Conferencia e observación do ceo a simple vista desde a horta da Casa de Rosalía en Padrón a cargo de Martin Pawley e Xabier Pérez Couto. Entrada libre, uso obrigatorio de máscara segundo as recomendacións COVID vixentes. Convidamos ás persoas que asistan a que traian os seus propios prismáticos, se dispoñen deles, para a observación de obxectos de ceo profundo.
Haberá dúas quendas de observación, con rexións diferentes do ceo para observar:
-Ás 19:30: planetas e constelacións de verán e outono.
-Ás 22:30: introdución ao ceo de inverno.
Durante a observación iremos explicando cuestións científicas sobre o ceo enriba das nosas cabezas, así como diferentes aspectos da cultura e as tradicións asociadas ao firmamento.
