamos que poidades dedicarlle algún tempo a aprender máis sobre as persoas premiadas e o impacto e o legado que deixan as súas investigacións.
Para celebrarmos o IAU100, queremos destacar dúas campañas actualmente en curso, NameExoWorld e a serie de vídeos Under One Sky (Baixo un mesmo ceo), e o inicio da segunda fase do Proxecto Amanar, que leva a astronomía ás persoas que viven en campamentos de refuxiados.
Por último, mais non é menos importante, o noso equipo e os nosos colegas do NAOJ están a traballar arduamente para dar a benvida a 130 participantes de trinta países diferentes ao Campus Mitaka do NAOJ en Toquio para o primeiro simposio da IAU sobre equidade, diversidade e inclusión en astronomía. Ao apoiar este simposio, o noso equipo ten como obxectivo aumentar o acceso á información astronómica a todos os astrónomos e as astrónomas e a todo o público, e comprender como a divulgación pode contribuír de maneira efectiva á diversidade e a inclusión nos equipos científicos.
Desexámosvos ceos despexados!
Lina Canas e Izumi Hansen, en nome do equipo da Oficina de Divulgación de Astronomía da IAU
1) CAP2020 terá lugar en Sydney, Australia
A próxima Conferencia CAP terá lugar do 21 ao 25 de setembro de 2020 en Sydney, Australia. A Universidade Macquarie será a anfitrioa desta edición da conferencia e estamos entusiasmados de traballar coa universidade para preparar outra excelente reunión. A Conferencia CAP é o evento internacional máis grande que vincula a astronomía e a comunicación da ciencia, e serve de plataforma para facilitar o intercambio de ideas e as mellores prácticas en comunicación científica, divulgación e temas similares.
Estade atentos á inscrición a partir de decembro de 2019.
Máis información, aquí: https://www.communicatingastronomy.org/cap2020/
2) Comeza a segunda fase do Proxecto Amanar con actividades de divulgación astronómica en campamentos de refuxiados de Tinduf
O proxecto Amanar: Under the Same Sky (Baixo un mesmo ceo) ten como obxectivo inspirar á mocidade saharauí de Alxeria a través da astronomía, utilizándoa como unha ferramenta para promover a paz, o intercambio cultural e o entendemento mutuo. Comezou a segunda fase do proxecto, e un equipo internacional de profesionais da astronomía e da educación viaxa aos campamentos de refuxiados en Tinduf para levar a cabo actividades de divulgación de astronomía.
Podes ler máis sobre o proxecto aquí: https://www.iau-100.org/amanar-under-the-same-sky
3) IAU100 lanza a serie de vídeos “Baixo un mesmo ceo: astronomía arredor do mundo”
IAU100 comprácese en anunciar o lanzamento da serie de vídeos “Under One Sky: Astronomy Around the World” (Baixo un mesmo ceo: astronomía arredor do mundo) que destaca e celebra a astronomía en países de todo o mundo.
Tes máis información sobre o lanzamento aquí: https://www.iau-100.org/under-one-sky-series
Podes ver os vídeos no canal da IAU en Youtube:
https://www.youtube.com/playlist?list=PLJ5Xv0K-jrErfh6GF1EFK6laFjyXv0EC7
4) Proxecto global IAU100 NameExoWorlds desenvolve máis de 100 competicións nacionais
O proxecto global NameExoWorlds espertou interese internacional e recibiu moita participación e cobertura nos medios. Miles de nomes foron propostos ás respectivas campañas nacionais para nomear un exoplaneta e a súa estrela anfitrioa.
Máis información, aquí: https://www.iau-100.org/name-exoworlds-update
5) Premio Nobel de Física 2019 outorgado a James Peebles, Michel Maior e Didier Queloz
A Unión Astronómica Internacional felicita aos tres gañadores do Premio Nobel de Física 2019. A Real Academia Sueca de Ciencias decidiu outorgar o premio deste ano ás &#8220;contribucións á nosa comprensión da evolución do universo e o lugar da Terra no cosmos&#8221;, dividindo o premio entre James Peebles &#8220;por descubrimentos teóricos en cosmoloxía física&#8221; e a outra metade conxuntamente para Michel Maior e Didier Queloz &#8220;polo descubrimento dun exoplaneta orbitando unha estrela de tipo solar&#8221;. Parabéns aos premiados, que son nos tres casos membros da IAU.
Podes ler o comunicado da IAU aquí: https://www.iau.org/news/announcements/detail/ann19061/
6) Aberto o prazo de solicitudes para a admisión de novos membros junior e membros individuais
Está aberto o prazo de solicitude para a admisión de Membros Junior da IAU, unha categoría presentada na XXX Asemblea Xeral da IAU en agosto do ano pasado. As persoas elixíbeis deben ser científicos e científicas que se atopan na fase inicial dunha carreira de investigación coa perspectiva de converterse en profesionais da investigación astronómica. Nesta rolda de solicitudes, as persoas candidatas deben completar os seus estudos de doutoramento en calquera campo da astronomía entre 2014 e 2019. A admisión do Comité Executivo como membro junior será por un período máximo de seis anos. Máis información: https://www.iau.org/news/announcements/detail/ann19060/
A solicitude de admisión de membros individuais tamén está aberta e péchase o 15 de decembro de 2019. Máis información dispoñíbel aquí: https://www.iau.org/news/announcements/detail/ann19059/
7) Edward C. Stone recibiu o Premio Shaw en Astronomía
O astrónomo Edward C. Stone é unha das tres persoas gañadoras do Premio Shaw deste ano, no seu caso polas súas contribucións ao programa Voyager. Comparte o premio con Maria Jasin en ciencias da vida e medicina e Michel Talagrand en ciencias matemáticas.
O Premio Shaw recoñece e recompensa o traballo de científicos e científicas en activo que lograron avances significativos cun impacto positivo para a humanidade. Como premio Shaw en astronomía, Stone está convidado a dar a conferencia plenaria Fundación Premio Shaw na Asemblea Xeral da IAU en Busan en 2021.
Máis información dispoñíbel neste enderezo: https://www.iau.org/news/announcements/detail/ann19058/
8) Anunciado o proxecto gañador do Premio Mulleres e Nenas en Astronomía
O proxecto Astro Molo Mhalaba foi seleccionado como o gañador do Premio IAU100 Mulleres e Nenas en Astronomía. Esta iniciativa involucra a máis de cen nenas de comunidades desfavorecidas en Cidade do Cabo, África do Sur, a través de actividades de divulgación de astronomía en febreiro de 2019.
Podes ler máis sobre o proxecto aquí: https://www.iau-100.org/astro-molo-mhalaba
9) Encontros e actividades globais
Aquí podes atopar unha listaxe de conferencias e eventos sobre divulgación e educación astronómica en todo o mundo. Planifica con antelación un ano moi especial para a astronomía, cheo de eventos interesantes!
a) IAUS358: Astronomía para a Equidade, a Diversidade e a Inclusión – unha folla de ruta para as accións no marco do centenario da IAU
Datas: do 12 ao 15 de novembro de 2019
Lugar: Toquio, Xapón
Máis información: https://iau-oao.nao.ac.jp/iaus358/

b) Arte, Visualisación e Cosmos na Educación
Datas: 5 e 6 de decembro de 2019
Lugar: Melbourne, Victoria, Australia
Máis información: https://www.deakin.edu.au/about-deakin/events/art-visualisation-and-the-cosmos-in-education
c) Conferencia Educación e investigación con telescopios robóticos
Datas: do 8 ao 11 de decembro de 2019
Lugar: Melbourne, Victoria, Australia
Máis información: https://rtsre.net/
d) Primeiro obradoiro Shaw-IAU de “Astronomía para a educación”
Datas: do 17 ao 19 de decembro de 2019
Lugar: París, Francia
Máis información: https://www.iau.org/education/oae/shaw-iau-workshop/
e) Conferencia CAP 2020
Datas: do 21 ao 25 de setembro de 2020
Lugar: Sydney, Australia
Máis información: https://www.communicatingastronomy.org/cap2020/
Esquecemos algo? Entón comparte os teus encontros sobre educación e divulgación astronómica con nós vía outreach@iau.org.
10) Boletín de divulgación astronómica da IAU noutras linguas
-Tradución ao serbio, elaborada pola doutora Liliana Gracanin de Serbia: https://twitter.com/IAU_srpski;
-Traducións ao xaponés a cargo de Akihiko Tomita a través da Rede de Tradución Astronómica: http://bit.ly/2xlNyCR. Se queres recibir a tradución ao xaponés do boletín, subscríbete á Asociación Xaponesa de Astrónomos Afeccionados, http://www.jaaa-astro.jp/jaaa-ml.html, ou á Sociedade Xaponesa pola Educación e Divulgación da Astronomía, http://www.tenkyo.net/;
-Traducións ao galego, por Martin Pawley da Agrupación Astronómica Coruñesa Ío, en España, aquí: http://agrupacionio.com/gl/tag/boletin-iau;
-Traducións ao español, elaboradas por Emilio Zúñiga, da Asociación de Astrónomos Aficionados de León, Nicaragua: http://asafile.blogspot.jp/p/blog-page_12.html;
-Tradución ao italiano, feitas por Eleonora Piromalli, AstronomiAmo, de Italia, nesta ligazón: https://www.astronomiamo.it/DivulgazioneAstronomica/Newsletter-IAU/last
-Tradución ao ruso, elaboradas por Artem Mokhnaktin, do Observatorio Astronómico Central da Academia Rusa das Ciencias en Pulkovo. Podes atopar as últimas traducións do boletín aquí.
-Tradución ao portugués elaborada por Catarina Leote e João Ferreira a través do grupo de lingua portuguesa da Rede de Tradución Astronómica (o último número do boletín está aquí).
Se estás interesado en traducir o noso boletín ao teu idioma, por favor contacta con nós vía outreach@iau.org.
11) Contribucións ao boletín de divulgación astronómica da IAU – desexamos noticias vosas en 2019!

Na Oficina de Divulgación Astronómica da IAU sempre estamos buscando noticias sobre educación e divulgación astronómica en todo o mundo. Por favor, continuade compartindo as vosas historias con nós! Se estás organizando actividades a gran escala a nivel rexional ou internacional, ofreces postos de traballo de educación e comunicación da astronomía, tes proxectos innovadores ou historias inspiradoras, buscas colaboración ProAm en astronomía ou creaches recursos educativos, fáinolo saber por correo electrónico: outreach@iau.org.
Podedes enviarnos as vosas suxestións até o día 4 de cada mes (para o primeiro boletín) e até o 17 (para o segundo boletín). Desexamos recibir noticias vosas!
Tradución: Martin Pawley (Agrupación Ío). Podes consultar o boletín en inglés nesta ligazón.

Question 4

Vota #EstrelaRosalía!

Accepted Answer

Se queres axudarnos a que Rosalía de Castro sexa tamén unha estrela recoñecida oficialmente pola Unión Astronómica Internacional, ademais de votar por ela, podes difundir nas túas redes sociais e entre os teus contactos os carteis da campaña, con diferentes modelos:
Versión 800&#215;800

Versión 920&#215;512

Versión 1024&#215;512

Question 5

Ponlle nome a unha estrela!

Accepted Answer

A Unión Astronómica Internacional (IAU, polas siglas en inglés) foi fundada hai un século, en 1919. Para celebrar o seu centenario, a IAU organizou a campaña mundial NameExoWorlds, que permite que cada país do mundo lle poña nome a unha estrela cun exoplaneta asociado.
HD 149143 é a estrela asignada a España. É unha anana amarela parecida ao noso Sol situada a 240 anos luz de nós, na constelación de Ofiúco, o Serpentario. A súa magnitude relativa é 7,89, o cal a converte nun obxecto visíbel con prismáticos en ceos escuros. O exoplaneta HD 149143 b foi descuberto en 2005. É un xigante gasoso un pouco maior que Xúpiter que orbita a oito millóns de quilómetros da súa estrela: tarda só 4,1 días en dar unha volta completa arredor dela.
Imaxe: Marta Cortacans
A Agrupación Astronómica Coruñesa Ío propuxo nesta campaña o nome de Rosalía de Castro para a estrela HD 149143, e o de Río Sar para o seu exoplaneta HD 149143 b. En caso de que se descubran máis exoplanetas neste astro, a nosa proposta inclúe outros topónimos asociados á vida e obra de Rosalía: Laíño, Lestrobe, Bastavales, Conxo ou Iria.