Agrupación ÍO

Conferencia e observación do ceo a simple vista e con prismáticos desde a horta da Casa de Rosalía en Padrón a cargo de Martin Pawley e Xabier Pérez Couto. Haberá unha única quenda, de 19:30 a 21:00, para explicar cuestións científicas sobre o ceo enriba das nosas cabezas, así como diferentes aspectos da cultura e as tradicións asociadas ao firmamento. Convidamos ás persoas que asistan a que traian os seus propios prismáticos, se dispoñen deles, para a observación de obxectos de ceo profundo.

Información útil: entrada libre, uso obrigatorio de máscara segundo as recomendacións COVID vixentes.

Conferencia sobre o proceso de normalización dos nomes oficiais en galego das 88 constelacións a cargo de Martin Pawley.

Iniciativa para levar a divulgación da astronomía aos bares e cafeterías, nun formato de pequenas charlas arredor dun mesmo tema. Lugar: Ateneo Bar Cultural (R/ Reverendo Padre José Álvarez Cabeza, 1 baixo, 15011, A Coruña)

Charla divulgativa sobre astronomía en conmemoración do Día de Rosalía.

Observación astronómica a simple vista na terraza exterior do Aquarium Finisterrae organizada polos Museos Científicos Coruñeses coa colaboración da Agrupación Astronómica Coruñesa Ío. A participación é libre até completar espazo. Recoméndase ir ben abrigados e que leven prismáticos propios as persoas que dispoñan deles.