Achégase a V edición do Workshop CMON! Este sábado terá lugar a quinta edición deste encontro que ten como obxectivo intercambiar experiencias, coñecementos e tecnoloxías para a observación de fenómenos astronómicos e a divulgación astronómica en xeral.

A actividade será o sábado 17 de decembro de 10:45h a 20:30h na Residencia Universitaria Monte da Condesa (R/ Xoaquín Díaz Rabago, s/n, Campus Vida, Santiago de Compostela).

Para inscribirte, consultar o programa, como chegar ou onde comer visita a páxina web oficial do encontro:

Páxina web do V Workshop CMON

Se queres saber máis sobre o V Workshop CMON consulta o foro astromania.es ou contacta con Ramón Iglesias Marzoa. O seu correo é:

rimarzoa (en) yahoo (punto) es

A Agrupación Astronómica Coruñesa Ío vai dispoñer dun bus gratuito para acudir ao encontro. O bus sairá ás 9:30h da Praza da Palloza da Coruña e regresará ao finalizar a actividade. As persoas interesadas en ter praza no bus Coruña (Praza da Palloza) – Santiago (R.U. Monte da Condesa) para acudir ao encontro deben cubrir este formulario. ACTUALIZACIÓN: cancelado o bus de balde ante a falta dun suficiente número de solicitudes. Ante calquera dúbida sobre o desprazamento escribe a info@agrupacionio.com.